২ যোহন 1:7 - Chakma Bible

⁷ জগদত্ এমন বোউত্ মানুচ্ নিগিল্লোন যিগুনে ছলনা গুরি বেড়ান। যীশু খ্রীষ্ট যে মানুচ্‌ ওইনে এচ্চ্যে তারা সিয়েন স্বিগের্ ন-গরন। এবাবোত্যে মানুচ্চুনে ছলনাগুরিয়্যে আর খ্রীষ্টর্ শত্রু।

২ যোহন 1:7 Iomraidhean Croise

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

১ তীমথিয় 3:16

খ্রীষ্টীয় ধর্ম-বিশ্বেজর্ গুমুরো সত্যগান যে দাঙর্ সিয়েন অস্বিগের্ গরা ন-যায়। সেই সত্যগান ইয়েন- তে মানুচ্‌ ইজেবে ফগদাং পেলঅ; তে যে নিদ্দুজি পবিত্র আত্মাগানে সিয়েন প্রমাণ গুরিলো; স্বর্গদূত্‌তুনে তারে দেক্ক্যন; বেক্‌ জাদ্‌তুনো ইধু তা পৌইদ্যেনে প্রচার গরা ওইয়্যে; জগদত্ তা উগুরে মান্‌জ্যে বিশ্বেজ্ গোজ্জ্যন; স্বর্গত্ তারে মহিমার্ সমারে তুলি নেযা ওইয়্যে।

১ যোহন 2:26

যিগুনে তমারে ভান্ন্যেই পধেদি নেযেবার চেট্ট্যা গত্তন্ তারা পৌইদ্যেনে মুই তমা ইধু ইয়েনি বেক্কানি লিগিলুং।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।