২ পিতর 1:18 - Chakma Bible

¹⁸ আমি যেক্কে তা সমারে সেই পবিত্র মুড়োবোত্ এলং সেক্কে স্বর্গত্তুন্ কোইয়্যে এই কধানি শুন্ন্যেই।

২ পিতর 1:18 Iomraidhean Croise

যাত্রা 3:1

একদিন্যে মোশি তা শুয়োর্‌বো যিথ্রোর্, অত্তাৎ রূয়েলর ছাগল-ভেড়াছাগল পালুন্‌ চরার্‌। যিথ্রো অলদে মিদিয়নীয়গুনোর্‌ এক্কো ধর্মগুরু। ছাগল-ভেড়াছাগলর্ পালুন্‌ চরাদে চরাদে মোশি ধূল্যেচর-চাগালাত্‌ আরেক্‌ কিত্তেদি গোজেন মুড়ো হোরেব ইধু যেইনে লুমিলোগোই।

যাত্রা 3:5

লগেপ্রভু কলঅ, “আর কায়-কুরে ন-এইচ্‌। তুই পবিত্র জাগানত্ ঠিয়্যেই আগচ্‌। তঅ টেঙর্‌ জদানি খুলি ফেলা।

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 56:7

তারারে মুই মর্ সুদ্ধো-সাংগ মুড়োবোত্ আনিম আর মঅ ঘরত্, অত্তাৎ তবনা ঘরত্ তারারে হুজিগান দিম। মর্ পূজোবো উগুরে তারার পুজ্যে আর অন্য উৎসর্বগুন্ গুজি লুয়ো অবঅ। ইয়েনত্তে মঅ ঘরানরে বেক্ জাদ্‌তুনোর তবনার ঘর্ কুয়ো অবঅ।”

সখরিয় 8:3

মুই সিয়োনত্ ফিরি যেইনে যিরূশালেমত্ বজত্তি গুরিম। সেক্কে যিরূশালেমানরে সত্যর শঅর্ আর বেগত্তুন্ খেমতাবলা লগেপ্রভুর মুড়োবোরে সুদ্ধো-সাংগ মুড়ো কুয়ো অবঅ।

মথি লেখ্যে গম্ হবর্ 17:6

এ কধাগান্ শুনিনে শিচ্চ্যগুনে অমকদ দোরেইনে মাদিত্ মাঢা নিগিরি পড়িলাক্।

যিহোশূয় 5:15

লগেপ্রভুর সৈন্যদলর সেনাপতিবো কলঅ, “তঅ‌ টেঙর্‌ জদানি খুলি ফেলা, কিত্যে তুই যিয়েনত্‌ থিয়্যেই আগচ্‌ সে জাগায়ান পবিত্র।” যিহোশূয় সিয়েনই গুরিলো।