২ করিন্হীয় 2:10 - Chakma Bible

¹⁰ কনঅ পৌইদ্যেনে যুনি কারেয়ো তুমি ক্ষেমা গরঅ সালে মুইয়ো তারে ক্ষেমা গরং। আর ঘেচ্চ্যেক গুরি যুনি মুই কনঅ কিজু ক্ষেমা গুরি থাং সালে খ্রীষ্ট মুজুঙোত্ তমাত্যে সিয়েন গোজ্জ্যং,

২ করিন্হীয় 2:10 Iomraidhean Croise

মথি লেখ্যে গম্ হবর্ 18:18

সেনত্যে মুই তমারে বেক্কুনোরে কঙর্, তুমি পিত্‌থিমীত্ যিয়েনি থুবেবা স্বর্গত্অ বানি থুয়ো অবঅ, আর যিয়েনি খুলিবা সিয়েনি স্বর্গত্অ খুলি দিয়্যে অবঅ।

যোহন 20:23

তুমি যুনি কার পাপ খেমা গরঅ সালে তা পাপ্পান্ খেমা গরা অবঅ, আর যুনি কার পাপ খেমা ন-গরঅ সালে তা পাপ্পান্ খেমা গরা ন-অবঅ।”

১ করিন্হীয় 5:4

মঅ বিচেরান্ ইয়েন, আমা প্রভু যীশুর্ নাঙে যেক্কে তুমি এক জাগাত্ অবা আর মুইয়ো আত্মায় তমা সমারে থেম্ আর প্রভু যীশুর্ খেমতা আমা উগুরে থেবঅ,

২ করিন্হীয় 4:6

আমি এ কধানি প্রচার গুরির্, কিয়া যে কোইয়্যে, “আন্ধারত্তুন্ পহ্‌র ওক্”, সেই গোজেনে আমা রিবেঙত্ জ্বোল্ল্যে, যেন তার্ মহিমাগান্ বুঝিবার পহ্‌রান ফগদাং পায়। এই মহিমাগান্ খ্রীষ্টর্ মুয়োনত্ আঘে।

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

২ করিন্হীয় 6:6

ইয়েনিবাদে আমার্ গম্ জিংকানিগানিলোই, আমার্ জ্ঞান, সোজ্জ্যগুণ আর দোয়্যেলোই, পবিত্র আত্মালোই, আমার দোল্ কোচ্‌পানালোই,

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।