২ পিতর 1:10 - Chakma Bible

¹⁰ ইয়েনত্যে ভেইলগ, গোজেনে যে ঘেচ্চ্যেকগুরি তমারে ডাক্ক্যে আর বেঈ লোইয়্যে সিয়েন যদবদে অবাত্যে আরঅ বেচ্ আওজি অ। ইয়েনি গুরিলে তুমি কনদিনঅ উজোট্ ন-হেবা।

২ পিতর 1:10 Iomraidhean Croise

গীতসংহিতা 112:6

তে আমিঝে থির্ থেবঅ; গোজেনভক্ত মান্‌জ্যরে উমর সং মনত্ রাগেবাক্।

গীতসংহিতা 121:3

তে তঅ টেঙান্ বিজিদি যেবাত্তে ন-দিবো; যিবে তরে চুগি দে তে ঘুমোত্ ঢুলি ন-পুরিবো।

গীতসংহিতা 15:5

সুদ ছাড়া টেঙা উদোর্ দে, আর ঘুষ্ খেইনে নিদ্দুজিগুনোরে ক্ষেতি ন-গরে। যে এধোক্ক্যেন্ গুরি চলে তে আমিঝে থির্ থেবঅ।

গীতসংহিতা 37:24

পড়ি গেলেয়ো তারা পড়ি ন-থেবাক্, কিত্যে লগেপ্রভুর আঢ্‌‌তানিয়ে তারারে ধুরি রাগেয়্যে।

গীতসংহিতা 62:2

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই পুরোপুরি গুরিনে উদিই ন-যেম্।

গীতসংহিতা 62:6

বানা তেয়ই মর্ অজল্ মুড়ো আর মর্ উদ্ধোর; তেয়ই মর্ ঘর, মুই থির্ থেম।

যিশাইয় 56:2

বর্ পেইয়্যে সেই মানুচ্চো, যে এ কামানি গরে; বর্ পেইয়্যে সেই মানুচ্চো, যে সিয়েনি গুরিবাত্তে মনান্ দে। জিরেবার দিন্নোরে অসিজি ন-গুরিনে যে মানুচ্চো সিবে পালায় আর ভান্ন্যেই কামত্তুন্ তা আঢ্‌তান সোরেই রাগায়, তে বর্ পেইয়্যে।”

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

মথি লেখ্যে গম্ হবর্ 22:14

হিত্ত্যবোর্ শেজদি যীশু কলঅ, “ইয়েনত্তে কং, বোউত্ মান্‌জ্যরে ডাগা ওইয়্যে মাত্তর্ কম্ মান্‌জ্যরে বেঈ নেযা ওইয়্যে।”

রোমীয় 11:29

গোজেনে যিয়েন দান গরে আর যিবেরে ডাগে সে পৌইদ্যেনে তা মনান্ তে ন-বদলায়।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ইব্রীয় 6:11

আমি চেই, তুমি পত্তিজনে যেন থুম্ সং এক্কুই আওজ্ দেগঅ। সেক্কে তুমি পুরোপুরি গুরি নিচ্চিত্ অবা যে, তমার আজাগান পূরোণ অবঅ।

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

যাকোব 2:10

যে মানুচ্চো বেক্ রীদি-সুদোমানি পালন গুরিনেয়ো বানা এক্কান পৌইদ্যেনে পাপ গরে তে বেক্‌ রীতি-সুদোমানি অমান্য গোজ্জ্যে বিলি কুয়ো অবঅ।

যিহোশূয় 7:3

সে পরেন্দি তারা যিহোশূয় ইদু ফিরি এইনে কলাক্‌, “অয় শঅরর্‌ বিরুদ্ধে বেক্‌ মানুচ্চুনোর যানা দরকার নেই। সিয়েন গজক্ গুরিবাত্তে দুই বা তিন আজার্ মানুচ্‌ পাধেই দে। ইয়েন্দোই বেক্‌ মানুচ্চুনোরে দুখ্‌ ন-দিচ্‌, কিত্যে সিদুগোর্ মান্‌জ্যর্‌ সোংখ্যেগুন অমকদ কম।”

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

২ পিতর 1:3

যিবে তার্ মহিমা আর তা গুণান্দোই আমারে ডাক্ক্যে, তারে মূড়োত্ গুরিনে হবর্ পানালোই তার্ গোজেন খেমতাগান আমারে দান গোজ্জ্যে যিয়েন্দোই আমি গোজেন উগুরে ভক্তিবলা জিংকানি কাদেই পারিই।

২ পিতর 1:5

ইয়েনত্যে ভারী আওজি ওইনে তমা বিশ্বেজ সমারে গম খাচ্চ্যত্, গম খাচ্চ্যদ সমারে জ্ঞান,

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।

২ পিতর 3:17

কোচ্‌পেইয়্যে ভেইয়ুন, তুমি এ কধাগান আগে হবর্ পেইয়ো বিলিনে উজিয়ার্ অ, যেন এই যাগুলুক্ক্যে মানুচ্চুনোর ভুলানিয়ে তমারে ভুল পধেদি ন-নেযায়, আর তমার মনর্ চিন্তেত্তুন্ তুমি সুরি ন-পরঅ।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

ফগদাং পেইয়্যে 22:14

বর্‌‌পেইয়্যে তারা, যিগুনে তারার্ পজাক্কানি ধোই ফেলান্ যেন তারা জিংকানি গাজর্ ফল হেবার অধিকারী অন্ আর গেট্‌তো ইন্দি শঅরত্ সোমেই পারন্।