২ রাজাবলী 2:3 - Chakma Bible

³ বৈথেলর ভাববাদী সমাজ্যেগুনে ইলীশায়র ইদু যেইনে কলাক্‌, “তুই কি হবর্‌ পাজ্‌, লগেপ্রভু তঅ গিরোজ্‌সোরে এচ্ছ্যে তর্‌ কায়-কুরেত্তুন্‌ নেযেব?” জোবত্‌ ইলীশায় কলঅ, “অয়, আমি হবর্‌ পেই। তুমি এ পৌইদ্যেনে আর্‌ কনঅ কিজু ন-কবা।”

২ রাজাবলী 2:3 Iomraidhean Croise

১ রাজাবলী 18:4

ইষেবলে যেক্কে লগেপ্রভুর ভাববাদীগুনোরে মারে ফেলেল সেক্কে ওবদিয় একশজন ভাববাদীরে লোইনে পঞ্চাশজন পঞ্চাশজন গুরিনে দ্বিবে গাদত্‌ লুগেই রাগেল। তে তারার্‌ হানা আর পানি যুগেই দিদো।

১ রাজাবলী 20:35

লগেপ্রভুর উগুমে শিচ্চ্য-ভাববাদীগুনো ভিদিরে একজনে তা সমাজ্যেবোরে কলঅ, “দোয়্যে গুরিনে মরে আঘাত্‌ গর্‌।” মানুচ্চো সেক্কে রাজী ন-অলঅ।

২ রাজাবলী 2:15

যিরীহোর যে ভাববাদী সমাজ্যেগুনে সিয়েনত্‌ থিয়্যেই এলাক্‌ তারা ইলীশায়রে দেগিনে কলাক্‌, “এলিয়োর আত্মাগানে ইলীশায় উগুরে বিশ্বেজ্ গোজ্যে।” তারা ইলীশায়র লগে দেগা গুরিবাত্তে গেলাক্‌ আর তা মুজুঙোত্‌ মাদিত্‌ মাধাবো লোঙেইনে সালাম গুরিনে কলাক্,

২ রাজাবলী 2:5

যিরীহোর ভাববাদী সমাজ্যেগুনে ইলীশায় ইদু যেইনে কলাক্, “তুই কি হবর্‌ পাজ্‌, লগেপ্রভু তঅ গিরোজ্‌সোরে এচ্ছ্যে তত্তুন্‌ নেযেব?” জোবত্‌ ইলীশায় কলঅ, “অয়, মুই হবর্‌ পাং। তুমি এ পৌইদ্যেনে আর কনঅ কিজু ন-কবা।”

২ রাজাবলী 2:7

এলিয় আর ইলীশায় যর্দন গাঙ পারত্‌ যেইনে থামেলাক্ আর তারাত্তুন্‌ কিজু দূরোত্‌ পঞ্চাশজন ভাববাদী সমাজ্যে এইনে থিয়েলাক্।

২ রাজাবলী 4:1

শিচ্চ্য-ভাববাদীগুনোর দলত্তুন্‌ একজন মোগে রঅ ছাড়িনে ইলীশায়রে কলঅ, “তর চাগর্‌ মঅ নেক্কো মুরি যেইয়্যে আর তুই হরব্‌ পাজ্‌, তে লগেপ্রভুরে ভোক্তি গুরিদো। মাত্তর্‌ ইক্কিনে মঅ নেক্কোর্‌ এক্কো পাওনাদার মর্‌ দ্বিবে পূয়োরে তা চাগর্‌ বানেবাত্তে হজা এচ্ছ্যে।”

২ রাজাবলী 4:38

ইলীশায় গিল্‌গলত্‌ ফিরি গেলঅ। সেক্কে সে চাগালাত্‌ ভাদঅ রাত্‌ চলের্‌। একদিন্যে একদল শিচ্চ্য-ভাববাদীয়্যে তা লগে বুয়োই এলাক্‌। সেক্কে তে তা চাগর্‌বোরে কলঅ, “দাঙর্‌ পিলেবো ধোইনে ইগুনোত্তে কিজু তোন্‌ রানঅ।”

২ রাজাবলী 5:22

জোবত্‌ গেহসি কলঅ, “বেক্কানি ঠিগ্‌ আঘে। মাত্তর্‌ মঅ গিরোজ্‌সো তরে এ কধাগান কবাত্তে মরে পাদেয়্যে, ইফ্রয়িমর মুড়ো-মুড়ি চাগালাত্তুন্‌ শিচ্চ্য-ভাববাদীগুনোর্‌ দ্বিজন গাবুজ্যে ইক্কিনে তাইদু এচ্ছোন্‌। সেনত্তেই তুই যেনে দোয়্যে গুরিনে তারাত্তে ঊনচোল্লিশ কেজি রূবো আর দ্বিতান কাবড় দুয়োচ্‌।”

২ রাজাবলী 6:1

একদিন্যে শিচ্চ্য-ভাববাদীগুনে ইলীশায়রে কলাক্‌, “চাহ্, যে জাগানত্‌ আমি তঅ লগে কধা কবাত্তে বুজিই সে জাগাগান্‌ আমাত্তে অমকদ চিগোন্‌।

২ রাজাবলী 9:1

ইলীশায় শিচ্চ্য-ভাববাদীগুনো ভিদিরেত্তুন্‌ একজনরে ডাগিনে কলঅ, “তঅ কাবড়ান্‌ তঅ কমর্‌-বিজোনিগানত্‌ গুজেই লঅ আর এ তেল শিজিরিবো লোইনে তুই রামোৎ-গিলিয়দত্‌ যাহ্।

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

আমোষ 7:14

জোবত্ আমোষে অমৎসিয়রে কোইয়্যেদে, “মুই ভাববাদীয়ো ন-এলুং, ভাববাদীর শিচ্চ্যয়ো ন-এলুং; আজলে মুই এক্কো গরক্, আর মুই ডোমোর গাজরে দেগাশুনোয়ো গুরিদুং।

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

দ্বি’লম্বর বিররণ 33:3

“ঘেচ্চ্যেকগুরি তে তার নিজোর মানুচ্চুনোরে কোচ্‌পায়। পবিত্র দূত্তুনে তার অধীনোত্‌ আগন, তারা বেক্কুনে তা টেঙানিত্‌ মাদা নিগিরিনে আগন; তাত্তুনোই তারা উগুম পান্‌।

১ শমূয়েল 10:5

সে পরেন্দি তুই গিবিয়োৎ-হা-এলোহিম শঅরত্‌ যেবে। সিয়েনত পলেষ্টীয় সৈন্যগুনোর এক্কান তাম্বুল্ আঘে। শঅরত্‌ লুমোনার পরেন্দি এন্‌ এক ঝাক্‌ ভাববাদী সমারে তর্‌ দেগা অবঅ যিগুনে গোজেনর দিয়্যে কধা কদে কদে উবোসনার উজু জাগাত্তুন্ লামি এচ্ছোন। তারার দলর্‌ মুজুঙো মানুচ্চুনে বীণা, জুড়ি আর বাঁশি আর হার্‌মোনি বাজাদে বাজাদে আদিবাক্‌।

১ শমূয়েল 19:20

এ কধাগান শুনিনে তে দায়ূদোরে ধুরি আনিবাত্তে মানুচ্‌ পাধেই দিলো। সে মানুচ্চুনে যেইনে দেগিলাক্ এক ঝাক্‌ ভাববাদী শমূয়েলর অধীনোত্‌ গোজেনর কধা কদন্‌। গোজেনর আত্মাগানে সেক্কে শৌলর মানুচ্চুনো উগুরেয়ো এলঅ আর তারায়ো ভাববাদী ইজেবে গোজেনর কধা কুয়ো ধুরিলাক্।