২ করিন্হীয় 3:18 - Chakma Bible

¹⁸ ইয়েনত্যে আমি যিগুনে খ্রীষ্ট সমারে মিজেয়্যেই, আমি বেক্কুনে খুলো মুয়োদি আনাত্ দেখ্যে ফোটু ধোক্ক্যেন গুরি প্রভুর মহিমাগান্ দেগদে দেগদে নিজেয়ো মহিমায় বাড়ি উদিনে বুদুলি যেইনে তা ধোক্ক্যেন ওই যের্। প্রভুর, অত্তাৎ পবিত্র আত্মার্ খেমতালোই ইয়েন অয়।

২ করিন্হীয় 3:18 Iomraidhean Croise

গীতসংহিতা 84:7

যেবার পদত্ তারা বল উগুরে বল্ পান; তারা পত্তিজনে সিয়োনত্ গোজেনর মুজুঙোত্ আজিল্ অন।

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 12:41

যিশাইয় যীশুর মহিমাগান্ দেক্ক্যে বিলি তা পৌইদ্যেনে এ কধাগান্ কোইয়্যে।

যোহন 17:22

যে মহিমাগান্ তুই মরে দুয়োচ্ সিয়েন মুই তারারে দুয়োং যেন আমি যেধোক্ক্যেন্ এক তারায়ো সেধোক্ক্যেন্ গুরি এক্ ওই পারন্,

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

রোমীয় 8:4

তে সিয়েন গুরিলো যেন পাপ-খাচ্চ্যদ অধীনোত্ ন-চলিনে পবিত্র আত্মার্ অধীনোত্ চলিবাত্যে আমা ভিদিরে রীদি-সুদোমর্ দাবী-দাওয়া পূরোণ্ অয়।

রোমীয় 8:7

যে মনানে পাপ-খচ্চ্যদে যিয়েন চায় সিয়েন্দোই আয়োজি, সেই মনান্ গোজেনর্ বিরুদ্ধে, কিয়া সিয়েন গোজেনর্ রীদি-সুদোম মানিবাত্তে ন-চায়, মানিয়ো ন-পারে।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

১ করিন্হীয় 15:49

আমি যেধোক্ক্যেন সেই মাদির্ মান্‌জ্য ধোক্ক্যেন্ ওইয়্যেই ঠিগ্ সেবাবোত্যে গুরি সেই স্বর্গর্ মান্‌জ্য ধোক্ক্যেন্অ অবং।

২ করিন্হীয় 3:17

এই প্রভুই অলঅ পবিত্র আত্মা; আর যিয়েনত্ প্রভুর আত্মা সিয়েনত্ স্বাধীনতা।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

গালাতীয় 6:15

চুনু মাঢা কাবানা বা ন-কাবানার্ কনঅ দাম নেই, খ্রীষ্টর্ মাধ্যমে নুয়ো সৃট্টি ওইনে উদোনা অলঅ দাঙর্ কধা।

১ তীমথিয় 1:11

বাঈনী গরেদে গোজেনর্ দাঙর্ গম্ হবর্ মজিম যে শিক্ষ্যে, সেই শিক্ষ্যেগানই অলঅ সত্য শিক্ষ্যে। এ গম্ হবর্ প্রচারর্ ভারান্ তে মঅ উগুরে দিয়্যে।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।

যাকোব 1:23

যে বানা সেই কধানি শুনে মাত্তর্ সে ধগে কাম্ ন-গরে তে এমন্‌ মান্‌জ্য ধোক্ক্যেন, যে আনাত্ নিজো চেঙেরাগান্ চেইনে যায়ই আর সেক্কেনে সিয়েন ভুলি যায়।

১ যোহন 3:2

পরাণর্ পুয়ো-ছাগুন, ইক্কিনে আমি গোজেনর্ পুয়ো, মাত্তর্ যেরেদি কি অবং সিয়েন এজঅ ফগদাং ন-অয়। মাত্তর্ আমি কোই পারিই, খ্রীষ্ট যেক্কে ফগদাং অবঅ সেক্কে আমি তা ধোক্ক্যেন অবং, কিয়া তে আজলে যেধোক্ক্যেন, সেই চেঙেরালোই আমি তারে দেগিবোং।