২ পিতর 2:21 - Chakma Bible

²¹ যুনিয়ো তারা গম জিংকানির্ পথ্‌তান হবর্ পেদাক্ তো যে পবিত্র উগুমান তারারে দিয়্যে যেইয়্যে সিয়েন তারা এলাফেলা গোজ্জ্যন।

২ পিতর 2:21 Iomraidhean Croise

গীতসংহিতা 125:5

মাত্তর্ যিগুনে নিজোর বানেয়্যে বেঙা পধেদি উজুদো হাদে হাদে আঢন্ লগেপ্রভু অন্যেয়গুরিয়্যেগুনো সমারে তারারে দূর্ গুরি দিবো। ইস্রায়েলীয়গুনো উগুরে সুগ-শান্দি এজোক্!

গীতসংহিতা 85:8

লগেপ্রভু গোজেনে যিয়েন কবঅ মুই সিয়েন শুনিম; তা মানুচ্চুনো ইদু, তা ভক্তগুনো ইদু তে সুগ্-শান্দির কধা কবঅ; মাত্তর্ তারা যেন আর ভুলো মিক্ক্যে ন-ফিরোন্।

গম্ উপদেজ্ 12:28

ন্যায়র পধেদি জিংকানি থায়, সে পধেদি মরণ নেই।

গম্ উপদেজ্ 16:31

পাগানা চুল অলদে দোল্ অনার মুকুট; গোজেন উগুরে ভোক্তিবলা জিংকানি কাদেইনে সিয়েন পাহ্ যায়।

যিহিষ্কেল 18:24

মাত্তর্ যুনি এক্কো গম্ মানুচ্ তা সততাত্তুন্ ফিরিনে পাপ গরে আর পাজি মান্‌‌জ্য ধোক্ক্যেন জঘন্য কাম গরে সালে তে কি বাঁজিবো? তার কনঅ গম্ কাম সেক্কে মুই মনে ন-গুরিম। তার কনঅ গম্ কামানি সেক্কে মুই মনে ন-গুরিম। তার অবিশ্বেজ্ আর পাপত্তে তে মুরিবো।

যিহিষ্কেল 23:13

মুই দেগিলুং তেয়ো নিজোরে অসিজি গুরিলো; দ্বিজনে একই পধেদি গেলাক্।

যিহিষ্কেল 3:20

“আরঅ, যুনি কনঅ গম্ মানুচ্ তার ঠিগ্ পধত্তুন্ ফিরিনে ভান্ন্যেই কাম্ গরন আর মুই তা মুজুঙোত্ এক্কান দযা রাগাং, সালে তে মুরিবো। তুই তারে উজিয়ার ন-গরচ্ বিলি তে তার পাপত্তে মুরিবো। যেদক্কানি গম্ কাম তে গোজ্যে সিয়েনি আর ইদোত্ তুলো ন-অবঅ; মুই তরে তার্ মরণত্তে দায়ী গুরিম।

যিহিষ্কেল 33:13

যুনি মুই এক্কো গম্ মান্‌‌‌জ্যরে কং, তে ঘেচ্চেকগুরি বাঁজিবো, মাত্তর্ তে পরেদি তার সততাগান উগুরে বিশ্বেজ্ গুরিনে ভান্ন্যেই কাম গরে সালে তে আগে যেদক্কানি গম্ কাম গোজ্যে সিয়েনির কনগান মনে গরা ন-অবঅ; তে যে ভান্ন্যেই কাম্ গোজ্যে সিয়েনত্তে তে মুরিবো।

সফনিয় 1:6

যিগুনে লগেপ্রভুর পিজেদি চলানাত্তুন্ ফিরি যেইয়োন আর তার্ আওজ্ মজিম ন-চলন্ আহ্ তার্ আওজ্‌চান জানিবাত্তেয়ো ন-চান তারারে মুই শেজ্ গুরি দিম।”

মথি লেখ্যে গম্ হবর্ 21:32

কিয়া যোহনে গোজেনর্ আওজ্ মজিম আঢিবার্ পথ্‌তান দেগেবাত্তে তমা ইধু এইচ্চ্যে, আর তুমি তারে বিশ্বেজ্ ন-গরঅ। মাত্তর্ খাজানা-তুলিয়্যেগুনে আর বেশ্যেগুনে তারে বিশ্বেজ্ গোজ্যন্। ইয়েন্ দেগিনেয়ো তুমি মনানি ফিরেইনে তারে বিশ্বেজ্ ন-গরঅ।

লূকে লেখ্যে গম্ হবর্ 12:47

যে চাগর্‌‌‌বো তা গিরোজ্‌‌‌সোর আওজ্‌‌‌চান কোই পারিনেয়ো যুক্কোল্ ন-থায় বা গিরোজ্‌‌‌সো যিয়েন্ চায় সিয়েন্ ন-গরে তাত্তুন্ যদবদে সাজা পাহ্ পড়িবো।

যোহন 15:22

মুই যুনি ন-এদুং আর তারা ইধু কধা ন-কদুং সালে তারার্ দুষ্ ন-অদঅ; মাত্তর্ ইক্কিনে পাপত্যে তারার্ কনঅ ছলনা ধুরি ন-পারিবাক্।

যোহন 9:41

যীশু তারারে কলঅ, “তুমি যুনি কানা অদা সালে তমার্ কনঅ দুচ্‌ ন-থেদঅ। মাত্তর্ তুমি কঅ, তুমি দেগঅ, সেনত্তে তমার্ দুচ্‌ আঘে।”

রোমীয় 7:12

মাত্তর্ এ কধাগান্ ঠিগ্ যে, আইন-কানুনানি পবিত্র আর তার্ উগুমানিয়ো পবিত্র, ঠিগ্ আর উপকারি।

গালাতীয় 6:2

তুমি একজন আরেকজনর্ ভারান্ ভুগি লোইয়ো। এবাবোত্যেগুরি তুমি খ্রীষ্টর্ সুদোমানি পালেই পারিবা।

১ থিষলনীকীয় 4:2

প্রভু যীশুত্তুন্ অধিকার পেইনে আমি তমারে কি কি উগুম দিয়্যেই সিয়েনি তমাত্তুন্ জানা আঘে।

১ তীমথিয় 6:14

আমা প্রভু যীশু খ্রীষ্ট ফগদাং ন-অনা সং সাব্ গুরিনে মর্ উগুমানি পালেই যাহ্, যেন কেঅ তরে বদ্‌নাং গুরি ন-পারন।

ইব্রীয় 10:26

গোজেনর্ সত্যগানরে জানানার্ পরেদি যুনি আমি ইচ্চ্যে গুরিনে পাপ গরানাত্ থেই সালে পাপত্যে আমার আর্ কনঅ উৎসর্ব নেই;

যাকোব 4:17

সালে দেগা যায়, গম কাম গুরিবার্ কধা কোই পারিনেয়ো যে সিয়েন ন-গরে তে পাপ গরে।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।