২ পিতর 1:11 - Chakma Bible

¹¹ ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।

২ পিতর 1:11 Iomraidhean Croise

গীতসংহিতা 145:13

তর্ রেজ্যগান জনমভুরি থিদেবর্ গোজ্যে রেজ্য; তর্ শাজনান্ বংশর পর বংশ ধুরিনে চলিবো।

গীতসংহিতা 36:8

তর্ ঘরর্ নানান্ বাবোত্যে হানা হেইনে তারার্ ঈল্ অয়; তর্ হুজির্-গাঙ পানিগান তুই তারারে হেবাত্তে দে।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

দানিয়েল 7:14

সেই মান্‌‌‌‌‌‌‌জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্‌তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্‌অ ভস্ত ন-অবঅ।‌‌‌‌‌‌‌

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

যোহন 10:10

চুর্ এজে বানা চুর্, খুন্ আর বর্‌বাদ্ গুরিবাত্যে। মুই এচ্চ্যং যেন তারা জিংকানি পান্, আর সেই জিংকানিগান্ যেন ভর্‌‌‌পুনোং অয়।

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

১ করিন্হীয় 15:24

ইয়েন পরেদি খ্রীষ্ট যেক্কে বেক্‌ শাসন-বেবস্থাগানি, অধিকার আর খেমতাগানি ভস্ত গুরিনে বাবা গোজেন আঢত্ রেজ্যগান দি দিবো সেক্কে থুম্ সময়ান এবঅ।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।

ইব্রীয় 6:17

গোজেনে যিয়েন দিবার এগেম্ গোজ্জ্যে, যিগুনে সিয়েন পেবাক্ সিগুনোরে তে এই শমক্‌কান্দোই ভারী সাব্ গুরি দেগেবাত্যে চেয়্যেদে যে, তে যিয়েন ঠিগ্ গোজ্জ্যে সিয়েন আর্ বুদুলী ন-যায়। ইয়েনত্যে তে শমক্‌কান্দোই প্রমাণ গুরিলোদে যে, তে যিয়েন ঠিগ্ গোজ্জ্যে সিয়েন অবদে অবঅ।

২ পিতর 1:1

মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 1:5

ইয়েনত্যে ভারী আওজি ওইনে তমা বিশ্বেজ সমারে গম খাচ্চ্যত্, গম খাচ্চ্যদ সমারে জ্ঞান,

২ পিতর 2:20

আমার প্রভু আর উদ্ধোর গুরিয়্যে যীশু খ্রীষ্টরে গমেডালে চিনেনার্ ফলে জগদর্ ভান্ন্যেয়ত্তুন্ ধেই যেইনেয়ো যেক্কে তারা আরঅ সেই একই ভান্ন্যেই কামত্ পড়িনে তাইধু উদিই যেইয়োন, সেক্কে তারার্ পত্তম দজাত্তুন্ শেজ্ দজাগান আরঅ ভান্ন্যেই ওইয়্যে।

২ পিতর 3:18

তুমি আমার প্রভু আর উদ্ধোর্ গুরিয়্যে যীশু খ্রীষ্টর্ দোয়্যেই আর তা পৌইদ্যেনে জ্ঞানে বাড়ি উদোনাত্ থাগঅ। ইক্কিনে আর উমর সং তারই বাঈনী ওক্‌। আমেন।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।

ফগদাং পেইয়্যে 5:10

তুই তারারে লোইনে এক্কান রেজ্য বানেয়োচ্ আর আমা গোজেনরে সেবা গুরিবাত্যে ধর্মগুরু বানেয়োচ্। পিত্‌‌থিমীত্ তারা রাজাগিরি গুরিবাক্।”