২ করিন্হীয় 1:1 - Chakma Bible

¹ মুই পৌল গোজেনর্ আওজে খ্রীষ্ট যীশুর এক্কো প্রচারক্ ওইয়োং। মুই আর আমা বিশ্বেজি ভেই তীমথিয় করিন্থ শঅরর্ গোজেন মন্ডলী আর আখায়া রেজ্যর্ গোজেনর্ বেক্‌ মানুচ্চুনো ইধু এ চিধিগান্ লেগঙর্।

২ করিন্হীয় 1:1 Iomraidhean Croise

প্রেরিত্‌ 16:1

পরেদি পৌল দর্বী আর লুস্ত্রা শঅরত্ গেলাক্। সিয়েনত্ তীমথিয় নাঙে এক্কো শিচ্চ্য থেদঅ। তার মাবো এলঅ খ্রীষ্ট উগুরে বিশ্বেজি এক্কো যিদূদী মিলে, মাত্তর্ তা বাবে জাদে গ্রীক এলঅ।

রোমীয় 15:26

কিয়া যিরূশালেমত্ গোজেন মানুচ্চুনো ইধু যিদুক্কুন্ নাঢা মানুচ্ আঘন্ তারাত্তে ম্যাসিডোনিয়া আর আখায়া মন্ডলীগুনোর মানুচ্চুনে কিজু টেঙা তুল্ল্যন্।

রোমীয় 16:21

মঅ সমারে যিবে কাম্ গরে সেই তীমথিয় তমারে ভালেদি জানার্; লুকিয়, যাসোন আর সোষিপাত্রয়ো তমারে ভালেদি জানার্। তারায়ো মঅ ধোক্ক্যেন্ যিহূদী জাদর্ মানুচ্।

রোমীয় 16:5

তারা ঘরত্ যিগুনে মন্ডলী ইজেবে এক সমারে এগত্তর্ অন্, তারারেয়ো ভালেদি জানেয়ো। এশিয়া রেজ্যত্ পত্তম্ যিবে খ্রীষ্টরে মানি লোইয়্যে মর্ সেই পরাণর্ দাংগু ইপেনিতরে ভালেদি জানেয়ো।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 16:10

তীমথিয় যুনি এজে সালে চেইয়ো যেন তে তমা ইধু গমেডালে থেই পারে, কিয়া মুই যেবাবোত্যে গুরি প্রভুর্ কাম গরঙর্ তেয়ো সেবাবোত্যে গুরি গরের্।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

১ করিন্হীয় 16:24

তমা বেক্কুনোত্যে মর্ খ্রীষ্টীয় কোচ্‌পানা রলঅ।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

২ করিন্হীয় 1:19

যিবের্ কধা সীলবান, তীমথিয় আর মুই তমা ইধু প্রচার গোজ্জ্যেই সেই যীশু খ্রীষ্ট, গোজেনর্ পুয়ো, একই সময়োত্ অয় আর নয়;

২ করিন্হীয় 1:23

মঅ জিংকানিগানর্ নাঙে শমক্ হেইনে মুই গোজেনরে সাক্ষী রাগেইনে কঙর্, সাজাত্তুন্ তমারে রেহাই দিবাত্যে মুই করিন্থ শঅরত্ ফিরি ন-যাং।

২ করিন্হীয় 11:10

মইধু খ্রীষ্টর্ যে সত্যগান্ আঘে সে ধগে মুই কংগে, আখায়া রেজ্যর্ কনঅ জাগাত মর্ এ দেমাগ্ গরানাগান্ কেঅ বন্ধ গুরি ন-পারিবাক্।

২ করিন্হীয় 9:2

কিয়া এ কামানত্ তমার আয়োজর্ কধা মত্তুন্ জানা আঘে। মুই তমারে নিইনে ম্যাসিডোনিয়া মানুচ্চুনো ইধু ইয়েন কোইনে দেমাগ্ গরংগে, গেলদে বঝরত্তুন্ ধুরি আখায়ার্ মানুচ্চুনে, অত্তাৎ তুমি এ দানুনোত্যে যুক্কোল্ ওই আঘ। তমার্ এ আওজ্‌চান তারার্ বেচ্‌ ভাগ্ মান্‌জ্যরে জাগেই তুল্ল্যে।

গালাতীয় 1:1

মুই পৌল খ্রীষ্টর্ এক্কো প্রচারক। এ প্রচারক-পদ্‌তান কনঅ মান্‌জ্যত্তুন্ বা কনঅ মান্‌জ্যর্ ভিদিরেত্তুন্ মুই ন-পাং, বরং যীশু খ্রীষ্ট আর বাবা গোজেন, যিবে খ্রীষ্টরে মরণত্তুন্ জেদা গুরিনে তুল্ল্যে, তারার্ মাধ্যমে মুই সিয়েন পেয়োং।

গালাতীয় 3:26

খ্রীষ্ট যীশু উগুরে বিশ্বেজর্ মাধ্যমে তুমি বেক্কুনে গোজেনর্ পুয়ো ওইয়ো;

ইফিষীয় 1:1

মুই পৌল গোজেনর্ আওজে খ্রীষ্ট যীশুর্ এক্কো দূত। ইফিষ শঅরত্ যিগুনে গোজেনর্ মানুচ্ আর খ্রীষ্ট যীশু উগুরে বিশ্বেজি তারা ইধু মুই এ চিধিয়ান লেগঙর্।

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

১ থিষলনীকীয় 1:1

বাবা গোজেন আর প্রভু যীশু খ্রীষ্ট লগে এগত্তর্ থিষলনীকীয় মন্ডলী ইধু সীল, তীমথিয় আর মুই পৌলে এ চিধিয়ান লিগির্। আমার বাবা গোজেন আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

২ থিষলনীকীয় 1:1

বাবা গোজেন আর প্রভু যীশু খ্রীষ্ট সমারে মিজেয়্যে থিষলনীকীয় মন্ডলী ইধু সীলবান, তীমথিয় আর মুই পৌলে এ চিধিয়ান লেখ্যেই।

১ তীমথিয় 1:1

আমার উদ্ধোর্ গুরিয়্যে গোজেন আর খ্রীষ্ট যীশুর উগুমে মুই পৌল যীশু খ্রীষ্টর এক্কো দূত ওইয়োং। খ্রীষ্ট যীশু উগুরে আমার বেক্‌ আজাগান।

২ তীমথিয় 1:1

খ্রীষ্ট যীশুর মাধ্যমে উমর্‌‌অ জিংকানির এগেম্ মজিম গোজেনর্ আয়োজে মুই পৌল খ্রীষ্ট যীশুর এক্কো প্রচারক ওইয়োং।

তীত 1:1

মুই পৌল গোজেনর্ চাগর আর যীশু খ্রীষ্টর্ এক্কো প্রচারক ওইয়োং, যেন মুই গোজেনর্ বেঈ লোইয়্যে মানুচ্চুনোরে বিশ্বেজর্ পধেদি আনি পারং, আর গোজেন-ভোক্তির্ সমারে যে সত্যগান আঘে সেই সত্যগানরে জানিবাত্যে তারারে সাহায্য গুরি পারং।

ফিলীমন 1:1

মুই পৌল খ্রীষ্ট যীশুর বন্দী ওইয়োং। মুই আর আমা বিশ্বেজি ভেই তীমথিয় আমার কোচ্‌‌পেইয়্যে সমাজ্জ্যে আর সমারে কাম গুরিয়্যে ফিলীমন ইধু,

ইব্রীয় 13:23

মুই তমারে জানেবাত্যে চাং, আমার্ ভেই তীমথিয় ছড়ান্ পেয়্যে। তে যুনি যাদিমাদি এজে সালে তারে সমারে লোইনে তমারে চেবাত্যে য়েম্।