২ করিন্হীয় 7:7 - Chakma Bible

⁷ বানা সিয়েন নয়, তীতে নিজে তমা মাধ্যমে সান্তনা পেইয়্যে বিলিনে আমিয়ো সান্তনা পেইয়্যেই। তমার্ আওজ্ আর দুঘোর্ কধানি তে আমারে কোইয়্যে আর জানেয়্যেদে যে, তুমি মত্যে খুব্ চিন্তে-ভাবনা গরর্, আর সিয়েন্দোই মুই আরঅ হুজি ওইয়োং।

২ করিন্হীয় 7:7 Iomraidhean Croise

গীতসংহিতা 141:5

এক্কো গোজেনভক্ত মান্‌জ্যে মরে আঘাত্ গোরোক্, সিয়েন অবঅ বিশ্বেজর্ কাম। তে মরে গেইল্ দোক্, সিয়েন অবঅ মঅ মাঢাত্ তেল দেদে ধোক্ক্যেন্; মঅ মাঢাবো সিয়েনরে এলাফেলা ন-গোরোক্। তো মর্ তবনাগানি নিত্য অন্যেইগুরিয়্যেগুনো কামানির বিরুদ্ধে থেবঅ।

গীতসংহিতা 30:5

কিয়া তা রাগকান্ বেশ্ ন-থায়; তার্ দোয়্যেলোই জিংকানি পাহ্ যায়। বানা কানদে কানদে রেত্তো কাদি যায়, মাত্তর্ বেন্যে পোত্যে হুজিগান্ এজে।

গীতসংহিতা 38:18

মঅ দুজ্‌‌ছান মুই হাম্ কাঙর্; মর্ পাপত্তে মঅ মনান্ দুশ্চিন্তেলোই ভরা।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

মথি লেখ্যে গম্ হবর্ 26:75

যীশু যিয়েনি কোইয়্যে সিয়েনি পিতরর্ মনত্ পড়িলো, “রাধাকুড়ো ডাগ্ কারিবার আগেদি তুই তিন পল্লা কবে, তুই মরে ন-চিনোস্।” সেক্কে পিতরে বারেদি যেইনে জদবদে কানা ধুরিলো।

মথি লেখ্যে গম্ হবর্ 5:4

যিগুনে দুঘ্ গরন্ তারা বর্‍‍‍পেইয়্যে, কিয়া তারা সান্ত্বনা পেবাক্।

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

রোমীয় 1:12

সিয়েনর্ ভেদ্‌তান্, আমি বেক্কুনে যেন একজন আরেক্ জনর্ বিশ্বেজত্তুন্ উচ্চোমি পেই।

১ করিন্হীয় 5:2

আর ইয়েনর্ পরেদিয়ো তুমি দেমাগ্ গরর্! ইয়েনত্তুন্ কি তমার্ দুঘ্ গরানা আর যে এ কামান গোজ্জ্যে তারে তমাত্তুন্ নিগিলেই দেনা কি উচিত্ ন-এলঅ?

২ করিন্হীয় 1:14

মুই এ আজাগান্ গরং, তুমি যেবাবোত্যে গুরি কিজু আমারে বুঝি পাজ্জ্য, সেবাবোত্যে গুরি পুরোপুরি বুঝি পারিবা যে, প্রভু যীশুর্ এবার্ দিনোত্ তুমি যেবাবোত্যে গুরি আমার্ দেমাগ বিষয় অবা সেবাবোত্যে আমিয়ো তমাত্যেই বাড়্ গুরি পারিবোং।

২ করিন্হীয় 1:4

আমার্ বেক্‌ দুঘোত্ তে সান্তনা দান গরে, যেন তাত্তুন্ পেইয়্যে সান্তনা আমি অন্যগুনোর্ দুঘোত্অ দি পারিই।

২ করিন্হীয় 2:9

মুই তোলেই চেবার্ চেইয়োং তুমি বেক্কানি পৌইদ্যেনে বাধ্য আঘঅ কিনা, আর ইয়েনত্যে মুই তমা ইধু লেখ্যং।

২ করিন্হীয় 5:2

এ কিয়্যেগানত্ থানা অবস্থায় আমি ব নিজেচ্‌ ফেলের্ আর বেক্‌ মনান্দোই চাঙর্ যেন র্স্বগর্ সেই নুয়ো কিয়্যেগান্দোই আমারে নাঢা অয়;

২ করিন্হীয় 7:6

মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

২ করিন্হীয় 7:8

যুনিয়ো মুই মর্ আগ চিধিগান্দোই তমারে দুঘ্ দুয়োং তো মুই দুঘ্ ন-পাং। যেক্কে মুই দেগিলুং, সেই চিধিয়ান কয়েক দিনোত্যে অলেয়ো তমারে দুঘ্ দিয়্যে সেক্কে খালিক্ মুই কিজু দুঘ্ পেইয়োং, মাত্তর্ ইক্কিনে মুই হুজী।

২ করিন্হীয় 8:16

তমাত্যে মঅ মনানত্ যে আওজ্‌‌‌চান্ আঘে, ঠিগ্ সেই আওজ্‌‌‌চান্ গোজেনে তীতর্ মনত্অ দিয়্যে বিলিনে মুই তারে ভালেদি জানাং।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

কলসীয় 2:5

মুই কিয়্যেগানদি তমা ইধু ন-থেলেয়ো আত্মায় আঝির্ আঘং আর তমার্ গম চালচলন্ আর খ্রীষ্ট উগুরে তমার থির্ বিশ্বেজ্ দেগিনে গম্ পাঙর্।

১ থিষলনীকীয় 3:6

ইক্কিনে তীমথিয় তমাত্তুন্ আমা ইধু ফিরি এইনে তমার কোচ্‌পানা আর বিশ্বেজ্ পৌইদ্যেনে গম হবরান্ দিয়্যে। তে কোইয়্যেদে, কোচ্‌পানার মনভাব্‌পোই তুমি নিত্য আমারে ইদোত্ তুলি থাগঅ, আর আমি যেধোক্ক্যেন তমারে চেবাত্যে চের্ সেধোক্ক্যেন তুমিয়ো আমারে চেবাত্যে চর্।

১ থিষলনীকীয় 3:8

প্রভু উগুরে তমার্ বিশ্বেজ্ থির্ থেলে আমার জিংকানিগান বর্‌পেইয়্যে।

ইব্রীয় 2:1

ইয়েনত্যে আমি যিয়েনি শুন্ন্যেই সিয়েনি পালন গুরিবাত্যেই আমার আরঅ মনযোগ দেনা উচিত, যেন সিয়েনিত্তুন্ আমি দূরোত্ সুরি ন-যেই।

যাকোব 5:17

এলিয় আমা ধোক্ক্যেন এক্কো মানুচ্‌ এলঅ। তে কোজোলী গুরিনে তবনা গুরিলো যেন ঝর্ ন-অয়, আর সাড়ে তিন বজর্ দেজত্ ঝর্ ন-অয়।

২ যোহন 1:4

বাবা আমারে যে উগুমানি দিয়্যে সেই ধগে তর্ কয়েক্কো পুয়ো-ছা গোজেনর্ সত্যর্ পধেদি চলদন্ দেগিনে মুই ভারী হুজি ওইয়োং।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।