২ পিতর 2:6 - Chakma Bible

⁶ সদোম আর ঘমোরা শঅরান্ আগুন্দোই ভস্ত গুরিনে গোজেনে সেই শঅর মানুচ্চুনোরে সাজা দিয়্যে আর এবাবোত্যেগুরি তে দেগেয়্যে, যিগুনে গোজেনরে ভোক্তি ন-গরন সিগুনোর্ অবস্থা কি অবঅ;

২ পিতর 2:6 Iomraidhean Croise

পত্থম 19:28

তে তলেদি সদোম, ঘমোরা আর বেক্‌ সংজাগায়ান ইন্দি রিনি চেইনে দেগিলোদে, চুলোত্তুন্‌ যেধোক্ক্যেন ধূমো উদে সেধোক্ক্যেন সে চাগালাগানত্তুন ধূমো উদের্‌।

যিশাইয় 1:9

বেগত্তুন্ খেমতাবলা লগেপ্রভু আমাত্তে যুনি কয়েক জনরে জেদা ন-রাগেদ সালে আমা অবস্থা সদোম আর ঘমোরা শঅর ধোক্ক্যেন্ অদঅ।

যিশাইয় 13:19

বেক্ রেজ্যগানির্ মানেক্ বাবিলানরে, কলদীয়গুনোর বাঈনী গরেদে বাবিলানরে গোজেনে সদোম আর ঘমোরা ধোক্ক্যেন্ ভস্ত গুরিবো।

যিরমিয় 50:40

মুই যেবাবোত্যেগুরি কায়-কুরে আদামানিসুমুত্তো সদোম আর ঘমোরা ভস্ত গোজ্যং, সেবাবোত্যেগুরি কনজনে সিয়েনত্ বজত্তি ন-গুরিবাক্; কনঅ মান্‌‌‌জ্যে সিয়েন ভিদিরে ন-থেবাক্। মুই লগেপ্রভু এ কধাগান কঙর্।

হোশেয় 11:8

“ইফ্রয়িম, মুই কেধোক্ক্যেন্ গুরি তরে ছাড়ি যেইম? ইস্রায়েল, মুই কেধোক্ক্যেন গুরি তরে অন্য আঢত্ তুলি দিম? কিবাবোত্যেগুরি মুই তরে অদ্‌মার আর সবোয়িম ধোক্ক্যেন ভস্ত গুরিম? তত্তেই মঅ মনান্ পাগল্ অর্; মর্ বেক্ দোয়্যেগান জাগি উঠ্যে।

আমোষ 4:11

মুই তমা গোজেন যেবাবোত্যেগুরি সদোম আর ঘমোরাগানরে ভস্ত গোজ্যং সেবাবোত্যেগুরি তমারে বোউত্ জনরে ভস্ত গুরিলুং। তুমি ওইয়ো আগুনোত্তুন্ তুলি লোইয়্যে জ্বোল্‌‌‌জোল্যে দার্‌‌‌বো ধোক্ক্যেন, তো তুমি মইদু ফিরি ন-এলা।

গণাণা 16:38

পাপ গুরিবার্‌ কারনে যিদুক্কুন মানুচ্‌ মুরি যেইয়োন পৌইরেগর্‌ কদরাগুন্‌ তারার। মাত্তর্‌ সিগুন্‌ লগেপ্রভুর মুজুঙোত্‌ আঝিল্ গরা ওইয়্যে বিলিনে সিগুন্‌ তাঁর নাঙে যুুদো গরা ওইয়্যে। সেনত্তে তুমি সিগুন্‌ পিদেনেই চাগা গুরিনে সিগুন্দোই পূজোবো নাঢি দুয়ো। ইয়েন্‌ যেনে ইস্রায়েলীয়গুনো ইদু এক্কান চিহ্নো ওই থায়।”

গণাণা 26:10

কোরহ সমারে এই দ্বিজনরেয়ো পিত্‌থিমীয়ানে আ গুরিনে গিলি ফেল্যে; আর কোরহর দল্লোর দ্বিশ পঞ্চাশ জন আগুনোত্‌ পুড়ি মুরি যেইয়োন। ইগুনে ইস্রায়েলীয়গুনোত্তে উঝিয়ার্‌ গুরিবার্‌ চিহ্নো ওই রলাক।

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

রোমীয় 9:29

যিশাইয় আরঅ কোইয়্যেদে, “বেগত্তুন্ খেমতাবলা প্রভু যুনি কিজু বংশধর আমাত্যে থোই ন-যেদঅ সালে আমা অবস্থা সদোম আর ঘমোরা শঅর ধোক্ক্যেন্ অদঅ।”

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

ইব্রীয় 4:11

ইয়েনত্যে এজঅ, আমি সেই জিরেন্ পেবাত্যে গমেডালে আয়োজি ওই। কেঅ যেন সেই অবাধ্য ইস্রায়েলীগুনো ধোক্ক্যেন গোজেনরে অমান্য গুরিনে তার্ দিয়্যে জিরেনত্তুন্ বাদ ন-পড়ন্।

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।