২ যোহন 1:11 - Chakma Bible

¹¹ যে তারে ভালেদি জানায় তে তার্ ভান্ন্যেই কামর্‌অ ভাগ লয়।

২ যোহন 1:11 Iomraidhean Croise

গীতসংহিতা 50:18

চুর্‌বোরে দেগিলে তুই তারে সায় দুয়োচ্, সিনেলীগুনো সমারে মিজেজ্।

ইফিষীয় 5:11

আন্ধারর্ নিষ্ফল কামর্ লগে তমার যোগ ন-থোক্; তুমি বরং সিয়েনির দুচ্‌ দেগেই দুয়ো,

১ তীমথিয় 5:22

যাদিমাদি গুরিনে কারঅ উগুরে আঢ্ রাগেইনে কাররে কনঅ পদত্ ন-নেযেচ্। অন্যগুনে যেক্কে পাপ গরন্ সেক্কে তারা লগে ন-মিজেস্। নিজোরে খাটি রাগেচ্।

ইব্রীয় 5:13

যে দুধ হেইনে বাজে তে দঅ ইক্কিনিয়ো চিগোন চিজি, আর গম্ জিংকানি পৌইদ্যেনে যে শিক্ষ্যেগান আঘে সিয়েনত্ তে যগাজ্জ্যে নয়।

যিহূদা 1:23

আগুনোত্তুন্ তুলি আনিনে অন্যগুনোরে রোক্ষ্যে গরঅ। পাপ-খাচ্চ্যদ্‌‌‌‌তোই যিগুনোর্ জিংকানিগানি কাজর্ ওইয়্যে তারার্ কাবড়ানিয়ো ঈচ্ গরঅ আর নিজোরে উজিয়ারে থোইনে তারারে দোয়্যে গরঅ।

ফগদাং পেইয়্যে 18:4

সিয়েন পরেদি মুই স্বর্গত্তুন্ আর একজনরে কধে শুনিলুং, “মঅ মানুচ্চুন, তুমি বাবিলোত্তুন্ নিগিলি এজঅ যেন তার্ পাপর ভাগীদার তুমি ন-অ, আর যেদক্কানি আঘাত্ তা উগুরে পড়িবো সিয়েনর্ কনগান যেন তমাত্তুন্ ভুগো ন-পড়ে।