১ তীমথিয় 6:16 - Chakma Bible

¹⁶ বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

১ তীমথিয় 6:16 Iomraidhean Croise

ইয়োব 37:23

বেগত্তুন্ খেমতাবলা গোজেনে আমা নাগালর বারেদি আর খেমতান্দি বোউত্ দাঙর্; তার ন্যায়বিচের্ আর সততার কারনে তে অত্যেচার ন-গরে।

গীতসংহিতা 104:2

কাবড় ধোক্ক্যেন্ গুরি তুই নিজোরে পহর্ লোই ঢাক্যচ্; দেবাবোরে তুই ছাল ধোক্ক্যেন্ গুরি ছিদি দুয়োচ্।

গীতসংহিতা 90:2

যেক্কেনে মুড়ো-মুড়ির সিরিষ্টি ন-অয়, দুনিয়ে আর পিত্‌থিমীর সিরিষ্টি ন-অয়, সিয়েনির আগেত্তুন্ ধুরি উমর সং তুয়ই গোজেন।

যাত্রা 3:14

গোজেনে মোশিরে কলঅ, যিবে মুই আগং মুয়ই তে। তুই ইস্রায়েলীয়গুনোরে কবেদে, মুই আগং তমাইধু তারে পাদেইয়্যে।

যাত্রা 33:20

মাত্তর্‌ তুই মর্‌ মুয়োন্‌ ন-দেগিবে, কিত্তে মরে দেগানার্‌ পরেন্দি কনজনে বাঁজি থেই ন-পারন্‌।”

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

হবক্‌‌‌‌কূক 3:4

বেলান ধোক্ক্যেন্ তার জ্বোল্‌জোল্যেগান; তা আঢত্তুন্ পহ্‌রান ছিদি পড়ে, সিয়েনত্ তা খেমতাগান লুগেয়্যে আঘে।

যোহন 1:18

গোজেনরে কেঅ কনদিন্অ ন-দেগন্। তা লগে থেইয়্যে সেই বানা এক্কো গুরি পুয়ো, যিবে নিজেই গোজেন, তেয়ই তারে ফগদাং গোজ্যে।

যোহন 14:9

যীশু তারে কলঅ, ফিলিপ, এদক্ দিন মুই তমা সমারে সমারে আঘং, তো কি তুই মরে ন-চিনোচ্? যে মরে দেক্ক্যে তে বাবারেয়ো দেক্ক্যে। তুই কেধোক্ক্যেন্ গুরি কত্তে, বাবারে দেগা?

যোহন 6:46

বাবারে কনজনে ন-দেগন্, বানা যে গোজেনত্তুন্ এচ্চ্যে তেয়ই তারে দেক্ক্যে।

যোহন 8:58

যীশু তারারে কলঅ, “মুই তমারে ঘেচ্চ্যেক্‌গুরি কঙর্, অব্রাহামে জোর্মেবার্ আগেত্তুন্ ধুরি মুই আঘং।” এ কধাগান্ শুনিনে সেই নেতাগুনে যীশুরে মারিবাত্যে পাত্তর্ কুড়েলাক্। মাত্তর্ যীশু হবর্ ন-পেইয়্যে গুরি উবোসনা-ঘরত্তুন্ নিগিলি গেলঅ।

ইফিষীয় 3:21

খ্রীষ্ট যীশুর্ মাধ্যমে আর মন্ডলীর্ মাধ্যমে বংশর্ পর বংশ ধুরি উমরত্যে গোজেনর্ বাঈনী ওক্। আমেন।

দ্বি’লম্বর বিররণ 32:40

মুই আত্‌ তুলিনে শমক্‌ হেইনে কঙর্, মর্‌ জীংকানির্ এগেম,

ফিলিপীয় 4:20

যুগ যুগ ধুরিনে উমরত্যে আমা বাবা গোজেনর্ বাঈনী ওক্‌। আমেন।

কলসীয় 1:15

এ পুয়োবো অলদে দেগা ন-যেইয়্যে গোজেনর্ অদে অদে ফগদাং। বেক্‌ সৃট্টির আগেদি তেয়ই এলঅ আর বেক্‌ সৃট্টির উগুরে তেয়ই আজল্লো,

১ তীমথিয় 1:17

যিবে উমরর্ রাজা, যার কনঅ ক্ষয় নেই আর যিবেরে দেগা ন-যায়, উমরত্যে তেয়ই বানা গোজেনর্ সর্মান আর বাঈনী পোক্‌। আমেন।

ইব্রীয় 13:8

যীশু খ্রীষ্ট গেল্লে কেল্ল্যে যেধোক্ক্যেন এলঅ, এচ্চ্যেয়ো সেধোক্ক্যেন আঘে আর উমর্ সং সেধোক্ক্যেন থেবঅ।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

১ যোহন 1:5

আমি যে কধাগান যীশু খ্রীষ্টত্তুন্ শুনিনে তমারে জানের্ সিয়েন অলঅ গোজেন পহ্‌রান; সিয়েন ভিদিরে আন্ধার্ বিলিনে কিচ্চু নেই।

১ যোহন 1:7

মাত্তর্ গোজেনে যেধোক্ক্যেন পহ্‌রত আঘে আমিয়ো যুনি সেধোক্ক্যেন পহ্‌রত চলিই সালে আমা ভিদিরে উদোন্-বজন্ থায় আর তা পুয়োবো যীশুর লো-গান্দোই বেক্ পাপ্পানিত্তুন্ আমারে সিজি গরে।

১ যোহন 4:12

কেঅ কনদিন্অ গোজেনরে ন-দেগে। যুনি আমি একজন আরেকজনরে কোচ্‌পেই সালে বুঝো যেবঅ যে, গোজেনে আমা মনভিদিরে আঘে আর তা কোচ্‌পানাগান আমা মনভিদিরে পুরোপুরি গুরিনে কাম গরের্।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।

ফগদাং পেইয়্যে 1:8

প্রভু গোজেনে কত্তে, “মুয়ই সেই আল্‌ফা আর ওমিগা যিবে আঘে, যিবে এলঅ আর যিবে এজের্। মুয়ই বেগত্তুন্ খেমতাবলা।”

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”

ফগদাং পেইয়্যে 7:12

“আমেন। নাঙ্ গিনেনা, বাঈনী গরানা, জ্ঞান, ভালেদি জানানা, সর্মান, খেমতা আর বল্ উমরত্যে আমা গোজেনরই ওক্‌। আমেন।”