২ পিতর 1:1 - Chakma Bible

¹ মুই শিমোন-পিতর যীশু খ্রীষ্টর্ এক্কো চাগর্ আর দূত। আমার গোজেন আর উদ্ধোর গুরিয়্যে যীশু খ্রীষ্ট ন্যায়বলা, আর সেনত্যে তুমিয়ো আমা ধোক্ক্যেন এক্কুই যদবদে বিশ্বেজ্ গোজ্জ্য। ইয়েনত্যে মুই তমা ইধু এ চিধিগান লেগঙর্।

২ পিতর 1:1 Iomraidhean Croise

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিরমিয় 33:16

সে অক্তত্ যিহূদার মানুচ্চুনে উদ্ধোর্ পেবাক্ আর যিরূশালেমর মানুচ্চুনে গমেডালে বজত্তি গুরিবাক্। তারে এ নাঙে ডাগা অবঅ-লগেপ্রভু আমার্ নিদ্দুষিতা।

মথি লেখ্যে গম্ হবর্ 10:2

সেই বারজন প্রচারক নাঙানি অলঅ : পত্তম্, শিমোন যারে পিতর কন্, সে পরেদি তা ভেই আন্দ্রিয়; সিবদিয়র পুয়ো যাকোব আর তা ভেই যোহন; ফিলিপ আহ্ বর্‌থলময়;

মথি লেখ্যে গম্ হবর্ 4:18

যীশু গালীল সাগর পার ইন্দি যেবার্ অক্তত্ শিমোন, যিবেরে পিতর কুয়ো অয় আর তার ভেই আন্দ্রিয়রে দেগিলো। তারা সাগরত্ জাল্ ফেলেয়োন, কিয়া তারা জাল্যে এলাক্।

লূকে লেখ্যে গম্ হবর্ 1:47

মর্ উদ্ধোরগুরিয়্যে গোজেনরে নিইনে মঅ পরাণান্ হুজিয়ে ভুরি উঠ্যে,

লূকে লেখ্যে গম্ হবর্ 11:49

সেনত্তে জ্ঞানী গোজেনে কোইয়্যেদে, মুই তারা ইধু ভাববাদীগুনোরে আর হবর্ কোইয়্যেগুনোরে পাধেই দিম্। তারাত্তুন্ কয়েকজনরে তারা খুন্ গুরিবাক্ আর অন্যগুনো উগুরে অত্যেচার্ গুরিবাক্।

যোহন 1:42

আন্দ্রিয় শিমোনরে যীশু ইধু আনিলো। যীশু শিমোন ইন্দি রিনি চেইনে কলঅ, “তুই যোহন পুয়ো শিমোন, মাত্তর্ তরে কৈফা বিলি ডাগা অবঅ।” এ নাঙানর্ অত্ত পিতর, অত্তাৎ পাত্তর্।

যোহন 12:26

কনজনে যুনি মরে সেবা গুরিবাত্তে চায় সালে তে মঅ পধেদি চোলোক্। মুই যিধু আঘং মর্ সেবাগুরিয়্যেবোয়ো সিধু থেবঅ। কনজনে যুনি মরে সেবা গরে সালে বাবা তারে সর্মান গুরিবো।

যোহন 20:21

যেরেদি যীশু আরঅ তারারে কলঅ, “তমার্ শান্তি ওক্‌। বাবা যেধোক্ক্যেনগুরি মরে পাধেয়্যে মুইয়ো সেধোক্ক্যেনগুরি তমারে পাধাঙর্।”

প্রেরিত্‌ 15:14

গোজেনে তার্ নিজোর্ মানুচ্‌ অবাত্যে অযিহূদীগুনোত্তুন্ কয়েক্কো মান্‌জ্যরে বেঈ লোইনে দেগেয়্যেদে যে, অযিহূদীগুনোত্যেয়ো তার্ চিন্তে আঘে। এ কধাগান শিমোন-পিতরে আমারে কোইয়্যে।

রোমীয় 1:1

10 মুই খ্রীষ্ট যীশুর্ চাগর্ পৌল রোম শঅরর্ বিশ্বেজিগুনো ইধু এ চিধিগান্ লেগঙর্। তার প্রচারক্ অবাত্যে গোজেনে মরে ডাক্ক্যে আর তার দিয়্যে গম্ হবরান্ প্রচার গুরিবাত্যে বেঈ লোইয়্যে।

রোমীয় 1:12

সিয়েনর্ ভেদ্‌তান্, আমি বেক্কুনে যেন একজন আরেক্ জনর্ বিশ্বেজত্তুন্ উচ্চোমি পেই।

রোমীয় 1:17

গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

১ করিন্হীয় 15:9

প্রচারগ্‌কুনো ভিদিরে মুই বেক্কুনোত্তুন্ তলে, এন্‌ কি, প্রচারক বিলিনে কেঅ যে মরে ডাগে সিয়েনর্ যগাজ্যেয়ো মুই নয়, কিয়া গোজেনর্ মন্ডলীরে মুই অত্যেচার্ গত্তুং।

১ করিন্হীয় 9:1

মুই কি স্বাধীন নয়? মুই কি প্রচারক্ নয়? আমা প্রভু যীশুরে কি মুই ন-দেগং? প্রভুত্যে মুই যে কাম্ গোজ্জ্যং তুমি কি সিয়েনর্ ফল নয়?

২ করিন্হীয় 4:13

পবিত্র বোইবোত্ লেগা আঘে, “মুই বিশ্বেজ্ গোজ্জ্যং বিলিনে কধা কোইয়োং।” এই একই বাবোত্যে বিশ্বেজর্ মনভাব্‌পোই আমিয়ো বিশ্বেজ্ গুরিই বিলিনে কধা কোর্,

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 2:8

তারা ইয়েন দেগিলাক্, কিয়া যিহূদীগুনো ইধু পিতরর্ প্রচারক-কামর পিজেদি যিবে এলঅ সেই গোজেনে অযিহূদীগুনো ইধু মর্ প্রচারক-কামর পিজেদিয়ো এলঅ।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

ইফিষীয় 4:5

বানা একজন প্রভু আঘে, একই বিশ্বেজ্ আঘে, একই বাপ্তিস্ম আঘে,

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

ফিলিপীয় 1:29

তমারে দোয়্যে গরা ওইয়্যেদে যেন তুমি যে বানা খ্রীষ্ট উগুরে বিশ্বেজ্ গুরি পারঅ এমন নয়, সিয়েনত্যে দুঘ্‌‌অ ভুগি পারঅ।

২ তীমথিয় 1:5

তঅ মনত্ যে ঘেচ্চ্যেকগুরি বিশ্বেজ্ আঘে সে কধাগান্অ মঅ মনত্ আঘে। এ বিশ্বেজ্‌চান আগে তর্ নানু লোয়ীর আর তর্ মা উনীকীর মনত্ এলঅ, আর মুই ঘেচ্চ্যেকগুরি হবর্ পাং, এ বিশ্বেজ্‌চান তঅ মনত্‌অ আঘে।

তীত 1:1

মুই পৌল গোজেনর্ চাগর আর যীশু খ্রীষ্টর্ এক্কো প্রচারক ওইয়োং, যেন মুই গোজেনর্ বেঈ লোইয়্যে মানুচ্চুনোরে বিশ্বেজর্ পধেদি আনি পারং, আর গোজেন-ভোক্তির্ সমারে যে সত্যগান আঘে সেই সত্যগানরে জানিবাত্যে তারারে সাহায্য গুরি পারং।

তীত 1:4

খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।

তীত 2:13

আমার দাঙর্ গোজেনে আর উদ্ধোর গুরিয়্যে যীশু খ্রীষ্টর্ মহিমাভরা ফগদাঙর্ হুজিয়ে-ভরা আজা পূরেবাত্যে আওজ্‌ গুরিনে বাজ্জেই থেই।

যাকোব 1:1

মুই গোজেন আর প্রভু যীশু খ্রীষ্টর চাগর্ যাকোব পিত্‌থিমীর বেক্‌ জাগানি ইধু ছিদি পোজ্যে যিহূদী জাদর্ বারবো গুট্টির মানুচ্চুনোরে ভালেদি জানাঙর্।

১ পিতর 1:1

গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।

১ পিতর 1:7

এ পোরোক্ষ্যেগানি এজে যেন তমা বিশ্বেজ্‌চানি খাটি বিলি প্রমাণ অয়, আর সিয়েনত্যে যীশু খ্রীষ্ট ফগদাং অবার্ সময়োত্ তুমি নাঙ্ গিনো, বাঈনী গরঅ আর সর্মান পঅ। যে সনাগান ক্ষয় ওই যেবঅ সিয়েনরেয়ো আগুনোত্ খাটি গুরি নেযা অয়; মাত্তর্ তমার বিশ্বেজর্ দামান্ দঅ সেই সনাত্তুন্অ আরঅ বেশ্।

১ পিতর 2:7

ইয়েনত্যে তুমি বিশ্বেজ্ গোজ্জ্য বিলিনে তমা ইধু সেই পাত্তর্‌বো ভারী মংগা; মাত্তর্ যিগুনে বিশ্বেজ্ ন-গরন্ তারাত্যে পবিত্র বোইবোর্ এ কধাগান খাদে, রাজমিস্ত্রিগুনে যে পাত্তর্‌বো বাদ্ দি দুয়োন, সিবেই বেক্কুনোত্তুন্ দরকারী পাত্তর্ ওই উদিলো।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

২ পিতর 1:4

তে নিজোর মহিমায় আর গুণেদি আমা ইধু বোউত মূল্যবান আর দাঙর্ এগেম্ গোজ্জ্যে। ইয়েনর উদ্দেচ্চ্যগান অলঅ, মান্‌জ্যর ভান্ন্যেই আওজর্ কারনে জগদত্ যেদক্কানি কাজর্ জমা ওইয়্যে সিয়েনত্তুন্ তুমি রোক্ষ্যে পেইনে যেন গোজেনর্ খাচ্চ্যদর্ ভাগী অ।

যিহূদা 1:1

মুই যীশু খ্রীষ্টর চাগর আর যাকোবর্ ভেই যিহূদা। বাবা গোজেনে যিগুনোরে ডাক্ক্যে আর কোচ্‌পেইয়্যে আহ্ যীশু খ্রীষ্ট যিগুনোরে রোক্ষ্যে গোজ্জ্যে তারা ইধু মুই এ চিধিগান লেগঙর্।