২ পিতর 1:2 - Chakma Bible

² গোজেন আর আমা প্রভু যীশুরে গমেডালে হবর্ পানালোই তমা উগুরে দোয়্যে আর শান্তি থোক্।

২ পিতর 1:2 Iomraidhean Croise

যিশাইয় 53:11

তে তার দুঘ্ পানার ফলান্ দেগিনে হুজি অবঅ; লগেপ্রভু কোইয়্যেদে, মর্ ন্যায়বলা চাগরবোরে গমেডালে হবর্ পানার মাধ্যমে ভালোক্ জনরে নিদ্দুযি বিলিনে গুজি লুয়ো অবঅ, কিত্তে তে তারার বেক্ অন্যেয়ানি বুয়োই নেযেব।

দানিয়েল 4:1

পরেদি রাজা নবূখদ্‌‌‌‌সরে জগদর্ বেক জাদ ইধু, দেজর্ আর ভাষার মানুচ্চুনো ইধু এ হবরান্ পাদেল: তমার ভালেদি ওক্।

দানিয়েল 6:25

ইয়েনর পরেদি রাজা দারিয়াবসে বেক জাদর্, দেজর আর ভাষার মানুচ্চুনো ইধু এ কধাগান লিগিলো: তমার জদবদে ভালেদি ওক্ !

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

২ পিতর 1:5

ইয়েনত্যে ভারী আওজি ওইনে তমা বিশ্বেজ সমারে গম খাচ্চ্যত্, গম খাচ্চ্যদ সমারে জ্ঞান,

২ পিতর 1:8

যুনি তমার এই বেক্‌ গুণানি থায় আর উগুড়ি পড়ি থায়, সালে আমার প্রভু যীশু খ্রীষ্টরে মূড়োত্ গুরি জানিবার কামত্ তুমি ভালেদ্ অবা।

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

যিহূদা 1:2

গোজেনে তমারে বোউত্ দোয়্যে, শান্তি আর কোচ্‌পানা দান গোরোক্।

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।