২ করিন্হীয় 10:1 - Chakma Bible

¹ খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 10:1 Iomraidhean Croise

গীতসংহিতা 45:4

সত্য, নম্রতা আর ন্যায়র পক্ষে তুই নিজোর মহিমালোই বিজয়ি ধোক্ক্যেন্ যাত্রা গর্; তর্ ডেন্ আঢ্‌‌তানে দর্‌‌বুক্-লাগাইদে ধোক্ক্যেন দাঙর্ দাঙর্ কাম গোরোক্।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মথি লেখ্যে গম্ হবর্ 11:29

মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।

মথি লেখ্যে গম্ হবর্ 21:5

“তুমি সিয়োন ঝিবোরে কঅ, তঅ রাজাবো তইধু এজের্। তে চিদে। তে গাধা উগুরে, গাধী ছঅ উগুরে চড়িনে এজের্।”

প্রেরিত্‌ 8:32

সেই চাগর্‌বো পবিত্র বোইবোর্ যে ভাগ্‌কান পড়ের্ সিয়েন অলঅ: জবাই গুরিবাত্যে যেবাবোত্যে গুরি ভেড়া নেযা অয়, সেবাবোত্যে তারে নেযা অলঅ। কেশ্‌চানি আজুরি দিয়্যেবো মুজুঙোত্ ভেড়া ছবুয়ো যেবাবোত্যে গুরি অলর্ গুরি থায়, সেবাবোত্যে গুরি তে মুয়োন্ ন-খুলিলো।

রোমীয় 10:20

সে পরেদি যিশাইয়র্ মাধ্যমে গোজেনে আরঅ জোর্ গুরিনে কোইয়্যেদে, “মুই তারা ইধু এলুং, মাত্তর্ তারা কনঅ সাহায্যত্তে মইধু ন-এজন্। মুই এ মানুচ্চুনোরে মইধু কোজোলী গুরিবার্ সুযোগ্ দুয়োং, মাত্তর্ তারা মইধু কনঅ কোজোলী ন-জানান্।”

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

রোমীয় 15:15

তো কয়েক্কো পৌইদ্যেনে তমারে ইদোত্ তুলি দিবাত্তে মুই সাহচ্‌ গুরিনে তমা ইধু এ কধাগানি লিগিলুং, কিয়া গোজেনে মরে অযিহূদীগুনো ইধু খ্রীষ্ট যীশুর্ সেবাগুরিয়্যে অবার্ বর্ দিয়্যে। পবিত্র আত্মালোই যিদুক্কুন্ অযিহূদীরে যুদো গুরি থুয়ো ওইয়্যে, তারা যেন গোজেনর্ মানি লোইয়্যে উৎসর্ব ওই পারন্ সেনত্তে তার্ দিয়্যে গম্ হবর্ ফগদাং গুরিনে মুই ধর্মগুরুর্ কাম্ গরঙর্।

১ করিন্হীয় 2:3

যেক্কে তমা ইধু এলুং সেক্কে মুই নিজোরে বল্-নেইয়্যে মনে গত্তুং আর দরে ভারী গির্‌গিরেদুং।

১ করিন্হীয় 4:10

আমি খ্রীষ্টত্যে মূর্খ ওইয়্যেই আর তুমি খ্রীষ্ট সমারে মিজেইনে বুদ্ধিবলা ওইয়ো। আমি বল্‌পোজ্যে মাত্তর্ তুমি বোলী। তুমি বোউত্ সর্মান পেইয়ো আর আমি অসর্মান পেইয়্যেই।

১ করিন্হীয় 4:21

মুই তমা ইধু কিলোই এম্-বেত, না কোচ্‌পানা আর নরম মনভাব?

২ করিন্হীয় 10:10

কনঅ কনঅ মান্‌জ্যে কন্, “তা চিধিয়ানি মনান্ ঝাগেরেই দে আর সিয়েনি খেমতাবলায়ো ঠিগ্, মাত্তর্ তে কায়কুরে থেলে দেগা যায়, তে বল্‌‌নেইয়্যে আর তার্ কধানি শুনেদে ধোক্ক্যেন্ এমন্ কিচ্চু নয়।”

২ করিন্হীয় 10:2

যিগুনে মনে গরন্ আমি সাধারন মান্‌জ্য ধোক্ক্যেন জিংকানি কাদের্, তারার্ বিরুদ্ধে যেত্তমান সাহস্ দেগানা মুই দরকার্ বিলিনে মনে গরং, মুই চাংগে যেন মুই এজানার্ পরেদি সেত্তমান্ সাহচ্‌ মত্তুন্ দেগা ন-পরে।

২ করিন্হীয় 10:7

তুমি দঅ বারেদি চেঙেরাগান দেগর্। কেঅ যুনি নিজোরে খ্রীষ্টর্ বিলিনে বিশ্বেজ্ গরে তো ইয়েন্অ তার্ চিন্তে গরানা উচিত যে, তে যেবাবোত্যেগুরি খ্রীষ্টর্ সেবাবোত্যেগুরি আমিয়ো খ্রীষ্টর্ মানুচ্।

২ করিন্হীয় 11:21

মুই লাজেইনে হাম্ কাঙর্, ইয়েনি বেক্কানি পৌইদ্যেনে আমি তমা উগুরে দর্ দর্ ভাব এলং। যিয়েনিলোই অন্যগুনে বাড়্ গরদে সাহস গরন্ মুইও সিয়েনিলোই বাড়্ গরদে সাহস গরং; এ কধাগান মুই বেদমা ধোক্ক্যেন কঙর্।

২ করিন্হীয় 11:30

যুনি মত্তুন্ বাড়্ গরা পরে সালে মুই মর্ বল্-পোজ্জ্যেগান্দোই বাড়্ গুরিম।

২ করিন্হীয় 12:5

এ মানুচ্চো পৌইদ্যেনে মুই বাড়্ গুরিম, মাত্তর্ মর্ নিজো পৌইদ্যেনে বাড়্ ন-গুরিম, বানা মর্ বল্‌‌পোজ্জ্যেগান পৌইদ্যেনে গুরিম।

২ করিন্হীয় 3:12

আমার্ এবাবোত্যে আজা আঘে বিলিনে আমি খুলোখুলি গুরি কধা কোই।

২ করিন্হীয় 5:20

সেনত্তে আমি খ্রীষ্টর্ দূত ইজেবে তার্ ওইনে কধা কোর্। আসলে গোজেনে যেন নিজে আমা মাধ্যমে মানুচ্চুনো ইধু কোজোলী গরের্। সেনত্তে খ্রীষ্টর্ ওইনে আমি এ কোজোলীগান গুরির্, “তুমি গোজেন সমারে মিজো।”

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

২ করিন্হীয় 7:4

তমা উগুরে মর্ অমকদ বিশ্বেজ্ আঘে আর তমাত্যে মুই খুব দেমাগ্ গরঙর্। আমা বেক্ দুঘ্‌কানিত্ মর্ হুজি লাগের্ আর মুই খুব সান্ত্বনা পেইয়োং ।

গালাতীয় 4:13

তুমি কোই পারঅ, মঅ কিয়্যেগান অসুগ্ এলঅ বিলিনে মুই পত্তম্ বার্ তমা ইধু গম্ হবর্ ফগদাং গুরিবার সুযোগ্ পেইয়োং।

গালাতীয় 5:2

মুই পৌল তমারে কঙর্, শুনো-যুনি তমার চুনু মাঢা কাবানা অয় সালে তমা ইধু খ্রীষ্টর্ কনঅ দাম নেই।

ইফিষীয় 3:1

ইয়েনত্যে মুই পৌল গোজেন ইধু তবনা গরঙর্। তুমি যিগুনে অযিহূদী তমাত্যে মুই খ্রীষ্ট যীশুর্ বন্দী ওইয়োং।

ইফিষীয় 4:1

প্রভুত্যে বন্দী অবস্থায় মুই তমা ইধু এ কোজোলীগান গরঙত্তে, গোজেনে যিয়েনত্যে তমারে ডাক্ক্যে সিয়েনর যগাজ্যে ওইনে চলঅ।

ফিলিপীয় 4:5

তমার নরম খাচ্চ্যদ্‌তানি যেন বেক্কুনে দেগন্। প্রভু যাদিমাদি এজের্।

কলসীয় 1:23

খালিক্ ইয়েনত্যে খ্রীষ্ট পৌইদ্যেনে গম হবরানত্তুন্ যে ঘেচ্চ্যেকগুরি আজাগান তুমি পেয়ো সিয়েনত্তুন্ দূরোত্ সুরি ন-যেইনে তমার বিশ্বেজে থির্ থা পড়িবো। সেই গম হবরান সারা জগদত্ প্রচার গরা ওইয়্যে আর তুমি সিয়েন শুন্ন্য। মুই পৌল এ গম হবরানর্ প্রচারক ওইয়োং।

২ থিষলনীকীয় 3:17

এ পাত্তুরু তুরু জানানার্ কধাগান মুই পৌল নিজো আঢে লেগঙর্। ইয়েনই মর্ পত্তি চিধির্ চিহ্নো; মুই এবাবোত্যে গুরি লিগি থাং।

ফিলীমন 1:19

মুই পৌল নিজো আঢে লেগঙর্, মুই সেই কজ্জগুন শুজি দিম্। খালিক্ এ কধাগান মর্ কবার দরকার নেই, খ্রীষ্ট উগুরে বিশ্বেজ্ পৌইদ্যেনে তুই নিজেই মইধু কজ্জ তলাত্ আঘচ্।

ফিলীমন 1:9

তো কোচ্‌পানাত্যে সিয়েনর্ বদলে মুই তরে কোজোলি গরঙর্। এক্কো বুড়ো মানুচ্‌ ইজেবে আর বত্তমানে খ্রীষ্ট যীশুত্যে বন্দী ইজেবে মুই পৌল তইধু মর্ পুয়ো ওনীষিমত্যে কোজোলি গরঙর্। জেলখানাত্ মর্ বন্দী অবস্থায় তে বিশ্বেজি ইজেবে মর্ পুয়ো ওইয়্যে।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।