২ করিন্হীয় 2:3 - Chakma Bible

³ যেক্কে মুই যেম্ সেক্কে যিগুনোত্তুন্ মর্ হুজি পেবার্ কধা সিগুনোত্তুন্ মুই যেন দুঘ্ ন-পাং, সেনত্যে মুই এ কধাগান্ লেখ্যং। তমা উগুরে মর্ এ বিশ্বেজ্‌‌‌চান আঘে যে, মুই যিয়েনত্ হুজি পাং তুমিয়ো সিয়েনত্ হুজি পঅ।

২ করিন্হীয় 2:3 Iomraidhean Croise

১ করিন্হীয় 4:21

মুই তমা ইধু কিলোই এম্-বেত, না কোচ্‌পানা আর নরম মনভাব?

২ করিন্হীয় 1:15

এ কধাগান যে সত্য সিয়েন কোই পারিনে মুই আগেই তমা ইধু যেম্ বিলিনে থিগ্ গোজ্জ্যং, যেন্‌ তুমি দ্বিবার আশিদ্‌বাদ পেই পারঅ।

২ করিন্হীয় 1:23

মঅ জিংকানিগানর্ নাঙে শমক্ হেইনে মুই গোজেনরে সাক্ষী রাগেইনে কঙর্, সাজাত্তুন্ তমারে রেহাই দিবাত্যে মুই করিন্থ শঅরত্ ফিরি ন-যাং।

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

২ করিন্হীয় 12:21

মত্তুন্ দর্ লাগেত্তে, মুই যেক্কে আরঅ তমা ইধু যেম্ সেক্কে মঅ গোজেনে তমা মুজুঙোত্ মরে লাজত্ ফেলেব, আর যিগুনে আগে পাপ গোজ্জ্যন্ অদচ তারার্ অসিজিগানি, বেভিচের্ আর জঘন্য কামত্তুন্ মনানি ন-ফিরেন্, তারার্ বেক্কুনোত্যে মুই দুঘ্ পেম্।

২ করিন্হীয় 13:10

ইয়েনত্যে মুই ন-থেবার্ সময়োত্ মুই তমা ইধু ইয়েনি লেগেঙর্, যেন লুমিলে পরেদি প্রভু মরে যে অধিকারান্ দিয়্যে সিয়েন দরমর গুরি বেবহার গরা ন-পড়ে। সে অধিকারানর্ উদ্দেচ্চ্য অলঅ তমারে উগুরে তুলোনা, তমারে ক্ষতি গরানা নয়।

২ করিন্হীয় 2:9

মুই তোলেই চেবার্ চেইয়োং তুমি বেক্কানি পৌইদ্যেনে বাধ্য আঘঅ কিনা, আর ইয়েনত্যে মুই তমা ইধু লেখ্যং।

২ করিন্হীয় 7:12

মুই সেই চিধিয়ান লেক্ক্যং সত্য, মাত্তর্ যে অন্যেয় গোজ্জ্যে বা যিবে উগুরে অন্যেয় গরা ওইয়্যে তাত্যে ন-লেগং, বরং লেক্ক্যংগে যেন গোজেন মুজুঙোত্ তমা ইধু ফগদাং অয় যে, তুমি ঘেচ্চ্যেকগুরি আমারে কোচ্‌পঅ।

২ করিন্হীয় 7:16

মুই হুজি ওইয়োং, কারন বেক্কানি পৌইদ্যেনে মুই তমা উগুরে নির্ভর্ গুরি পারং।

২ করিন্হীয় 7:6

মাত্তর্ গোজেনে, যিবে দুঘি মানুচ্চুনোরে সান্তনা দে, তে তীতে এজানার্ মাধ্যমে আমারে সান্তনা দে।

২ করিন্হীয় 7:8

যুনিয়ো মুই মর্ আগ চিধিগান্দোই তমারে দুঘ্ দুয়োং তো মুই দুঘ্ ন-পাং। যেক্কে মুই দেগিলুং, সেই চিধিয়ান কয়েক দিনোত্যে অলেয়ো তমারে দুঘ্ দিয়্যে সেক্কে খালিক্ মুই কিজু দুঘ্ পেইয়োং, মাত্তর্ ইক্কিনে মুই হুজী।

২ করিন্হীয় 8:22

সিয়েন বাদে তারা সমারে আমি আমার্ অন্য আর এক ভেইয়োরেয়ো পাদের্। তে যে আয়োজি সিয়েন তে ভালোক্কানি পৌইদ্যেনে বোউত্ বার্ আমা ইধু প্রমাণ গোজ্জ্যে। ইক্কিনে তমা উগুরে তার্ ভারি বিশ্বেজ্ ওইয়্যে বিলি তে আরঅ আয়োজি ওইয়্যে।

গালাতীয় 5:10

তমা পৌইদ্যেনে প্রভু উগুরে মর্ এ বিশ্বেজ্‌চান আঘে, তুমি আর অন্য কনঅ কধায় কান্ ন-পাদিবা। মাত্তর্ যে তমারে থির্ থেবাত্যে ন-দের্, তে যেই অদঅ সাৎ, তে তার পাওনা সাজা ভুগিবো।

২ থিষলনীকীয় 3:4

প্রভু সমারে এগত্তর্ বিলিনে তমা পৌইদ্যেনে আমার্ এ বিশ্বেজ্‌চান আঘে, আমি তমারে যে উগুমানি দিয়্যেই সেবাবোত্যেগুরি তুমি কাম্ গরর্ আর গরানাত্অ থেবা।

ফিলীমন 1:21

তুই মঅ কধানি মানি লবে কোই পারিনে মুই তইধু এ চিধিয়ান লেগঙর্। খালিক্ মুই কোই পারং, মুই যিয়েনি কঙর্ তুই সিয়েনত্তুন্-অ বেচ্‌ গুরিবে।