২ পিতর 1:8 - Chakma Bible

⁸ যুনি তমার এই বেক্‌ গুণানি থায় আর উগুড়ি পড়ি থায়, সালে আমার প্রভু যীশু খ্রীষ্টরে মূড়োত্ গুরি জানিবার কামত্ তুমি ভালেদ্ অবা।

২ পিতর 1:8 Iomraidhean Croise

গম্ উপদেজ্ 19:15

আল্‌সিগানে গভিন্ ঘুমোত্ নেযায়; আল্‌সি মান্‌জ্যে পেট্‌পরায় দুঘ্ পায়।

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 20:3

প্রায় নটা সময় আরঅ তে বারেদি গেলঅ আহ্ বাজারত্ আরঅ কয়েকজনরে কাম্ নেই গুরি থিয়্যেই থাগদে দেগিলো।

মথি লেখ্যে গম্ হবর্ 20:6

প্রায় পাচটা সময় বারেদি যেইনে অন্য কয়েক জনরে থিয়্যেই থাগদে দেগিনে তে তারারে কলঅ, তুমি কাম্ ন-গুরিনে গোদা দিন্নো ইয়োত্ থিয়্যেই আঘ কিত্তে?

মথি লেখ্যে গম্ হবর্ 25:26

জোবত্ তা গিরোজ্‌সো তারে কলঅ, তুই পাজি আর আল্‌সি চাগর্! তুই দঅ হবর্ পেদে যিয়েনত্ মুই ন-লাগাং সিয়েনত্ কাবং আর যিয়েনত্ ন-ছিদোং সিয়েনত্ কুড়োং।

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

যোহন 5:42

মাত্তর্ মুই তমারে হবর্ পাং। মুই হবর্ পাং তমা মনানিত্ গোজেন ইন্দি কোচ্‌পানা নেই।

রোমীয় 12:11

গোজেন উগুরে নিত্য তর্ আওজ্ থোক্। তমা মনানি ভক্তিয়ে ভরা থোক্। তুমি প্রভুর্ কামত্ লাগি থাগঅ।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ করিন্হীয় 13:5

তুমি নিজোরে পোরোক্ষ্যে গুরি চঅ তুমি ঘেচ্চ্যেক্ গুরি খ্রীষ্টরে বিশ্বেজ্ গোজ্জ্য নাকি। তুমি নিজোরে তোলেই চঅ। তুমি কি ন-বুঝো, খ্রীষ্ট যীশু তমা রিবেঙত্ আঘে? খালিক্ তোলেই চানার্ পরেদি তুমি যুনি ভেজাল্যে বিলিনে ধরা ন-পরঅ।

২ করিন্হীয় 8:2

বোউত্ দুঘোত্ তারার্ জদবদে পোরোক্ষ্যে চোল্ল্যে আর যুনিয়ো তারা অমকদ নাঢা মানুচ্ এলাক্, তো তারার্ মনত্ এদক হুজী এলঅ যে, তারা খুলো আঢে দান গোজ্জ্যন্।

২ করিন্হীয় 8:7

বেক্কানি, অত্তাৎ বিশ্বেজ্, গোজেন পৌইদ্যেনে কবার্ খেমতা, জ্ঞান, আওজ্ আর আমা উগুরে কোচ্‌পানা যেবাবোত্যে তমার্ জদবদে আঘে ঠিগ্ সেবাবোত্যে দান গুরিবার্ গুণ্অ যেন তমার্ পেলেং বেঈ পড়ে।

২ করিন্হীয় 9:14

গোজেনত্তুন্ তুমি যে বোউত্ দোয়্যে পেইয়ো সিয়েনত্যে তারা পুরো মনান্দোই তমাত্যে তবনা গুরিবাক্।

ফিলিপীয় 1:9

মুই তবনা গরং তমার কোচ্‌পানা যেন জ্ঞান আর বিচের-বুদ্ধিলোই এগত্তর্ ওইনে বাড়ানাত্ থায়।

ফিলিপীয় 2:5

খ্রীষ্ট যীশুর্ যে মনভাব্ এলঅ সিয়েন যেন তমা মনত্‌অ থায়।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

কলসীয় 1:10

ইয়েন্দোই যেন তুমি গম কাম্ গুরিনে ফলবান অ আর গোজেনরে আরঅ গমেডালে জানি পারঅ; আর এবাবোত্যেগুরি যেন বেক্কানিত্ প্রভুরে হুজী গুরিবাত্যে তার যগাজ্জ্যে ওইনে চলি পারঅ।

কলসীয় 2:7

খ্রীষ্ট ভিদিরে মূরোত্ পুরিনে তা ভিদিরে তুমি বাড়ি উদোনাত্ থাগঅ। তুমি শিক্ষ্যে পেইনে যিয়েন বিশ্বেজ্ গোজ্জো সিয়েন্দোই থির্ থাগঅ আর গোজেনরে নিত্য ভালেদি জানেই থাগঅ।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

১ থিষলনীকীয় 3:12

প্রভু গোরোক্, আমি যেধোক্ক্যেন তমারে কোচ্‌পেই ঠিগ্ সেধোক্ক্যেন গুরিনে তমার্‌অ একজন আরেকজনরে, এমন কি, বেক্কুনো উগুরে কোচ্‌পানা যেন থায়।

১ থিষলনীকীয় 4:1

আরঅ কং ভেইলগ্, গোজেনরে হুজি গুরিবাত্যে কেধোক্ক্যেন গুরি চলানা উচিত সেই শিক্ষ্যেগান্ দঅ তুমি আমাত্তুন্ পেইয়ো, আর ঘেচ্চ্যেকগুরি তুমি সেবাবোত্যে গুরি চলর্। তো প্রভু যীশুর্ ওইনে আমি তমারে কোজোলি গুরির্ আর উপদেচ্‌ দিত্তে যেন তুমি আরঅ বেশ্ গুরিনে সেবাবোত্যেগুরি চলঅ।

২ থিষলনীকীয় 1:3

ভেইলগ্, তমাত্যে নিত্য গোজেনরে ভালেদি জানানা উচিত। তমা বিশ্বেজ্‌চান অমকদ বাড়ের্ আর তমার একজন উগুরে অন্যর্ কোচ্‌পানাগান পেলাং বেঈ পরের্ বিলিনে আমা পক্ষে সেই ভালেদি জানানাগান উচিত।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

তীত 3:14

অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

ফিলীমন 1:6

মুই এ তবনাগান গরং যে, তর্ বিশ্বেজত্যে তর্ দান গরানার মাধ্যমে যেন খ্রীষ্ট বাঈনী পায়। ইয়েনবাদে খ্রীষ্ট সমারে এগত্তর্ ওইনে আমি যেদক্কানি বর্ পেইয়্যেই সিয়েনি পুরোপুরি গুরি বুঝি পারিনে তর্ দান গরানার্ কামান যেন আরঅ বাড়ে।

ইব্রীয় 6:12

আমি ন-চেই তুমি আল্‌সি অ; আমি চেই, যিগুনে বিশ্বেজ্ আর অমকদ ধৈজ্জ্যলোই গোজেনর্ এগেম্ গোজ্জ্যে আশিদ্‌বাদর্ অধিকারী অন্ তুমি তারা ধোক্ক্যেন অ।

২ পিতর 1:2

গোজেন আর আমা প্রভু যীশুরে গমেডালে হবর্ পানালোই তমা উগুরে দোয়্যে আর শান্তি থোক্।

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।