২ করিন্হীয় 10:2 - Chakma Bible

² যিগুনে মনে গরন্ আমি সাধারন মান্‌জ্য ধোক্ক্যেন জিংকানি কাদের্, তারার্ বিরুদ্ধে যেত্তমান সাহস্ দেগানা মুই দরকার্ বিলিনে মনে গরং, মুই চাংগে যেন মুই এজানার্ পরেদি সেত্তমান্ সাহচ্‌ মত্তুন্ দেগা ন-পরে।

২ করিন্হীয় 10:2 Iomraidhean Croise

রোমীয় 8:1

যিগুনে খ্রীষ্ট যীশু সমারে মিজেয়োন্ গোজেনে তারারে আর সাজা দেদে ধোক্ক্যেন্ মনে ন-গুরিবো।

রোমীয় 8:4

তে সিয়েন গুরিলো যেন পাপ-খাচ্চ্যদ অধীনোত্ ন-চলিনে পবিত্র আত্মার্ অধীনোত্ চলিবাত্যে আমা ভিদিরে রীদি-সুদোমর্ দাবী-দাওয়া পূরোণ্ অয়।

রোমীয় 8:5

যিগুনে পাপ-খাচ্চ্যদর্ তলে তারার্ মনানি পাপ-খাচ্চ্যদে যিয়েনি চায় সিয়েনি আয়োজি; আর যিগুনে পবিত্র আত্মার্ তলে তারার্ মনানি পবিত্র আত্মাগানে যিয়েনি চায় সিয়েনি আয়োজি।

২ করিন্হীয় 1:17

তুমি কি মনে গরঅ মুই কনঅ তামাশার্ মনভাব্‌পোই ইয়েনি ঠিগ্ গোজ্জ্যং? সাধারণ মানুচ্‌ যেবাবোত্যেগুরি একই সময়োত্ অয় আরঅ নয় কন্, মুই কি সেবাবোত্যেগুরি কনঅ কিজু ঠিগ্ গরং?

২ করিন্হীয় 11:21

মুই লাজেইনে হাম্ কাঙর্, ইয়েনি বেক্কানি পৌইদ্যেনে আমি তমা উগুরে দর্ দর্ ভাব এলং। যিয়েনিলোই অন্যগুনে বাড়্ গরদে সাহস গরন্ মুইও সিয়েনিলোই বাড়্ গরদে সাহস গরং; এ কধাগান মুই বেদমা ধোক্ক্যেন কঙর্।

২ করিন্হীয় 13:10

ইয়েনত্যে মুই ন-থেবার্ সময়োত্ মুই তমা ইধু ইয়েনি লেগেঙর্, যেন লুমিলে পরেদি প্রভু মরে যে অধিকারান্ দিয়্যে সিয়েন দরমর গুরি বেবহার গরা ন-পড়ে। সে অধিকারানর্ উদ্দেচ্চ্য অলঅ তমারে উগুরে তুলোনা, তমারে ক্ষতি গরানা নয়।

২ করিন্হীয় 13:2

দ্বি-বারত্ মুই যেক্কে তমা ইধু এলুং সেক্কে যিগুনে আগে পাপ গোজ্জ্যন্ তারার্ আর অন্য বেক্কুনোরে মুই উজিয়ার্ গোজ্জ্যং। ইক্কিনে মুই আজির্ ন-থেইনেয়ো আরঅ তমারে উজিয়ার্ গুরিনে কঙর্, মুই যেক্কে আরঅ এইম্ সেক্কে কাররে রেহাই ন-দিম,