২ করিন্হীয় 1:10 - Chakma Bible

¹⁰ এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

২ করিন্হীয় 1:10 Iomraidhean Croise

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

যিশাইয় 46:3

ও যাকোবর বংশ, ইস্রায়েলর বংশর বাঁজি থেইয়্যে মানুচ্চুন্, তুমি মঅ কধাগান শুনো। পেদত্ এবার অক্তত্তুন্ ধুরি আর জর্মর পরেত্তুন্ ধুরি মুই তমা ভারান্ বুয়োঙর্।

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 6:16

যেরেদি রাজা উগুম দিলো আর মানুচ্চুনে দানিয়েলরে আনিনে সিংহ গাদত্ ফেলেই দিলাক্। সেক্কে রাজা দানিয়েলরে কলঅ, “তুই নিত্য যিবেরে সেবা গরচ্ সেই গোজেনে যেন তরে রোক্ষ্যে গরে।”

প্রেরিত্‌ 26:21

ইয়েনত্তে যিহূদীগুনে মরে উবোসনা-ঘরত্ ধুরিনে মারে ফেলেবার্ চেষ্টা গোজ্জ্যন্।

রোমীয় 15:31

তুমি তবনা গরঅ, যিহূদীয়াত্ যিগুনে অমান্য গরন্ তারা আঢত্তুন্ মুই যেন রোক্ষ্যে পাং, আর যিরূশালেমর্ গোজেন মানুচ্চুনে যেন মর্ এ সাহায্যগান্ গুজি লন্।

২ করিন্হীয় 1:9

আমি মনে গোজ্জ্যেই, এবেরা আমি খামাক্কায় মুরি যেবং। মাত্তর্ এ অবস্থাগান আমার্ ইয়েনত্যে ওইয়্যে যেন আমি নিজো উগুরে নির্ভর ন-গুরিনে গোজেন, যিবে মরাগুনোরে জেদা গুরি তুলে, তা উগুরে নির্ভর গুরিই।

২ করিন্হীয় 6:9

মান্‌জ্যে আমারে চিনিবাত্যে ন-চান্, মাত্তর্ বেক্কুনে আমারে চিনোন্। আমি মরেদে ধোক্ক্যেন্ ওর্, তো বাঁজি আঘিই। আমারে মার্‌‌ধোর্ গরা অর্, তো মারে ফেলা ন-অর্।

১ তীমথিয় 4:10

ইয়েনত্যে আমি মনে পরাণে কাম্ গুরির্ আর আওজ্ গুরিনে কাম্ গুরির্, কিয়া জেদা গোজেন উগুরে আমি আজা রাগেয়্যেই। তেয়ই বেক্‌ মানুচ্চুনোর্ উদ্ধোর্ গুরিয়্যে, বিশেষ গুরিনে তারারে যিগুনে তারে বিশ্বেজ্ গরন্।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

১ শমূয়েল 17:37

দায়ূদে আরঅ কলঅ, “লগেপ্রভু, যিবে মরে সিংহ আর ভালুগো মুয়োত্তুন্‌ রোক্ষ্যে গোজ্যে, তেয়ই মরে সেই পলেষ্টীয়গুনোর আঢত্তুন্‌অ রোক্ষ্যে গুরিবো।” সেক্কে শৌল দায়ূদরে কলঅ, “সালে যাহ্, লগেপ্রভু তর্‌ লগে থোক্।”

১ শমূয়েল 7:12

শমূয়েলে সেক্কে এক্কো পাত্তর্‌ নেযেইনে মিস্পা আর শেন নাঙে এক্কান জাগার মধ্যে উজু গুরি রাগেল আর কলদে, “এচ্চ্যে সং লগেপ্রভু আমারে এজাল দিয়্যে।”ইয়েন কোইনে তে সিয়েনর নাঙ্‌ দিলো এবন্-এষর (যিয়েনর্ ভেদ্‌তান্ “এজালর পাত্তর্‌”)।