২ করিন্হীয় 4:10 - Chakma Bible

¹⁰ আমি নিত্য প্রভু যীশুর্ মরণান্ আমা কিয়্যেত্ ভুগিনে লোই বেড়ের্, যেন আমা কিয়্যে ভিদিরে যীশুর্ জিংকানিগান্অ ফগদাং অয়।

২ করিন্হীয় 4:10 Iomraidhean Croise

যোহন 14:19

খানক্কন্ পরেদি জগদ মানুচ্চুনে আর মরে ন-দেগিবাক্, মাত্তর্ তুমি দেগিবা। মুই জেদা আঘং কিনেই তুমিয়ো জেদা থেবা।

রোমীয় 6:5

খ্রীষ্ট সমারে মুরিনে যেক্কে আমি তা সমারে মিজেয়্যেই সেক্কে তে যেবাবোত্যেগুরি মরণত্তুন্ জেদা ওই উত্ত্যে, থিক্ সেবাবোত্যেগুরি আমি তা সমারে জেদা অবং।

রোমীয় 6:8

আমি যেক্কে খ্রীষ্ট সমারে মোজ্জ্যেই সেক্কে বিশ্বেজ্ গুরিই যে, তা সমারে জেদায়ো অবং।

রোমীয় 8:36

পবিত্র বোইবোত্ লেগা আঘে, তত্যে নিত্য আমাত্তুন্ কাররে নলে কাররে মারে ফেলা অর্; জবাই গোজ্জ্যে ভেড়া ধোক্ক্যেন্ মান্‌জ্যে আমারে মনে গরন্।

২ করিন্হীয় 1:5

খ্রীষ্ট ধোক্ক্যেন গুরি আমি যেবাবোত্যে বোউত্ দুঘ্ সোজ্জ্য গুরির্ সেবাবোত্যেগুরি তা মাধ্যমে বোউত্ সান্তনা পেইর্।

২ করিন্হীয় 1:9

আমি মনে গোজ্জ্যেই, এবেরা আমি খামাক্কায় মুরি যেবং। মাত্তর্ এ অবস্থাগান আমার্ ইয়েনত্যে ওইয়্যে যেন আমি নিজো উগুরে নির্ভর ন-গুরিনে গোজেন, যিবে মরাগুনোরে জেদা গুরি তুলে, তা উগুরে নির্ভর গুরিই।

২ করিন্হীয় 13:4

তারে মেরা মেরা অবস্থায় ক্রুশোত্ দিয়্যে ওইয়্যে ঠিগ্, মাত্তর্ গোজেনর্ খেমতালোই তে জেদা আঘে। আমি তা লগে মিজেইনে মেরা ওইয়্যেই, মাত্তর্ তমাত্যে গোজেনর্ খেমতালোই তা লগে আমি জেদা থেবং।

২ করিন্হীয় 4:11

আমি যিগুনে বাঁজি আঘিই আমারে নিত্য যীশুত্যে মরণ আঢত্ তুলি দিয়্যে অর্, যেন আমার্ মরণর্ অধীন কিয়্যেত্ যীশুর জিংকানিগান্‌অ ফগদাং অয়।

গালাতীয় 6:17

শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

২ তীমথিয় 2:11

এ কধাগান বিশ্বেজ্ গুরিবার যে, খ্রীষ্ট সমারে যুনি আমি মুরি থেই, সালে তা সমারে আমি জেদায়ো থেবং।

১ পিতর 4:13

সিয়েনত্তুন্ বরং তুমি যে খ্রীষ্টর্ দুঘ্ ভুগোনার ভাগ লর্ সিয়েন্দোই হুজি অ, যেন তার্ মহিমাগান যেক্কে ফগদাং অবঅ সেক্কে তুমি হুজি অ।

১ পিতর 4:14

তুমি যুনি খ্রীষ্টত্যে অগমান্‌অ অ সালে তুমি বর্‌পেইয়্যে, কিয়া গোজেনর্ মহিমাবলা আত্মাগান তমা উগুরে আঘে।

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,