২ পিতর 1:14 - Chakma Bible

¹⁴ কিয়া মুই যে আর ভালোক্ দিন এই কিয়্যের-তাম্বুলানত্ ন-থেম্ সিয়েন আমার প্রভু যীশু খ্রীষ্ট মরে গমেডালে জানেই দিয়্যে।

২ পিতর 1:14 Iomraidhean Croise

যিশাইয় 38:12

ভেড়া গরগর্ তাম্বুলো ধোক্ক্যেন্ গুরি মঅ থেবার জাগায়ান্ তুলি ফেলেইনে মত্তুন্ সিয়েন নেযা অবঅ। মঅ আয়ুগান মুই তাতীগুনো ধোক্ক্যেন্ গুরি তাত্ কলান্দোই মিজেয়োং আর ইক্কিনে সিয়েনত্তুন্ তুই মরে ছাজি ফেলেবে। এক দিনো ভিদিরে তুই মরে শেজ্ গুরি দিবে।

যোহন 13:36

শিমোন-পিতর যীশুরে কলঅ, “প্রভু, তুই কুধু যর্?” যীশু জোব্ দিলো, “মুই যিধু যাঙর্ তুমি ইক্কিনে মঅ সমারে সিধু এই ন-পারঅ, মাত্তর্ জেরেদি তুমি এবা।”

প্রেরিত্‌ 20:25

ইক্কিনে মুই এ কধাগান্ কোই পারং, তমার্ যিগুনো ইধু মুই যেইনে গোজেন রেজ্য পৌইদ্যেনে প্রচার গোজ্জ্যং তারাত্তুন্ কনজনে মরে আর ন-দেগিবাক্।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

দ্বি’লম্বর বিররণ 31:14

ইয়েনর্ পরেন্দি লগেপ্রভু মোশিরে কলঅ, “তর্‌ মরণর দিন্নো ঘোনেই এস্যে। যিহোশূয়রে ডাগি নেযেইনে তুই মিলন-তাম্বুলোত যাহ্। সিয়েনত্ মুই তারে তার্‌ কামর্‌ ভারান্‌ দিম্‌।” সেনত্যেই মোশি আর যিহোশূয় মিলন-তাম্বুলোত্‌ লগেপ্রভুর মুজুঙোত্‌ আঝিল্ অলাক্‌।

২ তীমথিয় 4:6

মরে ইক্কিনে উৎসর্ব ইজেবে ঢালি দিয়্যে অর্; মর্ মরণর্ সময় এচ্চ্যে।

যিহোশূয় 23:14

“পিত্‌থিমীত্‌ বেক্কুনে যে পথ্‌তানন্দি যান্‌ ইক্কিনে মুইয়ো সে পথ্‌তানন্দি যাঙর্‌। এ কধাগান তমাত্তুন্‌ গমেডালে জানা আঘে, তমার গোজেন লগেপ্রভু তমারে ভালেদি গুরিবাত্তে যেদক্কানি এগেম্ গোজ্যে সিয়েনির্‌ এক্কানঅ‌ বিফল ন-অয়। বেক্‌ শমক্তানি পূরণ ওইয়্যে, এক্কানঅ‌ অপূরণ ন-থায়।

২ পিতর 1:13

মাত্তর্ মুই মনে গরং, যেদক দিন মুই এ তাম্বুলো ধোক্ক্যেন কয়েক দিনোত্যে বাঁজি থেম্ সেদক দিন এ বেপারানি ইদোত্ তুলি দিইনে তমারে জাগেই রাগানা মর্ উচিত্;