২ করিন্হীয় 8:10 - Chakma Bible

¹⁰ তমার্ পক্ষে যিয়েন গম্ সে পৌইদ্যেনে মুই মর্ মতামত্‌‌তান্ জানাঙর্। তুমি গেলদে বজর্ এ চান্দাগুন্ তুলিবাত্যে আরাম্ভ গোজ্জ্য আর সে কামত্ ভারী আওজ্ দেগেয়ো।

২ করিন্হীয় 8:10 Iomraidhean Croise

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

যোহন 11:50

তে তারারে কলঅ, “তুমি কিচ্চু কোই ন-পারঅ, আর ভাবিয়ো ন-চঅ যে, গদা জাত্তো বর্‌বাদ্ অনাত্তুন্ বরং বেক্‌ মানুচ্চুনোর্ বদলে এক্কো মান্‌জ্যর্ মরাণা বোউত্ গম্।”

যোহন 16:7

তো মুই তমারে সত্য কধা কঙত্তে, মর্ যানাগান্ তমা পক্ষে গম্, কিয়া মুই ন-গেলে সেই সাহায্যগুরিয়্যেবো তমা ইধু ন-এবঅ। মাত্তর্ মুই যুনি যাং সালে তারে তমা ইধু দি পাধেম্।

যোহন 18:14

এ কাইয়াফা যিহূদী নেতাগুনোরে সল্লা দিয়্যেদে যে, গদা জাদর্ বদলে বরং একজনর্ মরাণা গম্।

১ করিন্হীয় 10:23

কেঅ কেঅ কন্, “কনঅ কিজু গরানা অনুচিত্ নয়।” সিয়েন ঠিগ্, মাত্তর্ বেক্কানি যে মান্‌জ্যর উপকার গরে সিয়েন নয়। কনঅ কিজু গরানা অনুচিত্ নয় ঠিগ্, মাত্তর্ বেক্কানিয়ে যে মান্‌জ্যরে গোড়েই তুলে সিয়েন নয়।

১ করিন্হীয় 16:2

তুমি বেক্কুনে তমার্ আয় মজিম্ সাপ্তার্ পত্তম দিনোত্ কিজু তুলিনে থুবো, যেন মুই লুমিলে পরেদি চান্দা তুলো ন-পরে।

১ করিন্হীয় 6:12

কেঅ কেঅ কন্, “কনঅ কিজু গরানা মর্ পক্ষে অনুচিত নয়।” সিয়েন থিক্, মাত্তর্ বেক্কানি যে মান্‌জ্যর্ উপকার্ গরে, সিয়েন নয়। কনঅ কিজু গরানা মর্ পক্ষে অনুচিত নয় সত্য, মাত্তর্ মুই কনঅ কিচ্চুর্ চাগর্ ন-ওম্।

১ করিন্হীয় 7:25

গাবুজ্যে মিলেগুনোত্ত্যে প্রভুত্তুন্ কনঅ উগুম মুই ন-পাং। মাত্তর্ গোজেনর্ দোয়্যে পেইনে মুই বিশ্বেজবলা ওইয়োং বিলিনে মঅ কধাগান জানাঙর্।

১ করিন্হীয় 7:40

মাত্তর্ মর্ মতে তে যেবাবোত্যে আঘে যুনি সেবাবোত্যে থায় সালে তে আরঅ সুগি অয়। মর্ মনে অয়, মুই গোজেনর্ আত্মার্ মাধ্যমে এ কধাগান্ কঙর্।

২ করিন্হীয় 12:1

মত্তুন্ আরঅ এক্কেনা দেমাগ্ দেগা পরের্। যুনিয়ো সিয়েনত্ কনঅ লাভ নেই তো প্রভু যেদক্কানি দর্শন মরে দেগেয়্যে আর যিয়েনি মইধু ফগদাং গোজ্জ্যে সে পৌইদ্যেনে মুই ইক্কিনে কোম্।

২ করিন্হীয় 8:6

ইয়েন দেগিনে আমি তীতরে বিশেষ গুরিনে কোজোলি গোজ্জ্যেই, দান গুরিবার যে কামান্ তে তমা ইধু আরাম্ভ গোজ্জ্যে সিয়েন যেন তে থুম্ গরে।

২ করিন্হীয় 8:8

এ কধাগান যে মুই উগুম্ ইজেবে কঙর্ সিয়েন নয়, মাত্তর্ অন্যগুনোর্ আয়োজর্ কধা তমারে জানেইনে মুই পোরোক্ষ্যে গুরিবার চাং তমার্ কোচ্‌পানাগান্ কত্তমান্ খাটি।

২ করিন্হীয় 9:2

কিয়া এ কামানত্ তমার আয়োজর্ কধা মত্তুন্ জানা আঘে। মুই তমারে নিইনে ম্যাসিডোনিয়া মানুচ্চুনো ইধু ইয়েন কোইনে দেমাগ্ গরংগে, গেলদে বঝরত্তুন্ ধুরি আখায়ার্ মানুচ্চুনে, অত্তাৎ তুমি এ দানুনোত্যে যুক্কোল্ ওই আঘ। তমার্ এ আওজ্‌চান তারার্ বেচ্‌ ভাগ্ মান্‌জ্যরে জাগেই তুল্ল্যে।

ফিলিপীয় 4:17

কনঅ বক্‌শিজ্ যে মুই মাগঙর্ সিয়েন নয়, মাত্তর্ মুই এমন্‌ ফলর্ আজা গরঙর্ যিগুন তমা নাঙে জমা অনাত্ থেবঅ।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।