২ করিন্হীয় 6:8 - Chakma Bible

⁸ মান্‌জ্যে আমারে সর্মান গোত্তোক্ বা অসর্মান গোত্তোক্, আমা পৌইদ্যেনে গম্ কোদোক্ বা ভান্ন্যেই কোদোক্, আমি প্রমাণ গুরিত্তে, আমি গোজেনর্ সেবাগুরিয়্যে। মান্‌‌জ্যে আমারে পাজি কন্, মাত্তর্ আসলে আমি সত্যর্ পধেদি চুলির্।

২ করিন্হীয় 6:8 Iomraidhean Croise

মথি লেখ্যে গম্ হবর্ 10:25

ছাত্র পক্ষে মাষ্টর ধোক্ক্যেন্ অনা আর চাগর পক্ষে গিরোজ ধোক্ক্যেন্ অনা যদেষ্ট। ঘর গিরোজরে যেক্কে তারা বেল্‌সবূল কোইয়োন সেক্কে ঘরর্ অন্য বেক্কুনোরে আরঅ কদক্ বেশ্ গুরি না বেল্‌সবূল কবাক্।

মথি লেখ্যে গম্ হবর্ 22:16

তারা হেরোদ দলর্ কয়েক্কো মান্‌জ্য লগে নিজোর্ কয়েক্কো শিচ্চ্যরে যীশু ইধু পাধেলাক। তারা যীশুরে কলাক্, “মাষ্টরবাবু, আমি হবর্ পেই তুই এক্কো গম্ মানুচ্। গোজেন পথ্‌তান পৌইদ্যেনে তুই সত্য শিক্ষ্যে দি থাচ্। মান্‌জ্যে কি মনে গুরিবাক্ ন-গুরিবাক্ সিয়েনিলোই তর্ কি অয়, কিয়া তুই কারঅ মু চেইনে কিচ্ছু ন-গরচ্।

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

মার্ক 12:14

তারা যীশু ইধু এইনে কলাক্, “গুরু, আমি হবর্ পেই তুই এক্কো গম্ মানুচ্। মান্‌‌জ্যে কি মনে গুরিবাক্ ন-গুরিবাক্, সিয়েনিলোই তর্ কি অয়, কিয়া তুই কারঅ মুয়োন্ চেইনে কিচ্চু ন-গরচ্। তুই সত্যগুরিনে গোজেনর পথ্‌তান পৌইদ্যেনে শিক্ষ্যে দি থাচ্। ইক্কিনে তুই কঅ, মোশির সুদোম মজিম্ রোম-সম্রাটরে কি খাজানা দেনা উচিত?

যোহন 7:12

ঝাগ ভিদিরে মানুচ্চুনে যীশু পৌইদ্যেনে পুযু পুযু গুরি নিজো ভিদিরে ভালোক্কানি কধা কুয়ো ধুরিলাক্। কেঅ কেঅ কলাক্, “তে গম্ মানুচ্‌।” আরঅ কেঅ কেঅ কলাক্, “নয়, তে মানুচ্চুনোরে ভুল্ পধেদি নেযার্।”

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

প্রেরিত্‌ 16:39

তারা পৌল আর সীল ইধু যেইনে ক্ষেমা চেলাক্ আর তারারে জেল বারেদি আনিনে শঅরান্ ছাড়ি যেবাত্তে কোজোলি গুরিলাক্।

প্রেরিত্‌ 22:12

পরেদি অননিয় নাঙে এক্কো মানুচ্‌ মইধু এলঅ। তে মোশির্ রীতি-সুদোমানি ভোক্তি গুরিনে পালেদ, আর সিধুগোর্ বেক্‌ যিহূদীগুনে তারে ভারি সর্মান গুরিদাক্।

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

প্রেরিত্‌ 28:22

মাত্তর্ আমি তঅ কধানি শুনিবাত্তে চেই, কারন আমি হবর্ পেই বেক্ জাগানিত্ মানুচ্চুনে সেই দলর্ বিরুদ্ধে কধা কন্।”

প্রেরিত্‌ 4:21

সেক্কে তারা পিতর আর যোহনরে আরঅ দর্‌বুক্ লাগেইনে ইরি দিলাক্। মানুচ্চুনো দরে তারা ঠিগ্ গুরি ন-পাত্তন্ কেধোক্ক্যেন্ গুরি তারারে সাজা দিয়্যে যায়, কিয়া যিয়েন ঘোট্যে সিয়েনত্যে বেক্‌ মানুচ্চুনে গোজেনরে বাঈনী গুরিলাক্।

প্রেরিত্‌ 5:13

যুনিয়ো মানুচ্চুনে তারারে অমকদ সর্মান গুরিদাক্ তো আর কনজনে তারা সমারে মিজেবাত্তে সাহচ্‌ ন-গুরিলাক্।

প্রেরিত্‌ 6:3

ভেইলগ, তমা ভিদিরেত্তুন্ এমন্‌ সাতজন্ মান্‌জ্যরে তুমি বেঈ লঅ যিগুনোরে বেক্কুনে সর্মান গরন্ আর যিগুনে পবিত্র আত্মালোই আর জ্ঞানে পরিপূরোন। আমি তারা উগুরে এ সেবা কামর ভারান্ দিইনে নিজে তবনা আর গোজেনর্ কধা ফগদাঙত্ মনান্ দিবোং।”

রোমীয় 3:8

গম্ ওইয়্যে, সালে কি আমি এ কধাগান্ কবং, “যেই, আমি ভান্ন্যেই কাম্ গুরিই যাতে সেই ভান্ন্যেয়র্ মাধ্যমে গম্ জিনিস্‌‌‌‌চান এই পারে”? কনঅ কনঅ মান্‌জ্যে আমারে বদ্‌‌নাঙ্ গুরিনে কন্, আমি এ বাবোত্যে কধা কোই থেই। তারার্ পাওনা সাজা তারা পেবাক্।

২ করিন্হীয় 1:18

গোজেন বিশ্বেজ্‌বলা, এ কধাগান্ যেধোক্ক্যেন সত্য সেধোক্ক্যেন ইয়েন্অ সত্য যে, তমা ইধু আমা কধানি একই সময়োত্ অয় আর নয় ন-অয়।

২ করিন্হীয় 11:21

মুই লাজেইনে হাম্ কাঙর্, ইয়েনি বেক্কানি পৌইদ্যেনে আমি তমা উগুরে দর্ দর্ ভাব এলং। যিয়েনিলোই অন্যগুনে বাড়্ গরদে সাহস গরন্ মুইও সিয়েনিলোই বাড়্ গরদে সাহস গরং; এ কধাগান মুই বেদমা ধোক্ক্যেন কঙর্।

২ করিন্হীয় 12:16

যাওক্‌, মুই তমার্ লবাদোস্যে ন-অং, মাত্তর্ অয়ত কেঅ সিয়েনত্ কিজু কবাক্, মুই চালাক্ বিলিনে ছলনা গুরি তমারে ভুলেয়োং।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

১ থিষলনীকীয় 2:3

আমা উপদেচ্‌‌চানি ভুল শিক্ষ্যেত্তুন্ নয়, ভান্ন্যেই উদ্দেচ্চ্যত্তুন্অ নয়, বা আমি ছলনা গুরিনেয়ো কনঅ কধা ন-কোর্;

১ তীমথিয় 3:7

বারেদি মানুচ্চুনো ইধু তার সুনাঙ্ থানা দরকার, যেন তে বদ্‌নাঙর্ ভাগী ন-অয় আর শদানর্ ফালত্ ন-পড়ে।

১ তীমথিয় 4:10

ইয়েনত্যে আমি মনে পরাণে কাম্ গুরির্ আর আওজ্ গুরিনে কাম্ গুরির্, কিয়া জেদা গোজেন উগুরে আমি আজা রাগেয়্যেই। তেয়ই বেক্‌ মানুচ্চুনোর্ উদ্ধোর্ গুরিয়্যে, বিশেষ গুরিনে তারারে যিগুনে তারে বিশ্বেজ্ গরন্।

ইব্রীয় 13:13

সেনত্যে এজঅ, তার অসর্মানান্ নিজে লোইনে আমি শঅরর্ বারেদি তা ইধু যেই,

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।

৩ যোহন 1:12

বেক্কুনে দীমীত্রিয়রে নাঙ্ গিনোদন্; এন্‌ কি, গোজেনর্ সত্যগানেয়ো সিয়েন গরের্। আমিয়ো তারে নাঙ্ গিনির্। তুই দঅ কোই পারচ্ আমি যিয়েন কোই সিয়েন সত্য।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।