১ তীমথিয় 6:17 - Chakma Bible

¹⁷ যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

১ তীমথিয় 6:17 Iomraidhean Croise

পত্থম 13:2

অব্রামে জদবদে মাজন্‌ এলঅ। তার ভালোক্কুন য়েমান আর সনা রূবো এলঅ। পরেদি তে নেগেভত্তুন্‌ সুরি যাদে যাদে বৈথল সং গেলঅ। এধোক্ক্যেনগুরি তে বৈথেল আর অয়র সংমোধ্যে সে জাগানত্‌ যেইনে লুমিলো যিয়েনত্‌ তে আগেদি তাম্বুল তাঙেইয়্যে আর পত্তম ডালিপূজো বানেইয়্যে। সিয়েনত্‌ তে লগেপ্রভুরে তার যগাজ্যে সর্মান দিলো।

২ বংশধর 26:16

উষিয় বোলী ওই উদোনার্‌ পরেন্দি তা মনত্‌ বাড়্‌বোগান্ অলঅ আর সেক্কে তার্‌ অধপতন অলঅ। তে আগর্‌বাট্টি-পূজোত্‌ আগর্‌বাট্টি জ্বালেবাত্তে লগেপ্রভুর ঘরত্‌ সোমেইনে তার্‌ গোজেন প্রভুর বিরুদ্ধে পাপ গুরিলো।

গীতসংহিতা 104:28

তুই তারারে দিলে তারা তুলি নেযান্; তুই আঢ্‌তান খুলিলে তারা গম্ গম্ জিনিস্‌ছানি পেইনে হুজি অন্।

গীতসংহিতা 52:7

“উইয়োবো চাহ্, সেই মানুচ্চো গোজেনরে তার্ আশ্রয়-জাগা ন-গরে; তার বোউত্ ধন-সোম্বোত্তি উগুরে তে নির্ভর গোজ্যে আর ভান্ন্যেই কামনা-বাসনার বল্লোই নিজোরে বোলীবন্ধ গোজ্যে।”

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গম্ উপদেজ্ 11:28

যে তার ধন উগুরে বিশ্বেজ্ গরে তার পতন্ অবঅ, মাত্তর্ গোজেন ভক্ত মানুচ্চুনে য়েল্ গাজ পাদা ধোক্ক্যেন ফোত্‌ফোত্যে থেবাক্।

গম্ উপদেজ্ 23:5

ধন-সোম্বোত্তি ইন্দি একবার রিনি চেলে দেগিবে সিয়েনি আর্ নেই, কিয়া সিয়েনিত্ পুয়োর্ গেজেব আর ঈগল ধোক্ক্যেন আগাজত্ উড়ি যেবঅ।

গম্ উপদেজ্ 27:24

কিত্তে ধনান্ জিংকানিবর্ নয়, আর মুকুট্‌তো বংশর পর বংশ টিগি ন-থায়।

গম্ উপদেজ্ 30:9

সিয়েন ন-অলে অয়ত মর্ বেশ্ থেবঅ আর মুই তরে অস্বিগের্ গুরিনে কোম্, “লগেপ্রভু কন্না?” বা মুই নাঢা ওইনে চুর্ গুরিম আর মুই গোজেনর নাঙান্ অসর্মান গুরিম।

উপদেশক 2:24

সালে মান্‌জ্যর পক্ষে হানা-দানা গরানা আর নিজো কামত্ হুজি থানা বাদে গম্ আর কিচ্চু নেই। মুই দেগিলুং ইয়েনি বেক্কানি গোজেন আঢত্তুন্ এজে,

যিরমিয় 2:31

এ যুগোর্ মানুচ্চুন, তুমি মঅ কধানি শুনো। ইস্রায়েলর ইধু কি মুই ধূল্যেচর-চাগালা ধোক্ক্যেন ওইয়োং? মুই কি ঘুর্‌‌‌ঘুজ্যে আন্ধারর্ দেজ ওইয়োং? মঅ মানুচ্চুনে কিত্তে কন্, আমি খুলোমেলা গুরি ঘুরিনে বেড়েই পারিই; আমি তইধু আর ন-এবং?

যিরমিয় 49:4

কিত্তে তুই তর্ বোল্‌‌‌বোল্যে কলগ্‌‌‌কানিলোই বাড়্‌বো গরর্? ও অবিশ্বেজি মিলে, তঅ ধন-সম্পদ উগুরে নির্ভর গুরিনে তুই কত্তে, ‘কন্না মরে আক্রমণ গুরিবো?’

যিহিষ্কেল 16:56

তর্ অহংকারর্ দিনোত্ তুই তর্ বোন সদোমরে ঠাট্টা-মশকারী গুরিদে;

হোশেয় 13:6

মুই তঅ মানুচ্চুনোরে হাবানার্ পরেদি তারার্ ঈল্ অলঅ; ঈল্ ওইনে তারা বাড়্‌‌‌‌‌বো অলাক্, আর সে পরেদি তারা মরে ভুলি গেলাক্।

মথি লেখ্যে গম্ হবর্ 12:32

মান্‌জ্য পুয়োবোর্ বিরুদ্ধে কনজনে কনঅ কধা কলে তারে খেমা গরা অবঅ, মাত্তর্ পবিত্র আত্মার বিরুদ্ধে কধা কলে তারে খেমা গরা ন-অবঅ-এই যুগত্অ নয়, এযেত্তে যুগত্অ নয়।

মথি লেখ্যে গম্ হবর্ 19:23

সেক্কে যীশু তা শিচ্চ্যগুনোরে কলঅ, “মুই তমারে ঘেচ্চেকগুরি কঙর্, থাগোইয়্যে মান্‌জ্যর্ পক্ষে স্বর্গ-রেজ্যত্ সমানা আঘাত্যে অবঅ।

মথি লেখ্যে গম্ হবর্ 25:16

যে পাচ্ আজার্ দীনার্ পেলঅ তে সিগুন্দোই বেবসা গুরিনে আরঅ পাচ্ আজার্ দীনার্ লাভ্ গুরিলো।

মথি লেখ্যে গম্ হবর্ 27:57

সাজোন্যে অনার্ পরেদি অরিমাথিয়া আদামর্ যোষেফ নাঙে এক্কো থাগোয়্যে মানুচ্ সিধু এলঅ। ইবে যীশুর্ শিচ্চ্য ওইয়্যে।

মথি লেখ্যে গম্ হবর্ 6:32

সিয়েনি বাদেয়ো তমা স্বর্গর্ বাপ্পো দঅ হবর্ পায়, এই বেক্ জিনিস্‌চানি তমার্ দরকার আঘে।

মার্ক 10:24

শিচ্চ্যগুনে যীশুর কধা শুনিনে আমক্ অলাক্। মাত্তর্ যীশু আরঅ কলঅ, “পুয়োগুন্, গোজেন রেজ্যত্ সমানা কত্তমান্ আগাত্ত্যে।

লূকে লেখ্যে গম্ হবর্ 19:2

সিধু সক্কেয় নাঙে এক্কো মানুচ্‌ এলঅ। তে এলদে খাজানা-তুলিয়্যে সদ্দার্ আর এক্কো থাগোয়্যে মানুচ্।

লূকে লেখ্যে গম্ হবর্ 3:11

যোহনে তারারে কলঅ, “যুনি কারর্ দ্বিবে সিলুম্ থায় সালে যার্ সিলুম্ নেই তে তারে এক্কো দোক্। যার্ হানা আঘে তেয়ো সেবাবোত্যে গোরোক্।”

প্রেরিত্‌ 14:17

মাত্তর্ তো তে নিত্য নিজো পৌইদ্যেনে সাক্ষি দিয়্যে। তে আগাজত্তুন্ ঝড় দিইনে আর সময় মজিম ফসল দান গুরিনে তার্ দোয়্যে তমারে দেগেয়্যে। তে ভালোক্কানি হানা দান গুরিনে তমা মনানিরে হুজিয়্যে ভর্‌‌‌পুনোং গোজ্যে।”

প্রেরিত্‌ 14:27

আন্তিয়খিয়াত্ লুমিনে মন্ডলীর বেক্কুনোরে তারা এক জাগাত্ থুবেলাক্ আর গোজেনে তারা মাধ্যমে যিয়েনি গোজ্জ্যে সিয়েনি বেক্কানি কলাক্। গোজেনে কেধোক্ক্যেন্ গুরি অযিহূদীগুনোরে সুযোগ গুরি দিয়্যে যাতে তারা খ্রীষ্ট উগুরে বিশ্বেজ্ গুরি পারন্ সিয়েনিয়ো কলাক্।

প্রেরিত্‌ 17:25

তার কনঅ অভাব নেই, সেনত্তে মান্‌জ্য আঢত্তুন্ পূজো গুজি লবার্‌‌‌অ তার দরকার্ নেই, কিয়া তেয়ই বেক্‌ মানুচ্চুনোরে জিংকানি, পরাণান্ আর অন্য বেক্কানি দান গরে।

রোমীয় 11:20

ভারী গম্। মাত্তর্ তারারে ভাঙি ফেলা ওইয়্যে তারার্ অবিশ্বেজর্ কারনে আর তুই সিয়েনত্ উদ্ধোর্ ওই আঘচ্ তর্ বিশ্বেজত্তে। ইয়েনত্ বার্‌বো ন-গুরিচ্ বরং ভোক্তি গুরিনে দোরেচ্,

ইফিষীয় 5:5

তুমি খামাক্কায় কোই পারঅ, যিগুনে সিনেলী গরন্, যিগুনে অসিজি আর যিগুনে লুভী, অত্তাৎ যিগুনোরে এক বাবোত্যে মূত্তি পুজো গুরিয়্যে কুয়ো যায় খ্রীষ্টর আর গোজেন রেজ্যত্ তারার কনঅ অধিকার নেই।

দ্বি’লম্বর বিররণ 33:15

পুরোণা মুড়োবোর সম্পদ দিইনে, উমরর্ মুড়োবোর ধন দিইনে,

দ্বি’লম্বর বিররণ 8:17

তুমি অয়ত কনজনে মনে মনে কোই পার, মর্‌ নিজোর্‌ বল্লোই, নিজোর আত্তোই কাম্‌ গুরিনে মুই এ বেক্‌ ধন-সোম্বোত্তিগানি গোজ্যং।

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

১ থিষলনীকীয় 1:9

কিয়া তুমি কেধোক্ক্যেন গুরিনে আমারে মানি লোইয়ো মানুচ্চুনে সিয়েন আমারে জানাদন্। তারা আরঅ জানাদন্, তুমি কেধোক্ক্যেন গুরি দেবদেবীগুনোত্তুন্ ফিরিনে জেদা আর সত্য গোজেন ইধু এচ্চ্য যেন তার্ সেবা গুরি পারঅ,

১ তীমথিয় 1:3

মুই ম্যাসিডোনিয়াত্ যেবার সময়োত্ তরে যিয়েনি কোইয়োং ইক্কিনিয়ো সিয়েনি কঙর্-তুই ইফিষ শঅরত্ থাগ্, যেনে কয়েক্কো মান্‌জ্যরে নিদ্দেচ্‌ দি পারচ যেন তারা আর ভুল্ শিক্ষ্যে ন-দুয়োন।

১ তীমথিয় 4:10

ইয়েনত্যে আমি মনে পরাণে কাম্ গুরির্ আর আওজ্ গুরিনে কাম্ গুরির্, কিয়া জেদা গোজেন উগুরে আমি আজা রাগেয়্যেই। তেয়ই বেক্‌ মানুচ্চুনোর্ উদ্ধোর্ গুরিয়্যে, বিশেষ গুরিনে তারারে যিগুনে তারে বিশ্বেজ্ গরন্।

১ তীমথিয় 5:21

গোজেন আর খ্রীষ্ট যীশু আর বেঈ লোইয়্যে স্বর্গদূত্‌‍‍‍ত‌‍‍ুনো মুজুঙোত্ মুই তরে এ উগুমান দুয়োঙর্-কারঅ পক্ষ ন-লোইনে ইয়েনি বেক্কানি গুরিবে আর একচোক্ক্যে ওইনে কনঅ কাম ন-গুরিচ্।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

তীত 2:12

এই দোয়্যেগানে আমারে শিক্ষ্যে দেত্তে যেন আমি গোজেন উগুরে ভোক্তি-নেইয়্যে আর জগদর্ কামনা-বাসনারে এলাফেলা গুরিনে এ জগদত্ নিজোরে দোঙেই রাগেইনে গোজেন-ভোক্তি সমারে গম্ জিংকানি কাদেই,

তীত 3:6

আমা উদ্ধোর্ গুরিয়্যে যীশু খ্রীষ্টর্ মাধ্যমে তে খুলো আঢে পবিত্র আত্মাগানরে আমারে দিলো,

২ পিতর 1:11

ইয়েন্দোই আমা প্রভু আর উদ্দোর্ গুরিয়্যে যীশু খ্রীষ্টর্ উমরর্ রেজ্যগান আওজ্ গুরিনে মানি ল-পরিবো।