১ তীমথিয় 6:12 - Chakma Bible

¹² খ্রীষ্ট উগুরে বিশ্বেজত্যে তার্ পক্ষে মনে-পরাণে যুদ্ধো চালেই যাহ্। যে উমর্‌অ জিংকানিত্যে গোজেনে তরে ডাক্ক্যে সেই উমর্‌অ জিংকানিগান ধুরি রাগা। তুই বোউত্ মান্‌জ্য মুজুঙোত্ তর বিশ্বেজর্ সাক্ষ্য দুয়োচ্।

১ তীমথিয় 6:12 Iomraidhean Croise

গীতসংহিতা 63:8

মর্ পরাণানে তরে আজাবোদে ধোজ্যে; তর্ ডেন আঢ্‌তানে মরে ধুরি রাগেয়্যে।

গম্ উপদেজ্ 3:18

যিগুনে তারে ধরন তারা ইদু সিয়েন জিংকানি গাজ ধোক্ক্যেন্; যিগুনে তারে আক্‌সোনে ধুরি রাগান তারা বর্ পান।

পরমগীত 3:4

তারারে ফেলেইনে উজেই যাদে মুই মর্ পরাণর্ কোচ্‌পানাগানরে দেগিলুং। তারে ধুরিনে মর্ মাবো ঘরত্ ন-আনানা সং মুই তারে ন-ছাড়িলুং; যিবে মরে পেদত্ রাগেয়্যে মুই তা ঘরত্ তারে আনিলুং। ‌‌‌‌‌‌‌‌‌

যিশাইয় 44:5

একজনে কবঅ, তে লগেপ্রভুর্; আর একজনে যাকোব নাঙে নিজোর্ পরিচয়ান্ দিবো; অন্য আর একজনে নিজো আঢ উগুরে লিগিবো, তে লগেপ্রভুর্, আর তে ইস্রায়েল নাঙান্ মানি লবঅ।’ ”

সখরিয় 10:5

সেক্কে যিহূদার মানুচ্চুনে এমন বোলী মান্‌‌‌জ্য ধোক্ক্যেন অবাক্ যিগুনে যুদ্ধোত্ গাড়া-যেয়্যে পধত্ শত্রুগুনোরে টেঙোই মাড়ন। মুই তারা সমারে টেইম্ বিলিনে তারা যুদ্ধো গুরিনে ঘোড়া চালেয়্যেগুনোরে ওদেই দিবাক্।

২ করিন্হীয় 6:7

সত্যগান্ ফগদাঙত্যে আর গোজেনর্ খেমতালোই আমি প্রমাণ দিত্তে যে, আমি গোজেনর্ সেবাগুরিয়্যে। আরঅ দ্বি আঢে ন্যায়র্ অাত্যের্ তুলি লোইনে আমি প্রমাণ গুরিত্তে, আমি গোজেনর্ সেবাগুরিয়্যে।

২ করিন্হীয় 9:13

তুমি যে বিশ্বেজি, তমার্ এই দান্ গরানাগানে সিয়েন প্রমাণ গুরিবো, আর সিয়েন দেগিনে তারা গোজেনরে বাঈনী গুরিবাক্, কিয়া তুমি খ্রীষ্ট পৌইদ্যেনে গম্ হবরান্ বিশ্বেজ্ গুরিনে তার্ বাধ্য ওইয়ো আর তুমি খুলো আঢে তারারে আর অন্য বেক্কুনোরে দান গোজ্জ্য।

দ্বি’লম্বর বিররণ 26:3

সেক্কে যে ধর্মগুরুবো থেবঅ তুমি বেক্কুনে তারে কবাদে, তর্‌ গোজেন লগেপ্রভু ইদু এচ্চ্যে মুই স্বীগের গরঙর্‌, তে যে দেজ্‌ছান আমারে দিবো বিলিনে আমার পুরোণি মানুচ্চুনো ইদু শমত খেইয়্যে সেই দেজ্‌ছানত্‌ মুই এই যেইয়োং।

ফিলিপীয় 1:30

তুমি আঘে মরে যেবাবোত্যে গুরি দুঘ্ স্বীগের্ গত্তে দেক্ক্য আর ইক্কিনিয়ো সে পৌইদ্যেনে যিয়েনি শুনোর্, তুমিয়ো সেই সেবাবোত্যে দুঘোত্ ধরা পোজ্জ্য।

কলসীয় 3:15

খ্রীষ্ট যে সুগ্-শান্দি দে সেই সুগ্-শান্দিগান তমা রিবেঙত্ থেইনে তমারে পরিচালনা গোরোক্। সুগে-শান্দিয়্যে থেবাত্যে দঅ তমারে বেক্কুনোরে এক্কান কিয়্যে ইজেবে ডাগা ওইয়্যে। তুমি কৃতজ্ঞ থাগঅ।

২ থিষলনীকীয় 2:14

আমি যে গম্ হবরান্ ফগদাং গুরির্ সিয়েনর্ মাধ্যমে সেই উদ্ধোরান পেবাত্যে তে তমারে ডাক্ক্যে, যেনে তুমি আমা প্রভু যীশু খ্রীষ্টর্ মহিমার ভাগী অ।

১ তীমথিয় 1:18

কোচ্‌পেইয়্যে পুয়ো তীমথিয়, তঅ পৌইদ্যেনে অন্যগুনে ভাববাদী ইজেবে যে কধানি কোইয়োন সেই কধা মজিম মুই তরে এ উগুমান দুয়োঙর্। সেই কধানি ইদোত্ রাগেইনে তুই খ্রীষ্টর পক্ষে মনেপরাণে যুদ্ধো গুরি যাহ্,

১ তীমথিয় 1:19

আর সে লগে বিশ্বেজ্ আর সাব্ বিবেক রোক্ষ্যে গর্। কুদুক্কুন মান্‌জ্যে বিবেগর্ কধানি ন-শুনিনে তারার্ বিশ্বেজত্ যাগুলুগ্ গুরি দুয়োন।

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

১ তীমথিয় 6:13

গোজেন, যিবে বেক্কুনোরে জিংকানি দান গরে আর খ্রীষ্ট যীশু, যিবে পন্তীয় পীলাত মুজুঙোত্ সত্যর্ পৌইদ্যেনে সাক্ষ্য দিয়্যে, সেই গোজেন আর খ্রীষ্ট যীশুর্ মুজুঙোত্ মুই তরে এ উগুমান দুয়োঙর্-

১ তীমথিয় 6:19

ইয়েনিলোই তারা নিজোত্যে এমন্‌ ধন থুবেবাক্ যিয়েনি ভবিচ্চদে তারার পক্ষে এক্কান দরমর শিঙোর ধোক্ক্যেন অবঅ, যেন সত্যিকারর্ যে জিংকানি সিয়েন তারা দরমর গুরিনে ধুরি রাগেই পারন।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

২ তীমথিয় 2:2

ভালোক্কুন সাক্ষীর্ মুজুঙোত্ মঅ মুয়োত্তুন যেদক্কানি শিক্ষ্যের্ কধা তুই শুন্ন্যচ্ সেই শিক্ষ্যেনি ধুরি রাগেবাত্যে তুই সিয়েনি এন্‌ বিশ্বেজি মানুচ্চুনোরে দে যিগুনোর্ অন্যগুনোরে শিক্ষ্যে দিবার কাবিল আঘে।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

ইব্রীয় 13:23

মুই তমারে জানেবাত্যে চাং, আমার্ ভেই তীমথিয় ছড়ান্ পেয়্যে। তে যুনি যাদিমাদি এজে সালে তারে সমারে লোইনে তমারে চেবাত্যে য়েম্।

ইব্রীয় 3:14

কিয়া পত্তমে যে নিচ্চয়তাগান আমার এলঅ, যুনি আমি সিয়েনত থুম্ সং থির্ থেই সালে দেগা যেবঅ যে, আমি খ্রীষ্ট সমারে ভাগীদার্ ওইয়্যেই।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।

১ পিতর 5:10

যিবে বেক্কানিন্দি দোয়্যে গুরিবার গোজেন তে তার্ উমরর্ মহিমার ভাগী অবাত্যে তমারে ডাক্ক্যে, কিয়া খ্রীষ্ট সমারে তুমি এগত্তর্ ওইয়ো। তুমি কয়েকদিন দুঘ্ ভুগোনার্ পরেদি গোজেনে নিজেই তমারে খাটি গুরিবো আর থির্ রাগেব, খেমতা দিবো আর দরমর গড়াগান উগুরে তমারে থিয়্যেই রাগেব।

১ যোহন 2:25

ইয়েনই অলঅ উমর্‌‍অ জিংকানি, যিয়েন খ্রীষ্ট আমারে দিবার এগেম্ গোজ্জ্যে।

যিহূদা 1:3

কোচ্‌পেইয়্যে সমাজ্জ্যেগুন, পাপত্তুন্ যে উদ্ধোর্ আমি বেক্কুনে পেইয়্যেই সেই উদ্ধোর পৌইদ্যেনে মুই তমা ইধু লিগিবাত্যে ভারী আওজি এলুং। মাত্তর্ তো খ্রীষ্টীয় ধর্ম-বিশ্বেজ্, যিয়েন গোজেনে তা মানুচ্চুনোরে উমরত্যে দিয়্যে, তার পৌইদ্যেনে যেন তুমি মনে পরাণে যুদ্ধ গরঅ সে উচ্চোমিগান দিবাত্যে মুই তমা ইধু লেগানাগান দরকার মনে গুরিলুং।

ফগদাং পেইয়্যে 3:3

ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্‌ অক্‌তদ্ তইধু এইম্ সিয়েন তুই হবর্‌অ ন-পেবে।

বিচের গুরিয়্যেগুন 3:2

ইস্রায়েলীয়গুনোর গুট্টিগুনে যিগুনে আগেন্দি কনঅ‌ দিনঅ যুদ্ধো ন-গরন্‌ তারারে যুদ্ধোর্‌ পৌইদ্যেনে শিক্ষিত গুরি তুলিবাত্তে তে সেধোক্কেন্‌ গুরিলো।