২ রাজাবলী 7:3 - Chakma Bible

³ সেক্কে শঅর-গেদোত্‌ সুমিবার্‌ পথ্‌তানত্‌ চের্‌জন ফারাঙিবলা রোগি এলাক্‌। তারে তে কলাক্‌, “আমি ইদু থেইনে কিত্তে মুরিবোং?

২ রাজাবলী 7:3 Iomraidhean Croise

২ রাজাবলী 5:1

নামানে এলদে অরামর রাজার সৈন্যদলর সেনাপতি। তা গিরোজ্‌সোর্‌ চোগোত্‌ তে এলদে এক্কো দাঙর্‌ আর সর্মানিত মানুচ্‌, কিত্তে তারে দিইনে লগেপ্রভু অরামরে জিদেই দিয়্যে। তে এলদে এক্কো বীর যোদ্ধা, মাত্তর্‌ তা কিয়্যেত্‌ এলদে ফারাঙিরুগ্‌।

২ রাজাবলী 7:4

যুনি কোই আমি শঅরত্‌ যেবং সালে সিদুয়ো ভাদরাত্‌ আর আমি মুরিবোং। যুনি ইয়োত্‌ থেই তুয়ো মুরিবোং। বরং আমি যেই, আমি অরামীয়গুনোর তাম্বুলোত্‌ যেইনে তারা আঢত্‌ নিজোরে তুলি দিই। যুনি তারা আমারে বাজান্ সালে আমি বাঁজিলোং, আর নয়দ মুরিবোং।”

২ রাজাবলী 8:4

রাজা সেক্কে গোজেন মানুচ্চোর্‌ চাগর্‌ গেহসির সমারে কধা কর্‌। তে তারে কোইয়্যেদে, “ইলীশায় যেদক্কানি দাঙর্‌ দাঙর্‌ কাম্‌ গোজ্যে সিয়েনি মরে কঅ।”

যিরমিয় 27:13

যে জাদ্‌তো বাবিলো রাজার চাগর্ ন-অবঅ তা বিরুদ্ধে লগেপ্রভু যিয়েন কোইয়্যে সেবাবোত্যে কিত্তে তুই আর তঅ মানুচ্চুনে যুদ্ধো, ভাদরাত আর ভানালোই মুরি যেবাক্?‌

যিরমিয় 8:14

আমি ইয়েনত্ বুজি আগিই কিত্তে? আঢঅ, আমি এক সমারে দেবাল-ঘিজ্যে শঅরানিত্ ধেই যেইনে সিয়েনত্ ভস্ত ওই, কিত্তে আমার গোজেন লগেপ্রভু আমাত্তেই ভস্তগান ঠিগ্ গুরি রাগেয়্যে আর বিষবলা পানিগান হেবাত্তে দিয়্যে, কিত্তে আমি তা বিরুদ্ধে পাপ গোজ্যেই।

গণাণা 12:10

সেই মেঘকান্‌ যেক্কে মিলন-তাম্বুলান ছাড়িনে উগুরে উদি গেলঅ সেক্কে দেগা গেল, মরিয়মর্‌ কিয়্যেগান্‌ ভান্ন্যেই চামারা রুগে বরফ ধোক্ক্যেন ধুব্‌ ওই যেইয়্যে। হারোণে মরিয়ম ইন্দি ফিরি চেলে তা কিয়্যেত্‌ চামাড়া রুগ্‌কান ন্‌ দেগিলো।

গণাণা 12:14

জোবত্‌ লগেপ্রভু মোশিরে কলঅ, “তা বাপ্পো যুনি তার্‌ মুয়োনত্‌ শেফ্‌ ফেলে দিদো সালে কি তে সাত দিন সং সে লাচ্ছান্‌ কুদু তদঅ? সাত দিন তারে তাম্বুলো বারেন্দি বানি রাগঅ, সে পরেদি তারে ফিরেই আনা যেবঅ।”