২ পিতর 1:13 - Chakma Bible

¹³ মাত্তর্ মুই মনে গরং, যেদক দিন মুই এ তাম্বুলো ধোক্ক্যেন কয়েক দিনোত্যে বাঁজি থেম্ সেদক দিন এ বেপারানি ইদোত্ তুলি দিইনে তমারে জাগেই রাগানা মর্ উচিত্;

২ পিতর 1:13 Iomraidhean Croise

যিশাইয় 38:12

ভেড়া গরগর্ তাম্বুলো ধোক্ক্যেন্ গুরি মঅ থেবার জাগায়ান্ তুলি ফেলেইনে মত্তুন্ সিয়েন নেযা অবঅ। মঅ আয়ুগান মুই তাতীগুনো ধোক্ক্যেন্ গুরি তাত্ কলান্দোই মিজেয়োং আর ইক্কিনে সিয়েনত্তুন্ তুই মরে ছাজি ফেলেবে। এক দিনো ভিদিরে তুই মরে শেজ্ গুরি দিবে।

হগয় 1:14

ইয়েনর্ পরেদি লগেপ্রভু যিহূদার শাজন্‌গুরিয়্যে সরুব্বাবিলর, দাঙর্ ধর্মগুরু যিহোশূয়র আর বাদবাগি বেক্ মানুচ্চুনোর মনানি জাগেই তুলিলো। সেক্কে তারা বেক্কুনে এইনে তারার্ বেগত্তুন্ খেমতাবলা লগেপ্রভুর ঘরর কাম গরানা আরাম্ভ গুরি দিলাক্।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 3:10

মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

২ তীমথিয় 1:6

ইয়েনত্যে মুই তরে আরঅ এ কধাগান কবাত্যে চাং-তঅ উগুরে মঅ আঢ্‌তান দিইনে গোজেনে তরে যে বিশেষ দান দিয়্যে সিয়েন আরঅ জাগেই তুল্।

ইব্রীয় 13:3

যিগুনে জেলোত্ আঘন্ তারা সমারে যেন তুমিয়ো বন্দী ওইয়ো, আর যিগুনে অত্যেচারিত্ অদন্ তারা সমারে যেন তুমিয়ো অত্যেচারিত অর্, এবাবোত্যে গুরি তারা কধানি ইদোত্ তুলো।

২ পিতর 1:12

ইয়েনত্যে মুই আমিযে এ বেপারানি তমারে ইদোত্ গুরি দুয়োঙর্। খালিক্ তুমি দঅ ইয়েনি কোই পারঅ আর যে সত্যগান তমা রিবেঙত্ আঘে সিয়েন্দোই থির্-অ আঘঅ।

২ পিতর 1:14

কিয়া মুই যে আর ভালোক্ দিন এই কিয়্যের-তাম্বুলানত্ ন-থেম্ সিয়েন আমার প্রভু যীশু খ্রীষ্ট মরে গমেডালে জানেই দিয়্যে।

২ পিতর 3:1

কোচ্‌পেইয়্যে ভেইয়ুন, তমা ইধু ইয়েনই মর্ দ্বি-লম্বর চিধি। দ্বিয়েন চিধিত মুই তমারে কয়েক্কান পৌইদ্যেনে ইদোত্ তুলি দিইনে তমার দোল্ মনানরে লাড়িবার্ চেষ্টা গোজ্জ্যং।