২ করিন্হীয় 3:5 - Chakma Bible

⁵ মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

২ করিন্হীয় 3:5 Iomraidhean Croise

পত্থম 41:16

জোবত্‌ যোষেফে ফরৌণরে কলঅ, “সে খেমতাগান মর্‌ নেই। মাত্তর্‌ গোজেনে রাজা বাবুর্ স্ববনর্‌ অত্তগান্‌ কোই দিইনে তা মনান্‌ শান্ত-গুরিবো।”

২ বংশধর 30:12

গোজেন আঢ্‌তান যিহূদার মানুচ্চুনো উগুরেয়ো এলঅ, সেনত্তে লগেপ্রভুর কধা মজিম্‌ রাজা আর তার্‌ কামগুরিয়্যেগুনোর উগুম্‌ পালেবাত্তে তে তারার্‌ মনান্‌ এক গুরিলো।

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

লূকে লেখ্যে গম্ হবর্ 24:49

চঅ, মঅ বাপ্পো যিয়েনি দিবার্ এগেম্ গোজ্যে সিয়েনি মুই তমা ইধু পাধেই দিম্। স্বর্গত্তুন্ খেমতা ন-পানা সং তুমি এই শঅরত্ থাক্ক্য।”

যোহন 15:5

মুয়ই আংগুর্ গাজ্, আর তুমি সিবের্ ডেলা-পাদা। যুনি কেঅ মঅ সমারে থায় আর মুই তা সমারে থাং সালে তা জিংকানিত্ সয়-সাগোজ্যে গুলোগুলি ধরে, কিয়া মরে বাদে তুমি কিচ্চু গুরি ন-পারঅ।

রোমীয় 15:18

খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

১ করিন্হীয় 3:6

মুই বীজি ফেলেয়োং, আপল্লো সিগুনোত্ পানি দিয়্যে, মাত্তর্ গোজেনে সিগুন বাড়েই তুল্ল্যে।

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

২ করিন্হীয় 2:16

মাত্তর্ যিগুনে ভস্ত অদন্ তারা ইধু আমার্ তুম্বাজ্‌চান অলঅ মরণর্ বাচ্‌, যিয়েনর ফল অলঅ উমর্‌অ মরণ, আর যিগুনে উদ্ধোর্ পাদন্ তারা ইধু আমি জিংকানির বাচ্‌, যিয়েনর ফল অলঅ উমর্‌অ জিংকানি। এ কামর্ যগাজ্জ্যে কন্না?

২ করিন্হীয় 4:7

মাত্তর্ এই ধন মাত্ত্যা পিলেত্ থুয়ো ওইয়্যে; আর আমিই সেই মাত্ত্যা পিলাগুন্। মাত্ত্যা পিলেত্ সিয়েন থুয়ো ওইয়্যে যেন মান্‌জ্যে বুঝি পারন্ যে, এ অসাধারণ দাঙর্ খেমতাগান আমা নিজোত্তুন্ ন-এজে বরং গোজেনত্তুনই এচ্চ্যে।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।