২ করিন্হীয় 7:8 - Chakma Bible

⁸ যুনিয়ো মুই মর্ আগ চিধিগান্দোই তমারে দুঘ্ দুয়োং তো মুই দুঘ্ ন-পাং। যেক্কে মুই দেগিলুং, সেই চিধিয়ান কয়েক দিনোত্যে অলেয়ো তমারে দুঘ্ দিয়্যে সেক্কে খালিক্ মুই কিজু দুঘ্ পেইয়োং, মাত্তর্ ইক্কিনে মুই হুজী।

২ করিন্হীয় 7:8 Iomraidhean Croise

আবিলেচ্ 3:32

যুনি বা তে দুঘ্ দে, তো তার্ অমকদ কোচ্‌‌‌পানা মজিম্ তে মেয়্যে গুরিবো,

যোহন 16:6

মুই তমারে ইয়েনি কোইয়োং কিনেই বরং তমা মনানি দুঘে ভুরি যেইয়্যে।

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

২ করিন্হীয় 7:11

চিন্তে গুরি চঅ, গোজেনে যেক্কে তমারে দুঘ্ দিয়্যে সেক্কে তুমি পিজেদি ন-পড়, সেক্কে নিদ্দুজি বিলিনে নিজোরে প্রমাণ গুরিবাত্যে তমার্ কদক্ আওজ্ ওইয়্যে, কদক্ চিন্তে-ভাবনা ওইয়্যে আর পাপর্ সাজা দিবাত্যে কদক্ আওজ্ ওইয়্যে। এবাবোত্যেগুরি বেক্কানিত্তুন্ তুমি প্রমাণ গুরিলেদে যে, সেই পৌইদ্যেনে তুমি নিদ্দুজি।

২ করিন্হীয় 7:12

মুই সেই চিধিয়ান লেক্ক্যং সত্য, মাত্তর্ যে অন্যেয় গোজ্জ্যে বা যিবে উগুরে অন্যেয় গরা ওইয়্যে তাত্যে ন-লেগং, বরং লেক্ক্যংগে যেন গোজেন মুজুঙোত্ তমা ইধু ফগদাং অয় যে, তুমি ঘেচ্চ্যেকগুরি আমারে কোচ্‌পঅ।

২ করিন্হীয় 7:6

মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

২ করিন্হীয় 7:7

বানা সিয়েন নয়, তীতে নিজে তমা মাধ্যমে সান্তনা পেইয়্যে বিলিনে আমিয়ো সান্তনা পেইয়্যেই। তমার্ আওজ্ আর দুঘোর্ কধানি তে আমারে কোইয়্যে আর জানেয়্যেদে যে, তুমি মত্যে খুব্ চিন্তে-ভাবনা গরর্, আর সিয়েন্দোই মুই আরঅ হুজি ওইয়োং।

২ করিন্হীয় 7:9

তুমি দুঘ্ পেয়ো বিলি মুই হুজী নয়, বরং তুমি দুঘ্ পেইনে পাপত্তুন্ মনানি ফিরেইয়ো বিলি হুজী ওইয়োং। গোজেনর্ আওজ্ মজিম তুমি এ দুঘ্‌কান পেয়ো, আর সেনত্যে আমাল্লোই তমার্ কনঅ ক্ষোতি ন-অয়।

ফগদাং পেইয়্যে 3:19

মুই যিগুনোরে কোচ্‌পাং সিগুনোরে দুষ্ দেগেই দুয়োং আর শাসন গরং। সেনত্যে এ অবস্থাত্তুন্ মনানি ফিরেবাত্যে আওজি অং।