২ করিন্হীয় 4:7 - Chakma Bible

⁷ মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

২ করিন্হীয় 4:7 Iomraidhean Croise

ইয়োব 10:9

ইদোত্‌ তুল্‌, মাদি পিলে ধোক্ক্যেন্ গুরিনে তুই মরে বানেয়োজ্‌; ইক্কিনে তুয়ই কি আরঅ মরে ধূল্যে ধোক্ক্যেন্ গুরিবে?

ইয়োব 33:6

গোজেনর মুজুঙোত্ তুই মুই সংসং; মরেয়ো মাদিলোই বানা ওইয়্যে।

ইয়োব 4:19

মাত্তর্‌ যিগুনে মাত্যে ঘরত্‌ বজত্তি গরন্‌, যিগুনোর গড়াগান্‌ অলদে ধূল্যেগান, যিগুনোরে পুগো ধোক্ক্যেন্ এনেবাদে মারে ফেলা যায়, তারা গোজেনর চোগেন্দি আরঅ‌ কত্তমান যে বেশ্‌ দুযি অবাক্‌!

আবিলেচ্ 4:2

সিয়োনর পুয়োগুন্ একদিন সোনা ধোক্ক্যেন মূল্যবান এলাক্; তারারে ইক্কিনে মনে গরা অয় কুমোরর্ বানেয়্যে মাদি পিলে ধোক্ক্যেন্।

মথি লেখ্যে গম্ হবর্ 13:44

স্বর্গ-রেজ্যগান্ ভূইয়ো ভিদিরে লুগেই রাগেয়্যে ধন ধোক্ক্যেন্। এক্কো মান্‌জ্যে সিয়েন্ তোগেই পেইনে আরঅ লুগেই রাগেল। সে পরেদি তে হুজি মনে গেলঅ আর তার যেদক্কানি এলঅ বেক্কানি বিজিনে সে ভূইয়ান কিনিলো।

মথি লেখ্যে গম্ হবর্ 13:52

সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

১ করিন্হীয় 1:28

জগদ্‌তানে যিয়েনরে তলে আর তুচ্চ বিলি মনে গরে, এমন কি, জগদর্ চোগেদি যিয়েন কিচ্চু নয় গোজেনে সিয়েনই বেঈ লোইয়্যে যেন জগদর্ চোগেদি যিয়েন মূল্যবান সিয়েন মূল্য নেইয়্যে ওই পারে।

২ করিন্হীয় 10:10

কনঅ কনঅ মান্‌জ্যে কন্, “তা চিধিয়ানি মনান্ ঝাগেরেই দে আর সিয়েনি খেমতাবলায়ো ঠিগ্, মাত্তর্ তে কায়কুরে থেলে দেগা যায়, তে বল্‌‌নেইয়্যে আর তার্ কধানি শুনেদে ধোক্ক্যেন্ এমন্ কিচ্চু নয়।”

২ করিন্হীয় 13:4

তারে মেরা মেরা অবস্থায় ক্রুশোত্ দিয়্যে ওইয়্যে ঠিগ্, মাত্তর্ গোজেনর্ খেমতালোই তে জেদা আঘে। আমি তা লগে মিজেইনে মেরা ওইয়্যেই, মাত্তর্ তমাত্যে গোজেনর্ খেমতালোই তা লগে আমি জেদা থেবং।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

২ করিন্হীয় 5:1

আমি এ কধাগান্ কোই পারিই যে, এ পিত্‌থিমীত যে তাম্বুলানত্ আমি বজত্তি গুরির্, অত্তাৎ যে বল্‌পোজ্যে কিয়্যেগানিলোই আমি আঘিই সিয়েন যুনি বর্‌বাদ ওই যায় তো গোজেনর্ দিয়্যে এক্কান্ ঘর আমার আঘে। এ ঘরান্ মান্‌জ্যর্ আঢে বানেইয়্যে নয়, সিয়েন স্বর্গত্ উমরত্যে আঘে।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

ইফিষীয় 2:5

এই অবাধ্যগানত্যে যেক্কে আমি মরা অবস্থায় এলং সেক্কে খ্রীষ্ট সমারে তে আমারে জেদা গুরিলো।

ইফিষীয় 3:8

গোজেনর্ বেক্‌ মানুচ্চুনো ভিদিরে মত্তুন্ তলে আর কেঅ নেই, তো খ্রীষ্টর্ যে সম্পদর কধা পুরোপুরি গুরি বুঝি পারা ন-যায়, অযিহূদীগুনো ইধু সেই সম্পদর গম্ হবরান জানেবার কামান্ গোজেনে দোয়্যে গুরিনে মরে দিয়্যে।

কলসীয় 1:27

গোজেনে চেলদে, অযিহূদীগুনো ভিদিরেয়ো তার্ এ গুমুরো সত্যগানর্ বাঈনী গরানাগান যে কি, সিয়েন যেন তার্ বেক মানুচ্চুনে জানি পারন। সেই সত্যগান ইয়েন-খ্রীষ্ট তমা রিবেঙত্ আঘে বিলিনে তুমি মহিমা পেবার আজা পেইয়ো।

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।

কলসীয় 2:3

খ্রীষ্ট ভিদিরে বেক্‌ জ্ঞানানি আর বুদ্ধিগানি লুগেইয়্যে আঘে।

১ থিষলনীকীয় 1:5

কিয়া আমার ফগদাং গোজ্জ্যে গম্ হবরান বানা কধালোই তমা ইধু ন-এজে, মাত্তর্ সিয়েন খেমতা, পবিত্র আত্মা আর পুরোপুরি নিচ্চিত্ গুরি এচ্চ্যে। তমা সমারে থেবার অক্তত্ তমার ভালেদিত্যে আমি কেধোক্ক্যেন গুরিনে আঢাউদো গোজ্জ্যেই সিয়েন তুমি কোই পারঅ।

১ থিষলনীকীয় 4:4

আর যিগুনে গোজেনরে ন-জানন্ সেই অযিহূদীগুনো ধোক্ক্যেন কিয়্যের্ কামনার্ লগে ন-চলিনে তুমি পত্তিজনে নিজোর্ কিয়্যেগানরে পবিত্র গুরি সর্মানর সমারে দোঙেই রাগেবাত্যে শিগো।

২ তীমথিয় 2:20

দাঙর্ ঘরত বানা যে সনা-রূবোর বাজোন্ থায় সিয়েন নয়, মাত্তর্ তক্তার আর মাদির্ বাজোন্‌অ থায়। সিগুনো ভিদিরে কুদুক্কুন্ বাজোন্ সর্মানর্ কামত আর কুদুক্কুন্ বাজোন্ নিচু কামত বেবহার গরা অয়।

বিচের গুরিয়্যেগুন 7:2

লগেপ্রভু গিদিয়োনরে কলঅ, “তঅ মানুচ্চুন্‌ এদক্‌ বেশ্‌ ওইয়োন্দে, মুই তারার্‌ আঢত্‌ মিদিয়নীয়গুনোরে তুলি দিই ন-পারং। সিয়েন গুরিলে মরে বাদ দিইনে ইস্রায়েলীয়গুনে বার্বো গুরিনে কবাক্‌, তারার্‌ নিজোর বল্লোই তারা উদ্ধোর্‌ পেইয়োন।