২ করিন্হীয় 1:11 - Chakma Bible

¹¹ আর তুমিয়ো আমাত্যে তবনা গুরিনে আমারে সাহায্য গোজ্জ্য। সালে ভালোক্ জনর্ তবনা গরানার্ ফলে আমি যে আশিদ্‌বাদ পেবং সিয়েনর্ কারনে আমাত্যে ভালোক্‌জনে গোজেনরে ভালেদি জানেবাক্।

২ করিন্হীয় 1:11 Iomraidhean Croise

যিশাইয় 37:4

আসিরিয়ার্ রাজা জেদা গোজেনরে ঠাট্টা-মশ্‌‌‌কারি গুরিবাত্তে রব্‌শাকিরে পাদেয়্যে, মাত্তর্ তর্ গোজেন লগেপ্রভু অয়ত সে কধানি শুনিনে তারে সাজা দিবো। সেনত্তে যিগুনে এজঅ বাঁজি আগন্ তারাত্তে তুই তবনা গর্।”

প্রেরিত্‌ 12:5

ইয়েনত্যে পিতররে জেলখানাত্ আক্‌সোই রাগা অলঅ। মাত্তর্ মন্ডলী মানুচ্চুনে গোজেন ইধু পিতরত্যে কোজোলী গুরিনে তবনা গত্তন্।

২ করিন্হীয় 4:15

বেক্কানি তমার্ উপকারত্যে ওইয়্যে, যেন গোজেনর্ যে দোয়্যে ভালোক্কুন্ মান্‌জ্য উগুরে ঢালি দিয়্যে ওইয়্যে সেই দোয়্যেনত্যে ভালোকজনে গোজেনরে আরঅ বেশ্ গুরি ভালেদি জানান্ আর এবাবোত্যেগুরি গোজেনর্ বাঈনী অয়।

২ করিন্হীয় 9:14

গোজেনত্তুন্ তুমি যে বোউত্ দোয়্যে পেইয়ো সিয়েনত্যে তারা পুরো মনান্দোই তমাত্যে তবনা গুরিবাক্।

ফিলিপীয় 1:19

কিয়া মুই কোই পারং, মঅ উগুরে যিয়েন ঘোট্যে সিয়েনর্ শেষ্ ফল অবঅ মর্ উদ্ধোর্; আর সিয়েন তমার তবনালোই আর যীশু খ্রীষ্টর্ আত্মার সাহায্যলোই অবঅ।

কলসীয় 4:3

আর সে লগে আমাত্যেয়ো তবনা গোজ্জ্য যেন খ্রীষ্ট পৌইদ্যেনে গুমুরো সত্যগানর্ কধা ফগদাং গুরিবাত্যে গোজেনে আমারে জু গুরি দে। সেই গুমুরো সত্যগানত্যে দঅ মরে বন্দী গরা ওইয়্যে।

১ থিষলনীকীয় 5:25

ভেইলগ্, আমাত্যে তবনা গোজ্জ্য।

২ থিষলনীকীয় 3:1

শেজদি কং ভেই-বোনলগ্, আমাত্যে তবনা গরঅ যেন প্রভুর কধানি তমা ইধু যেবাবোত্যেগুরি যাদিমাদি ছিদি পোজ্জ্যে সেবাবোত্যেগুরি সিয়েনি ছিদি পড়ানাত্ আর বাঈনী পানাত্ থায়।

ফিলীমন 1:22

আর এক্কান কধা কঙর্-গর্‌বাগুনো ঘরান মত্যে যুক্কোল্ থঅ, কিয়া মুই আজা গরঙ্ যে, তমা তবনা গরানার ফলে মরে তমা ইধু ফিরেই দিয়্যে অবঅ।

ইব্রীয় 13:18

আমাত্যে তবনা গোজ্জ্য। বেক্কানি পৌইদ্যেনে আমি গমেডালে চলিবাত্যে চেই বিলিনে আমি কোই পারিই, আমা বিবেগ্‌‌কানি সাব্।