২ করিন্হীয় 4:2 - Chakma Bible

² মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

২ করিন্হীয় 4:2 Iomraidhean Croise

১ রাজাবলী 18:34

সে পরেন্দি তে কলঅ, “আরঅ গরঅ।” মানুচ্চুনে সিয়েন গুরিলাক্‌। তে উঘুম্‌ দিলো, “তিনবার গরঅ।” তারা তিনবার সিয়েন গুরিলাক্‌।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

২ করিন্হীয় 11:6

যুনিয়ো মুই গমেডালে কধা কোই ন-পারং তো মর্ যদেষ্ট জ্ঞান আঘে আর সিয়েন বেক্কানিন্দি তমা ইধু ফগদাং গোজ্জ্যং।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 5:11

প্রভুরে দোরেই বিলিনে আমি নিজো পৌইদ্যেনে মান্‌জ্য মনত্ বিশ্বেজ্ জোর্মেবার চেষ্টা গুরিই। আমি যেবাবোত্যে, সিয়েন দঅ গোজেন ইধু খুলোমেলা আর মুই আজা গরং তমা বিবেগ ইধুয়ো সিয়েন খুলোমেলা।

২ করিন্হীয় 6:8

মান্‌জ্যে আমারে সর্মান গোত্তোক্ বা অসর্মান গোত্তোক্, আমা পৌইদ্যেনে গম্ কোদোক্ বা ভান্ন্যেই কোদোক্, আমি প্রমাণ গুরিত্তে, আমি গোজেনর্ সেবাগুরিয়্যে। মান্‌‌জ্যে আমারে পাজি কন্, মাত্তর্ আসলে আমি সত্যর্ পধেদি চুলির্।

২ করিন্হীয় 7:14

মুই হুজী ওইয়োং, কিয়া তমারে নিইনে মুই তা ইধু দেমাগ্ দেগেয়োং, আর সিয়েনত্ মত্তুন্ লাজত্ পড়া ন-পরে। সিয়েনর্ বদলে তমা ইধু কোইয়্যে আমার বেক্‌ কধানি যেধোক্ক্যেন্ সত্য এলঅ, সেধোক্ক্যেন গুরি তীত ইধু তমারে নিইনে আমার্ দেমাগ্-অ সত্য বিলিনে প্রমাণ ওইয়্যে।

ইফিষীয় 4:14

মান্‌জ্যে পাজি বুদ্ধি খাদেইনে অন্যগুনোরে ভুল্ পধেদি নেযেবাত্যে যে ভুল্ শিক্ষ্যেনি দুয়োন, সেই ভুল্ শিক্ষ্যেনি ভিদিরে আমি বৈয়্যেরে দুলি উঠ্যে তুবোল ধোক্ক্যেন ইন্দি উন্দি ন-দুলিবোং।

ইফিষীয় 5:12

কিয়া মান্‌জ্যর ভিদিরে ভিদিরে গোজ্জ্যে এ বেক্‌ কামর্ কধানি কনায়ো লাজর্ বেপার।