২ করিন্হীয় 3:1 - Chakma Bible

¹ আমি এ বেক্‌ কধানি কোইনে কি আরঅ নিজোর্ বাঈনী গরানা আরাম্ভ গুরির্? কনঅ কনঅ মান্‌জ্যর্ যেধোক্ক্যেন দরকার ওই থায়, আমার্-অ কি সেবাবোত্যে তমা ইধু বা তমাত্তুন্ বাঈনী পেবার্ চিধির্ দরকার ওই পোজ্জ্যে? কনদিন্‌অ নয়।

২ করিন্হীয় 3:1 Iomraidhean Croise

প্রেরিত্‌ 18:27

যেরেদি আপল্লো যেক্কে আখায়াত্ যেবাত্তে চেলঅ সেক্কে ইফিষ বিশ্বেজি ভেইয়ুনে তারে উচ্চোমি তুলি দিলাক্। আখায়ার শিচ্চ্যগুনে যেন আপল্লোরে মানি লন্ ইয়েনত্তে ইফিষীয় ভেইয়ুনে আখায়াত্ চিধি লিগিলাক্। গোজেনর্ দোয়্যেই আখায়াত্ যিগুনে বিশ্বেজি ওইয়োন আপল্লো সিধু লুমিনে তারারে বল্ দিলো।

রোমীয় 16:1

এবেরা মুই আমা বোন ফৈবী পৌইদ্যেনে তমা ইধু সুপারিশ্ গরঙর্। তে কিংক্রিয়া শঅর মন্ডলীর দেগাশুনোগুরিয়্যে।

১ করিন্হীয় 16:3

মুই যেক্কে তমা ইধু এম্ সেক্কে তমার্ সেই দানুন্ যিরূশালেমত্ নেযেবাত্যে তুমি যিগুনোরে যোগাজ্যে মনে গুরিবা, মুই চিধি দিইনে তারারে পাধেই দিম্।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

১ করিন্হীয় 4:15

খ্রীষ্ট পৌইদ্যেনে শিক্ষ্যে দিবার্ মানুচ্‌ অয়ত তমার্ আজার আজার থেই পারন, মাত্তর্ বাপ্ তমার ভালোক্কুন্ নেই; মুয়ই গম হবরর্ মাধ্যমে খ্রীষ্টীয় জিংকানিত্ তমার বাপ্ ওইয়োং।

২ করিন্হীয় 10:12

তমা ভিদিরেত্তুন্ কেঅ কেঅ নিজোর্ নাঙ্ ফুদেবাত্যে চান্। আমি তারার্ দলত্ নিজোরে ফেলেবাত্যে বা তারা সমারে নিজোরে তুলোনা গুরিবাত্যে সাহচ্‌ ন-গুরিই। কি মূর্খ তারা। কিয়া তারা নিজে যিয়েন গম্ মনে গরন্, সিয়েন সমারে নিজোরে তুলোনা গরন্ আর সিয়েন্দোই নিজোরে বিচের্ গরন্।

২ করিন্হীয় 10:18

কিয়া নিজোর্ নাঙ্ ফুদেবাত্যে কেঅ গম্ বিলিনে প্রমাণ ন-অয়, বরং প্রভু যিবেরে নাঙ্ গিনে তেয়ই গম্ বিলিনে প্রমাণ অয়।

২ করিন্হীয় 10:8

প্রভু আমারে যে অধিকারান্ দিয়্যে সেই অধিকারানর্ উদ্দেচ্চ্য অলঅ তমারে গঠন গরানা, তমারে ক্ষোতি গরানা নয়। যুনিয়ো মুই এ অধিকারান্ নিইনে কিজু বাড়্ গুরি থাং তো সিয়েনত্যে মুই লাজ্ ন-পেইম্।

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

২ করিন্হীয় 12:19

তমার্ কি মনে অয়, এ চিধিগানর্ মাধ্যমে আমি তমা ইধু নিজোর্ পক্ষে কধা কোর্? খ্রীষ্ট সমারে মিজেইনে আমি গোজেন মুজুঙোত্ কধা কোর্। কোচ্‌পেইয়্যে ভেইয়ুন, তমারে উগুরেদি তুলিবাত্যে আমি ইয়েনি কোর্।

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

২ করিন্হীয় 5:12

ইয়েন্দোই খালিক্ আমি তমা ইধু আরঅ নিজোরে নাঙ্ ন-গিনির্ বরং আমারে নিইনে তমার্ দেমাগ্ দেগেবার কারণ দেগের্, যেন মনান্ ন-দেগিনে যিগুনে বারেদি চেঙেরাগান্ দেগিনে দেমাগ্ দেগান্ তারারে তুমি এক্কান্ জোব্ দি পারঅ।