২ করিন্হীয় 5:1 - Chakma Bible

¹ আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

২ করিন্হীয় 5:1 Iomraidhean Croise

পত্থম 3:19

যে মাদিত্তুন্‌ তরে বানা ওইয়্যে সে মাদিত্‌ ফিরি ন-যানা সং মাঢার ঘাম্‌ টেঙত্‌ ফেলেনে তত্তুন্ হা-পুরিবো। তর এ ধুল্যার কিয়্যেগান্‌ ধুল্যাদই ফিরি যেবঅ।”

ইয়োব 30:22

তুই মরে তুলি নেযেইনে বোইয়্যেরত্ ইরি দুয়োজ্; ঝড় ইদু ফেলেইনে তুই মরে নাজত্তে।

ইয়োব 4:19

মাত্তর্‌ যিগুনে মাত্যে ঘরত্‌ বজত্তি গরন্‌, যিগুনোর গড়াগান্‌ অলদে ধূল্যেগান, যিগুনোরে পুগো ধোক্ক্যেন্ এনেবাদে মারে ফেলা যায়, তারা গোজেনর চোগেন্দি আরঅ‌ কত্তমান যে বেশ্‌ দুযি অবাক্‌!

গীতসংহিতা 56:9

যেদিন্যে মুই তরে ডাগিম, সেদিন্যে মর্ শত্রুগুনে ধেই যেবাক্; মুই হবর্ পাং গোজেনে মঅ সমারে আঘে।

যিশাইয় 38:12

ভেড়া গরগর্ তাম্বুলো ধোক্ক্যেন্ গুরি মঅ থেবার জাগায়ান্ তুলি ফেলেইনে মত্তুন্ সিয়েন নেযা অবঅ। মঅ আয়ুগান মুই তাতীগুনো ধোক্ক্যেন্ গুরি তাত্ কলান্দোই মিজেয়োং আর ইক্কিনে সিয়েনত্তুন্ তুই মরে ছাজি ফেলেবে। এক দিনো ভিদিরে তুই মরে শেজ্ গুরি দিবে।

মার্ক 14:58

“আমি তারে কধে শুন্ন্যেই, ‘মান্‌জ্যর্ বানেয়্যে এই উবোসনা-ঘরান্ মুই ভাঙি ফেলেম্ আর তিন দিনো ভিদিরে এমন্ এক্কান উবোসনা-ঘর্ বানেম্ যিয়েন মান্‌‌জ্যর্ বানেয়্যে নয়।’ ”

প্রেরিত্‌ 7:48

মাত্তর্ দাঙর্ গোজেনে মান্‌জ্যর্ বানেয়্যে ঘরত্ ন-থায়। ভাববাদীবো কোইয়্যেদে যে,

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

২ করিন্হীয় 5:4

ঘেচ্চ্যেকগুরি এ বল্‌পোজ্যে কিয়্যেগানত্ থানা অবস্থায় আমি কিয়্যে ভারে ব নিজেচ্‌ ফেলের্। আমি যে কিয়্যে নেইয়্যে অবাত্যে চেই সিয়েন নয়, বরং সেই নুয়ো কিয়্যেগানিলোই ঢাগিবাত্যে চেই, যেন আমার মরণর্ অধীন কিয়্যেগানি উমরত্যে জেদা থানা কিয়্যেগানি বুদুলি যায়।

কলসীয় 2:11

ইয়েন বাদে তুমি খ্রীষ্ট লগে এগত্তর্ ওইয়ো বিলিনে তমার্ চুনু মাঢায়ো কাবা ওইয়্যে। এ চুনু মাঢা কাবানাগান কনঅ মান্‌জ্যর্ আঢে কাবানা ন-অয়, খ্রীষ্ট নিজেই সিয়েন গোজ্জ্যে; অত্তাৎ কিয়্যে উগুরে পাপ খাচ্চ্যদর্ যে খেমতাগান এলঅ সেই খেমতাত্তুন্ তে তমারে উদ্ধোর্ গোজ্জ্যে।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

ইব্রীয় 11:10

কিয়া যে শঅ্‌রান্ উমরত্যে দরমর তে সেই শঅরানরে বাজ্জ্যেই রোইয়্যে। সেই শঅ্‌রানর্ নক্‌শা বানানা আর গাধেই তুলিবার কামান্ গোজেনে গোজ্জ্যে।

ইব্রীয় 9:11

মাত্তর্ খ্রীষ্ট এচ্চ্যেদে ভবিচ্চদর্ বেক্‌ ভালেদি পৌইদ্যেনে দাঙর্ ধর্মগুরু ওইনে। মহৎ আরঅ গম্ উবোসনা-তাম্বুলোত্ গোজেনর্ সেবা গুরিবাত্যে তে এচ্চ্যে। এই তাম্বুলান মান্‌জ্যর আঢ্‌তোই বানেয়্যে নয়, অত্তাৎ সিয়েন জগদর্ কনঅ জিনিচ্‌ নয়।

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

২ পিতর 3:11

বেক্কানি যেক্কে এবাবোত্যেগুরি ভস্ত অবাত্যে যার্ সেক্কে তমার কিবাবোত্যে মানুচ্‌ অনা উচিত? আওজ্ গুরিনে গোজেন দিন্নোরে বাজ্জেই থেইনে তমার পবিত্র আর গোজেন উগুরে ভোক্তিবলা জিংকানি কাদানা উচিত। সেদিন্ন্যে দাঙর্ আগাজ্‌চান পুড়ি যাদে যাদে ভস্ত ওই যেবঅ আর বেলান-চানান আর তারাগুন আগুনোত্ গলি যেবাক্।

১ যোহন 3:14

আমি ভেইয়ুনোরে কোচ্‌পেই বিলিনে বুঝি পারির্, আমি মরণত্তুন্ জিংকানিত্ পার্ ওই এচ্চ্যেই। যিগুনে কোচ্‌ ন-পান্ সিগুনে মরণান ভিদিরে থান্।

১ যোহন 3:19

ইয়েন্দোই আমি কোই পারিবোং, আমি সত্যর্। সিয়েনবাদে কনঅ পৌইদ্যেনে যুনি আমা মনানে আমারে দুষি গরে সেক্কে গোজেন মুজুঙোত্ আমা মনানিরে বুঝেই পারিবোং। গোজেনে আমা মনানিত্তুন্ দাঙর্ আর তে বেক্কানি কোই পারে।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।