২ করিন্হীয় 5:6 - Chakma Bible

⁶ ইয়েনত্যে কনদিন্অ আমার্ সাহজর্ অভাব ন-অয়, আর আমি বুঝি পাজ্জ্যেই যে, যেদক্ দিন আমি এ কিয়্যেগানর্ ঘরত্ বজত্তি গুরিবোং সেদক দিন প্রভুত্তুন্ দূরোত্ থেবং।

২ করিন্হীয় 5:6 Iomraidhean Croise

১ বংশধর 29:15

আমি তঅ চোগেন্দি আমা বেক্‌ পূরোণি মানুচ্চুনো ধোক্ক্যেন পরদেজর্‌ আদাম্মে। পিত্‌থিমীত আমা দিনুন্‌ ছাবা ধোক্ক্যেন, আমার্‌ কনঅ আজা নেই।

গীতসংহিতা 119:19

মুই দঅ পিত্‌থিমীত বজত্তি গুরিয়্যে এক্কো বিদেশি; তঅ উগুমান মত্তুন্ লুগেই ন-রাগেচ্।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

গম্ উপদেজ্ 14:26

লগেপ্রভু উগুরে ভোক্তিবলা দরত্তুন্ দোল্ আজা এজে আর তা ঝি-পুয়োগুনোত্তে আশ্রয়র জাগা থায়।

যিশাইয় 30:15

প্রভু লগেপ্রভু, ইস্রায়েলর্ সেই পবিত্র মানুচ্চো এ কধাগান কোইয়্যে, “পাপত্তুন্ ফিরিনে শান্ত অলে তুমি উদ্ধোর্ পেবা, আর গমেডালে বিশ্বেজ্ গুরিলে বল্ পেবা।” মাত্তর্ তুমি সিয়েনত্ রাজি ন-অলা।

যিশাইয় 36:4

রব্‌শাকি তারারে কলঅ, তুমি হিষ্কিয়রে এ কধাগান্ কঅ, সেই দাঙর্ রাজা, অত্তাৎ আসিরিয়ার্ রাজা কোইয়্যেদে, তুই কা উগুরে বিশ্বেজ্ গোজ্যস্?

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

ইব্রীয় 10:35

সেনত্যে তুমি সাহচ্‌ ন-আড়েইয়ো, কিয়া ইয়েনর পুরস্কারান ভারী মহৎ।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 13:14

কিয়া ইয়েনত্ আমার কনঅ থিদেবর্ গোজ্জ্যে শঅর্ নেই; মাত্তর্ যে শঅরান্ এবঅ সিয়েনত্যে আমি বাজ্জ্যেই আঘিই।

১ পিতর 5:1

মুই খ্রীষ্টর্ দুঘ্ ভুগোনার সাক্ষী আর খ্রীষ্টর্ যে মহিমা ফগদাং অবঅ সিয়েনর্ ভাগী। সেনত্যে তমা ভিদিরে যিগুনে মন্ডলীর আজল্ নেতা তারারে মুই আর এক্কো আজল্ নেতা ইজেবে এ উপদেচ্‌‌চান দোঙর্-

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।