২ করিন্হীয় 7:5 - Chakma Bible

⁵ ম্যাসিডোনিয়াত্ লুমিনেয়ো আমা কিয়্যেগানি জিরেন্ ন-পায়; বেক্কানিত্তুন্ আমি দুঘ্ পেইয়্যেই-চেরোকিত্যেদি এলঅ গন্ডগুল আর মনত্ দর্‌বুগ্ এলঅ।

২ করিন্হীয় 7:5 Iomraidhean Croise

পত্থম 8:9

মাত্তর্ সেক্কেয়ো গোদা পিত্‌থিমীয়ান উগুরে পানি এলঅ, সিয়েনত্তে কনঅ জাগাত্‌ টেং থবার জাগা ন-পেইনে তে জাহাজত্‌ নোহ ইধু ফিরি এলঅ। নোহ আত্‌ বাড়েইনে সে কোদোরবোরে জাহাজত্‌ তা ইধু নিলো।

ইয়োব 18:11

দরান্‌ তা চেরোকিত্তে থেবঅ; তা পত্তি পোইধেত্‌ সিয়েনে তার্‌ পিজে থেবঅ।

যিশাইয় 33:12

মানুচ্চুন অবাক্ পুড়ি ফেল্যে চিবিদি পাত্তর ধোক্ক্যেন আর কাবি ফেল্যে আগুন দিয়্যে কাদা ঝুবো ধোক্ক্যেন্।”

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 45:3

তুই কোইয়োচ্, হায়! লগেপ্রভু মঅ পীড়ে উগুরে মরে দুঘ্ দিয়্যে; মুই ফবাদে ফবাদে বল্‌‍পোজ্যে ওইয়োং,জিরেন ন-পাঙর্।

যিরমিয় 6:25

তুমি মাদত্ ন-যেয়ো বা পদথ্ ন-আত্য, কিত্তে শত্রুগুনো আঢত্ তলোয়ার আঘে আর চেরোকিত্তেদি রোইয়্যেদে অমকদ দর্।

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

প্রেরিত্‌ 20:1

যাগুলুগ্ থামানার্ পরেদি পৌলে শিচ্চ্যগুনোরে ডাগিনে পাদেল। তারারে উচ্চোমি তুলি দিবার্ পরেদি তারাত্তুন্ বিদেয় লোইনে তে ম্যাসিডোনিয়া ইন্দি লদ্ দিলো।

রোমীয় 15:26

কিয়া যিরূশালেমত্ গোজেন মানুচ্চুনো ইধু যিদুক্কুন্ নাঢা মানুচ্ আঘন্ তারাত্তে ম্যাসিডোনিয়া আর আখায়া মন্ডলীগুনোর মানুচ্চুনে কিজু টেঙা তুল্ল্যন্।

১ করিন্হীয় 15:31

ভেইলগ্, আমা প্রভু খ্রীষ্ট যীশুর্ কামত্ তমারে লোইনে মর্ যে বাড়্, সেই বাড়ান্দোই মুই ঘেচ্চেকগুরি কঙত্তে, পত্তি দিন মুই মরণর্ মুয়োমি অঙর্।

১ করিন্হীয় 16:5

ম্যাসিডোনিয়া রেজ্যন্দি গুরি মুই তমা ইধু এম্, কিয়া মুই ম্যাসিডোনিয়া ভিদিরেদি যেম্।

২ করিন্হীয় 2:13

মাত্তর্ তো মুই মনত্ শান্তি-ন-পাং, কিয়া মর্ বিশ্বেজি ভেই তীত সিধু ন-এলঅ। সেনত্যে ত্রোয়ার্ মানুচ্চুনোত্তুন্ বিদেয় লোইনে মুই ম্যাসিডোনিয়াত্ গেলুং।

২ করিন্হীয় 2:3

যেক্কে মুই যেম্ সেক্কে যিগুনোত্তুন্ মর্ হুজি পেবার্ কধা সিগুনোত্তুন্ মুই যেন দুঘ্ ন-পাং, সেনত্যে মুই এ কধাগান্ লেখ্যং। তমা উগুরে মর্ এ বিশ্বেজ্‌‌‌চান আঘে যে, মুই যিয়েনত্ হুজি পাং তুমিয়ো সিয়েনত্ হুজি পঅ।

২ করিন্হীয় 2:9

মুই তোলেই চেবার্ চেইয়োং তুমি বেক্কানি পৌইদ্যেনে বাধ্য আঘঅ কিনা, আর ইয়েনত্যে মুই তমা ইধু লেখ্যং।

গালাতীয় 4:11

তমাত্যে মর্ ইয়েন দর্ লাগেত্তে, তমা ইধু অয়ত মুই মিজে মিজেই কাম্ গোজ্জ্যং।

দ্বি’লম্বর বিররণ 32:25

শঅরর্‌ বারেন্দি লাম্বা ছুড়ির আঘাতে তারার পূঅ-ঝিগুনে মুরি যেবাক্, আর ঘর ভিদিরে দর্‌ দর্‌ ভাব লাগিবো। তারার বেক গাবুজ্যে-গাবুরী, চিগোন পূঅ-ঝি আর বুড়োগুনে ভস্ত ওই যেবাক্।

১ থিষলনীকীয় 3:5

সেনত্যে মুই যেক্কে আর সোজ্জ্য গুরি ন-পারিলুং সেক্কে বিশ্বেজ্ ইন্দিত্তুন্ তুমি কি অবস্থায় আঘঅ সিয়েন জানেবাত্যে তীমথিয়রে পাধেয়োং। মত্তুন্ দর্ গরেত্তে, অয়ত শদানে তমারে লুভ্ দেগেয়্যে আর আমার কামানি বেক্কানি ব্যত্ত ওই যেইয়্যে।