১ তীমথিয় 6:21 - Chakma Bible

²¹ কনঅ কনঅ মানুচ্‌ এবাবোত্যে জ্ঞানর্ দাবি গুরিনে খ্রীষ্টীয় ধর্ম-বিশ্বেজত্তুন্ দূরোত্ সুরি যেইয়োন। গোজেনে তমারে দোয়্যে গোরোক্।

১ তীমথিয় 6:21 Iomraidhean Croise

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

রোমীয় 16:23

মুই যিবের্ ঘরত্ থাং আর মন্ডলী মানুচ্চুনে যিবে ঘরত্ এক সমারে এগত্তর্ অন্ সেই গাইয় তমারে ভালেদি জানার্। এ শঅরর্ টেঙা-পৌইজ্যের্ ইজেব্ রাগেবার ভারান্ যিবে উগুরে আঘে সেই ইরাস্ত আর আমা ভেই কার্ত তমারে ভালেদি জানাদন্।

কলসীয় 4:18

মুই পৌল নিজো আঢে এ পাত্তুরু তুরু জানানার্ কধাগান লেগঙর্। ইদোত্ রাগেয়ো, মুই বন্দী আঘং। গোজেনে তমারে দোয়্যে গোরোক্।

১ তীমথিয় 1:19

আর সে লগে বিশ্বেজ্ আর সাব্ বিবেক রোক্ষ্যে গর্। কুদুক্কুন মান্‌জ্যে বিবেগর্ কধানি ন-শুনিনে তারার্ বিশ্বেজত্ যাগুলুগ্ গুরি দুয়োন।

১ তীমথিয় 1:6

কিজু মান্‌জ্যে ইয়েনিত্তুন্ সুরি যেইনে বাজে কধাবাত্তা ইন্দি বেশ্ মনান্ দুয়োন।

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

২ তীমথিয় 2:18

ইগুনে গোজেনর্ সত্যত্তুন্ দূরোত্ সুরি যেইয়োন। ইগুনে কন্, বিশ্বেজিগুনোর্ মরণত্তুন্ জেদা ওই উদোনা আগে ওই যেইয়্যে। ইগুনে কারঅ কারঅ বিশ্বেজরে বর্‌বাত্ গুরি ফেলেয়োন।

২ তীমথিয় 4:22

প্রভু তঅ সমারে সমারে থোক্। গোজেনর্ দোয়্যেগান তমা রিবেঙত্ থোক্।

তীত 3:15

মঅ সমারে যিগুনে আঘন সিগুনে বেক্কুনে তরে ভালেদি জানাদন্। খ্রীষ্ট উগুরে বিশ্বেজত্যে যিগুনে আমারে কোচ্‌পান সিগুনোরে ভালেদি জানেচ্। তমা বেক্কুনো উগুরে গোজেনর্ দোয়্যে থোক্।

ইব্রীয় 13:25

তমা বেক্কুনো উগুরে গোজেনর্ দোয়্যেগান থোক্।