২ পিতর 2:3 - Chakma Bible

³ লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

২ পিতর 2:3 Iomraidhean Croise

ইয়োব 6:27

তুমি মা-বাপ্‌ নেইয়্যে গুনোরে চাম্বা চেইনে থাগঅ আর সমাজ্যেবোরে বিজি দিবাত্তে চঅ।

গীতসংহিতা 18:44

মঅ কধানি শুনিলে তারা মঅ অধিনতা স্বীগের্ গরন্; উল্লোমি মনভাব্‌পোই বিদেশিগুনে মর্ বাধ্য অন্।

গীতসংহিতা 66:3

গোজেনরে কঅ, “তর্ কাম দেগিনে মনত্ কত্তমান দর্ আর ভোক্তি জাগে। তর্ দাঙর খেমতার মুজুঙোত্ তর্ শত্রুগুনে মাঢা লোঙেবার্ ভান গুরিবাক্।

গীতসংহিতা 81:15

“শত্রুগুনে মঅ মুজুঙোত্ মাদা নিগিরোদে বাধ্য অবাক্, তারার সাজাগান্ অবদে উমরত্ত্যে।

যিশাইয় 5:19

তারা কন্দে, “গোজেন যাদিমাদি গর্; তে যাদিমাদি গুরি তা কামানি গোরোক্ যেন আমি সিয়েনি দেগিই, ইস্রায়েলর সেই পবিত্র মানুচ্চোর্ সল্লাগান্ পুরোণ্ ওক্ যেন আমি সিয়েন হবর্ পেই।”

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিশাইয় 60:22

তমা ভিদিরে যে চিগোন তে আজার্ জন উগুরে অবঅ, আর যে বেগত্তুন্ চিগোন তে এক্কো খেমতাবলা জাদ্ অবঅ। মুই লগেপ্রভু; সময়মজিম মুই সিয়েন যাদিমাদি গুরিম।”

যিরমিয় 6:13

“চিগোনত্তুন্ ধুরি দাঙর্ বেক্কুনে লাভত্তে লুভ্ গরন; এন কি, ভাববাদী আর ধর্মগুরুগুন বেক্কুনে ছলনা গরন।

যিরমিয় 8:10

সেনত্তে তারার মোগ্‌কুনোরে মুই অন্য মানুচ্চুনোরে আর তারার খেত্‌‌‌‌তানি নূয়ো গিরোজ্‌‌‌‌চুনোরে দি দিম। চিগোনত্তুন্ ধুরি দাঙর্ সং বেক্কুনে লাভত্তে লুভ্ গরন; এন্ কি, ভাববাদী আর ধর্মগুরু বেক্কুনে ছলনা গরন।

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

হবক্‌‌‌‌কূক 3:3

গোজেনে তৈমনত্তুন্ এজের্, সেই সুদ্ধো-সাংগ মানুচ্চো পারণ মুড়োবোত্তুন্ এজের্। তার্ মহিমাগান আগাজত্ সং লুমেগোই; পিত্‌থিমীগানে তার্ নাঙ্‌‌গিনেনালোই ভরা।

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

মথি লেখ্যে গম্ হবর্ 23:14

ফক্কর্ ধর্ম-মাষ্টর আর ফরীশীগুন, অভিশাব্ পোড়োক্ তমার্! এক কিত্তেদি তুমি মানুচ্চুনোরে দেগেবাত্তে লাম্বা লাম্বা গুরি তবনা গরঅ, অন্য কিত্তেদি রানি মিলেগুনোর্ সোম্বোত্তিগানি গজক্ গরঅ। ইয়েনত্তে তমার্ বোউত্ বেশ্ সাজা অবঅ।

লূকে লেখ্যে গম্ হবর্ 18:8

মুই তমারে কঙর্, তে তারা পক্ষে ন্যায় বিচের্ গত্তে দেরি ন-গুরিবো। মাত্তর্ মান্‌জ্যপুয়োবো যেক্কে এবঅ সেক্কে কি তে পিত্‌থিমীত্ বিশ্বেজ্ দেগিবো?”

লূকে লেখ্যে গম্ হবর্ 20:20

সেনত্যে তারা যীশুরে চোগে চোগে রাগেলাক্ আর এস্পাই পাধেই দিলাক্। যীশুরে তার্ নিজো কধা ফালত্ ফেলেবাত্যে সেই এস্পাইয়ুনে গম্ মান্‌‌‌‌জ্যর ভান্ গরা ধল্ল্যাক্, যেন তারা তারে আঝল্ শাসনগুরিয়্যেবোর্ বিচেরত্ ফেলেই পারন্।

লূকে লেখ্যে গম্ হবর্ 22:47

যীশু সেক্কেয়ো কধা কর্ এমন্ সময়োত্ বোউত্ মানুচ্‌ সিয়েনত্ লুমিলাক্। যিহূদা নাঙে তার্ বারজন শিচ্চ্য ভিদিরে একজন সে মানুচ্চুনো আগে আগে এজের্। যিহূদা যীশুরে চুমিবাত্তে তা কায়কুরে এলঅ।

যোহন 2:16

যিগুনে কোদোর্ বেজদন্ যীশু তারারে কলঅ, “এ জাগানত্তুন্ ইগুন বেক্কুন্ নেযগোই। মঅ বাব ঘরান্ বেবসা ঘর্ ন-বানেয়ো।”

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

দ্বি’লম্বর বিররণ 24:17

বিদেশী বাসিন্দা বা অসহায় উগুরে অন্যেয় বিচের অবাত্তে ন-দুয়ো। কনঅ রানিমিলেত্তুন বন্ধক ইজেবে তার্‌ কিয়্যের্‌ কাবড়ান্ ন-নেযেয়ো।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 3:8

সেধোক্ক্যেন গুরি পরিচালক্‌কুনেয়ো যেন সর্মান পেবার্ যগাজ্জ্যে আর এক কধার্ মানুচ্‌ অন্। তারা যেন মাত্তল্ ন-অন্, আর অন্যায় লাভ ইন্দি যেন তারার্ মনান্ ন-থায়।

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

২ পিতর 1:16

আমা প্রভু যীশু খ্রীষ্টর খেমতা আর তার্ এযানা পৌইদ্যেনে তমারে জানেবাত্যে যেইনে আমি কনঅ বানেইয়্যে কিত্ত্যে ন-কোই; আমি তার মহিমাগান নিজো চোগেদি দেক্ক্যেই।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।