২ পিতর 2:18 - Chakma Bible

¹⁸ তারা বাজে আর দাঙর্ দাঙর্ কধা কন্ আহ্ মান্‌জ্যর পাপ-খাচ্চ্যদর্ কামনাবলা আওজ্‌চান জাগেই তুলিনে তারা এন্‌ মানুচ্চুনোরে ভুল পধেদি নেযান্ যিগুনে অন্যেয় ভিদিরে বজত্তি গুরিয়্যে মানুচ্চুনোত্তুন্ নিগিলি এবার পধত্ এলাক্।

২ পিতর 2:18 Iomraidhean Croise

১ রাজাবলী 13:19

গোজেন মানুচ্চো সেক্কে তা সমারে ফিরি গেলঅ আর তা ঘরত্‌ হানা-দানা গুরিলো।

যিহিষ্কেল 35:13

তুই মঅ বিরুদ্ধে বাড়্‌বো গুরিনে বোউত্ কধা কোইয়োচ্। মুই সিয়েনি বেক্কানি শুন্যং।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

প্রেরিত্‌ 2:40

ইয়েন বাদে আরঅ ভালোক্কানি কধা কোইনে পিতরে সাক্ষি দিয়্যে ধোল্ল্য। তে তারারে ইয়েন কোইনে বুঝেবার চেষ্টা গল্ল, “এ যুগোর বিবেক্ নেইয়্যে মানুচ্চুনোত্তুন্ নিজোরে রোক্ষ্যে গরঅ।”

প্রেরিত্‌ 8:9

সে শঅরত্ শিমোন নাঙে এক্কো মানুচ্‌ ভালোক্ দিন ধুরিনে যাদু দেগার্। সিয়েনিলোই শমরিয়ার বেক্‌ মানুচ্চুনে আমক্ ওইয়োন্।

রোমীয় 13:13

রঅ ছাড়িনে মদ হানা আর মাত্তল্ ওইনে নয়, সিনেলী আর যাগুলুক্যে জিংকানিত্ নয়, কোল্-কোজ্যে আর ইংসেলোই নয়, মাত্তর্ যিগুনে দিনো পহ্‌রত্ আঢাউদো গরন্, এজঅ, আমি তারা ধোক্ক্যেন্ গমেডালে জিংকানি কাদেই।

ইফিষীয় 4:17

ইয়েনত্যে মুই কঙর্, আর প্রভুর্ ওইনে বিশেষ জোর্ দিইনে কঙর্-অযিহূদীগুনে যেবাবোত্যেগুরি বাজে চিন্তেলোই তারার্ জিংকানি কাদান্ তুমি আর্ সেবাবোত্যেগুরি জিংকানি ন-কাদেয়ো।

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

যাকোব 5:5

এই পিত্‌থিমীত্ তুমি ভারী আরামে দিন কাদেয়ো আর বে-ইজেবি গুরি চলর্। মুরিবার দিন্নোত্যে তুমি নিজোরে বানা তাজা গোজ্জ্য।

২ পিতর 1:4

তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।

২ পিতর 2:14

তারার চোগ্‌কুন্ পরপাগোল্যেলোই ভরা আর তারা পাপ-কাম গরানা কনঅ দিনঅ ন-থামান। যিগুনে চুলুবুলু সিগুনোরে তারা লুভ্ দেগেইনে ভুল পধেদি নেযান্। তারার্ মনানি বানা লুভ গুরিবাত্যে শিক্ষ্যে। তারা উগুরে অভিশাব্ আঘে। তারা উজু পথ্‌তান ফেলেইনে ভুল পধেদি যেইয়োন।

২ পিতর 2:2

ভালোকজনে তারারে দেগিনে কামানি বেঙেবাক্। তারাত্যে মানুচ্চুনে সত্য পধ্‌থানরে বদনাঙ্ গুরিবাক্।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

২ পিতর 2:7

মাত্তর্ লোটরে তে বাজেয়্যে। লোটে গোজেনভক্ত মানুচ্ এলঅ। সিধুগোর্ সুদোম-অমান্যগুরিয়্যে মানুচ্চুনোর জঘন্য চালচলনত্ তে দুঘ্ পেদঅ।

২ পিতর 3:17

কোচ্‌পেইয়্যে ভেইয়ুন, তুমি এ কধাগান আগে হবর্ পেইয়ো বিলিনে উজিয়ার্ অ, যেন এই যাগুলুক্ক্যে মানুচ্চুনোর ভুলানিয়ে তমারে ভুল পধেদি ন-নেযায়, আর তমার মনর্ চিন্তেত্তুন্ তুমি সুরি ন-পরঅ।

যিহূদা 1:13

ইগুনে ঝরত্ সাগর তুবোল ধোক্ক্যেন; সাগর ফেনা ধোক্ক্যেন ইগুনোর্ লাজ্ গরেপারা কামানি ভাযি উদে। ইগুনে ঘুরি বেড়েয়্যে তারা ধোক্ক্যেন; উমরত্যে ভারী আন্ধারান ইগুনোত্যে জমা গুরি থুয়ো ওইয়্যে।

ফগদাং পেইয়্যে 13:11

ইয়েনর্ পরেদি মুই মাদিত্তুন্ আর এক্কো য়েমানরে উদি এত্তে দেগিলুং। ভেড়া ধোক্ক্যেন তার্ দ্বিবে শিং এলঅ, মাত্তর্ সেই দানপ্পো ধোক্ক্যেন তে কধা কদঅ।