২ করিন্হীয় 7:2 - Chakma Bible

² তমা মনত্ আমাত্যে জাগা গরঅ। আমি দঅ কারঅ উগুরে অন্যেয় ন-গুরিই, কারর্ ক্ষোতি ন-গুরিই আর কাররে ন-থোগেই।

২ করিন্হীয় 7:2 Iomraidhean Croise

গণাণা 16:15

এই কধাগান্‌ শুনিনে মোশি অমহদ রাগ্‌ তুলিনে লগেপ্রভুরে কলঅ, “তুই তারার উৎসর্বগানি গুজি ন-লোচ্‌। মুই তারাত্তুন্‌ এক্কো গাধায়ো ন-নেযাং আর তারার কনঅ ক্ষোতিয়ো ন-গরং।”

মথি লেখ্যে গম্ হবর্ 10:14

যুনি কনজনে তমারে গুজি ন-লয় বা তমা কধা ন-শুনোন্ সালে সেই ঘর বা আদামত্তুন্ যেবার সময়োত্ তমা টেঙর্ ধূল্যেগানি ঝাড়ি ফেল্ল্য।

মথি লেখ্যে গম্ হবর্ 10:40

“যে তমারে ভালেদি জানায় তে মরে ভালেদি জানায়; আর যে মরে ভালেদি জানেইনে যিবে পাধেয়্যে তে তারে ভালেদি জানায়।

লূকে লেখ্যে গম্ হবর্ 10:8

যুনি কনঅ আদামত্ যঅ আর সিদুগো মানুচ্চুনে তমারে মানি লন্ সালে তমারে যিয়েনি হেবাত্তে দিয়্যে অয় সিয়েনি হেয়ো।

প্রেরিত্‌ 20:33

কারঅ সনা, রূবো বা কাবড়-চুগোর উগুরে মুই লুভ্ ন-গরং।

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:16

মুই আরঅ কং, কেঅ যেন মরে বেদমা মনে ন-গরে। খালিক্ যুনি তুমি সেবাবোত্যে মনে গুরি থাগঅ সালে বেদমা ইজেবে মরে মানি লঅ, যেন মুই এক্কেনা দেমাগ্ গুরি পারং।

২ করিন্হীয় 11:9

তমা ইধু থেবার্ অক্তত্ যেক্কে মর্ অভাব ওইয়্যে সেক্কেয়ো মুই কারঅ লবাদোস্যে ন-অং, কিয়া যে ভেইয়ুনে ম্যাসিডোনিয়াত্তুন্ এচ্চ্যন্ সিগুনে মর্ অভাব্‌পান পূরোণ গোজ্জ্যন। কনঅ পৌইদ্যেনে মুই তমার্ কাঙেলেত্যে ন-অং আর ন-য়ো ওম্।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

ফিলিপীয় 2:29

ইয়েনত্যে প্রভুর মানুচ্ ইজেবে জদবদে হুজিয়ে রাজিয়ে তুমি তারে মানি লঅ, আর এবাবোত্যে মানুচ্চুনোরে তুমি সর্মান গরঅ।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

১ থিষলনীকীয় 2:10

তুমি যিগুনে বিশ্বেজ্ গোজ্জ্য, তমা লগে আমার বেবহার যে পবিত্র, গম্ আর থুদো নেইয়্যে এলঅ, সিয়েনর সাক্ষী তুমিয়ো আঘঅ আর গোজেনেয়ো আঘে।

ফিলীমন 1:12

যা ওক্‌, মুই তারে তইধু ফিরেইনে পাধাঙর্; তে মর্ পরাণ ধোক্ক্যেন কোচ্‌পেইয়্যে।

ফিলীমন 1:17

সেনত্যে যুনি তুই মরে একই বিশ্বেজে বিশ্বেজি বিলি মনে গরচ্ সালে মরে যেবাবোত্যেগুরি মানি লদে ওনীষিমরেয়ো ঠিগ্ সেবাবোত্যে গুরি মানি লঅ।

২ যোহন 1:10

কেঅ যুনি তমা ইধু এইনে সেই শিক্ষ্যে ন-দুয়োন্ সালে তমা ঘরত্ তারে মানি ন-লোইয়ো আর ভালেদিয়ো ন-জানেয়ো।