১ তীমথিয় 6:11 - Chakma Bible

¹¹ মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

১ তীমথিয় 6:11 Iomraidhean Croise

১ রাজাবলী 13:1

এ্যমান্‌ উৎসর্বত্তে যারবিয়ামে যেক্কে ডালিপূজোবো ইদু থিয়্যেই এলঅ সেক্কে লগেপ্রভুর কধামজিম্‌ গোজেনর্‌ ইক্কো মানুচ্‌ যিহূদাত্তুন্‌ বৈথেলত্‌ লুমিলো।

১ রাজাবলী 13:26

সে কধাগান শুনিনে যে ভাববাদীবো তারে তার পথ্‌তানত্তুন্‌ ফিরেই আন্যে তে কলদে, “সিবে গোজেন সে মানুচ্চো যিবে লগেপ্রভুর উঘুম্‌ অমান্য গোজ্যে। লগেপ্রভু তারে যে কধাগান কোইয়্যে সেই মজিম্ তে তারে সিংহ আঢত্‌ তুলি দিয়্যে আর সিংহবো তারে কট্টা কট্টা গুরিনে মারে ফেলেয়্যে।”

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

১ রাজাবলী 17:24

সেক্কে সে মিলেবো এলিয়রে কলঅ, “মুই ইক্কিনে বুঝি পারিলুঙ্‌ তুই গোজেনর্‌ মানুচ্‌, আর লগেপ্রভু তঅ মাধ্যমে যিয়েনি কয় সিয়েনি সত্য।”

১ রাজাবলী 20:28

সেক্কে গোজেনর্ ইক্কো মানুচ্‌ এইনে ইস্রায়েলর রাজারে কলঅ, “লগেপ্রভু এ কধাগান কত্তে, ‘অরামীয়োগুনে মনে গোজ্যন্‌ লগেপ্রভু মুড়ো-মুড়ির্‌ গোজেন, কিজিঙোর্‌ গোজেন্‌ নয়; সেনত্তে মুই এ দাঙর্‌ সৈন্যদল্লোরে তঅ আঢত্‌ তুলি দিম্‌, আর সেক্কে তুমি জানি পারিবা, মুই লগেপ্রভু।’”

২ রাজাবলী 1:13

ইয়েন পরেন্দি রাজা আর ইক্কো সেনাপতি আর তার্‌ পঞ্চাশজন সৈন্যরে পাধেই দিলো। এ তিন লম্বর সেনাপতিবো উগুরে উদিনে এলিয়ো মুজুঙোত্‌ মাঢা নিগিরিনে কোজোলী গুরি কলঅ, “ও গোজেন মানুচ্‌, তুই দোয়্যে গুরি আমা পঞ্চাশজন চাগর পরাণানি রোক্ষ্যে গর্‌।

২ রাজাবলী 1:9

ইয়েন পরেন্দি রাজা ইক্কো সেনাপতি আর তার্‌ পঞ্চাশজন সৈন্যরে এলিয়ো ইদু পাধেই দিলো। এলিয় সেক্কে ইক্কো মুড়ো উগুরে বুয়োই এলঅ। সে সেনাপতিবো এলিয়ো ইদু উদিনে কলঅ, “ও গোজেন মানুচ্‌, রাজা তরে লামি এবাত্তে কোইয়্যে।”

২ রাজাবলী 23:17

রাজা কলঅ, “মুই যে খুদোবো দেগঙর্‌ সিবে কি?” শঅর মানুচ্চুনে কলাক্‌, “সিবে গোজেন মানুচ্চুনোর গোর চিহ্নো। তে যিহূদাত্তুন্‌ এইনে বৈথেলর ডালিপূজোবো বিরুদ্ধে যিয়েনি ফগদাঙ্‌ গোজ্যে তুই ঠিগ্‌ সিয়েনি গোজ্যস্‌।”

১ বংশধর 23:14

মাত্তর্‌ গোজেন মানুচ্‌ মোশির পুয়োগুনোরে বাদবাগি লেবীয়গুনো ভিদিরে ধরা অদঅ।

২ বংশধর 8:14

তা বাপ্পো দায়ূদোর উগুম্‌ মজিম তে ধর্মগুরুগুনোর কামানি গুরিবাত্তে তারারে নানান্‌ দলত্‌ ভাগ গুরিনে কামত্‌ নেযেল আর পত্তিদিনোর্‌ কাম্‌ মজিম নাঙ্ গিনেদে-গান গুরিবার আর ধর্মগুরুগুনোরে বল্‌ দিবাত্তে তে লেবীয়গুনোরে নেযেল। পত্তি গেদোট্টে তে রক্ষীগুনোর্‌ দল্‌ মজিম কামত্‌ লাগেল, কিত্যে এধোক্ক্যেন গুরিনে গোজেনর মানুচ্‌ দায়ূদে উগুম্‌ দি যেইয়্যে।

নহিমিয় 12:24

লেবীয়গুনোর নেতা হশবিয়, শেরেবিয়, কদ্‌মীয়েলর পূঅ যেশূয় আর তারার্‌ বংশর মানুচ্চুনে গোজেনর মানুচ্‌ দায়ূদোর কধামজিম্‌ অন্য দলর্‌ মুজুঙো-মুজুঙি থিয়্যেইনে দলকে দল্‌ গোজেনরে নাঙ্‌ গিনিদাক্‌ আর ভালেদি জানেদাক্‌।

গীতসংহিতা 34:14

ভান্ন্যেই কামত্তুন্ দূরোত্ থাগ, গম্ কাম গরঅ; শান্তিত্তে আওজি অ আর তার্ পিজেদিগান্ ন-ছাজ্য।

গীতসংহিতা 38:20

মুই তারারে যে মংগল গরং সিয়েনর বদলে তারা মরে অমংগল গরন্; মুই যেক্কেনে গমানরে তগাং সেক্কেনে তারা মঅ বিরুদ্ধে থিয়েন্।

গম্ উপদেজ্ 15:9

লগেপ্রভু পাজিগুনোর পথ্‌তানি ঘিনেই, মাত্তর্ যিগুনে গম্ কাম গুরিবাত্তে উজেই যান্ তারারে তে কোচ্‌পায়।

যিশাইয় 51:1

লগেপ্রভু কত্তে, তুমি যিগুনে গমেডালে চলিবাত্তে চঅ আর মঅ আওজ্‌মজিম চলিবার চেট্ট্যা গরর্, তুমি শুনো। যে পাত্তর্‌বোত্তুন্ তমারে কাবি নেযা ওইয়্যে আর যে গাদ্‌তোত্তুন্ তমারে খুড়িনে তুলো ওইয়্যে সিবে ইন্দি রিনি চঅ।‍‌‌‍‌‍‌‌‍‌‍‌

যিরমিয় 35:4

মুই তারার লগেপ্রভুর ঘরত্ গোজেনর মানুচ্ যিগ্‌দলিয়র পুয়ো হানন পুয়োগুনোর গুদিত্ নেযেলুং। সিবে অলদে শল্লুমর পুয়ো চুগিদার্ মাসেয়র গুদি উগুরে চাগরুনোর গুদিবো কায়-কুরে।

রোমীয় 14:19

ইয়েনত্যে যিয়েন গুরিলে শান্তি অয় আর যিয়েনর মাধ্যমে আমি একজন আরেকজনরে শিগেইনে তুলি পারিই, এজঅ, আমি সিয়েনর্ চেট্ট্যা গুরিই।

১ করিন্হীয় 10:14

ইয়েনত্যে মর্ কোচ্‌পেইয়্যে সমাজ্জ্যেগুন, তুমি মূত্তি পূজোত্তুন্ দূরোত্ যঅ।

১ করিন্হীয় 14:1

এ কোচ্‌পানাগানত্যে তুমি বিশেষ গুরিনে চেষ্টা গরঅ, আর পবিত্র আত্মার্ দিয়্যে দান, বিশেষ গুরিনে ভাববাদী ইজেবে কধা কবার্ খেমতা পেবাত্যে তমার্ আওজ্ থোক্।

১ করিন্হীয় 6:18

বেক্ বেভিচারানিত্তুন্ ধেই যঅ। মানুচ্‌ অন্য যেদক্কানি পাপ্ গরন্ সিয়েনি তার্ কিয়্যের্ বারেদি গরন্, মাত্তর্ যে বেভিচের্ গরে তে নিজোর্ কিয়্যের্ বিরুদ্ধে পাপ গরে।

দ্বি’লম্বর বিররণ 16:20

যে দেজ্‌ছান তমার গোজেন লগেপ্রভু তমারে দের্‌, তুমি যেনে বাঁজি থেইনে সিয়েন ভোগ-গজক্ গুরি পার সেনত্যে তুমি বানা ন্যায়ানরে মানি চলিবা।

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

১ তীমথিয় 1:14

আমা প্রভু মরে জদবদে দোয়্যে গোজ্জ্যে আর খ্রীষ্ট যীশু সমারে এগত্তর্ ওইনে যে বিশ্বেজ্ আর কোচ্‌পানাগান এজে সিয়েন দান গোজ্জ্যে।

১ তীমথিয় 4:12

তুই গাবুজ্যে বিলিনে কেঅ যেন তরে ঈচ্ ন-গরন্। কধালোই, চাল্‌চলনত্, কোচ্‌পানাত্, বিশ্বেজত্ আর পবিত্রতালোই তুই বিশ্বেজিগুনো ইধু আদর্শ অ।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

২ তীমথিয় 2:21

যিগুনে এবাবোত্যে নিচু কামর বাজোন ধোক্ক্যেন, তারাত্তুন্ সুরি এইনে যুনি কেঅ নিজোরে সিজি গরে সালে তে এমন্‌ বাজোন ধোক্ক্যেন অবঅ যিবেরে সর্মানর কামত্ বেবহার গরা অয়। পবিত্র উদ্দেচ্যে তারে যুদো গুরি থুয়ো অবঅ, তে প্রভুর কামত্ লাগিবো আর নানান্ বাবোত্যে গম কাম গুরিবাত্যে তে যুক্কোল্ থেবঅ।

২ তীমথিয় 2:22

গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।

২ তীমথিয় 3:10

তুই মর্ শিক্ষ্যে, চালচলন্, উদ্দেচ্চ্য, বিশ্বেজ্, সোজ্জ্যগুণ, কোচ্‌পানা আর ধৈজ্জ্য পৌইদ্যেনে গমেডালে খিয়েল্ গোজ্জ্যস্।

২ তীমথিয় 3:17

যেনে গোজেনর্ মানুচ্চুনে পুরোপুরি গুরিনে যগাজ্জ্যে ওইনে গম কাম গুরিবাত্যে যুক্কোল্ ওই পারন।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

১ পিতর 3:11

ভান্ন্যেই কামত্তুন্ তে দূরোত্ থোক্, আর গম কাম গোরোক্; সুগ-শান্দিত্যে আওজি ওইনে তে তার্ পিজেদিগান ন-ছাড়োক্।

১ শমূয়েল 2:27

একদিন্যে গোজেনর এক্কো মানুচ্ এলির ইদু এইনে কলঅ, লগেপ্রভু কত্তে, তর্‌ পুরোণি মানুচ্চুনে যেক্কে মিসরত্‌ ফরৌণর অধীনোত এলাক সেক্কে তারা ইদু কি মুই নিজোরে আভাংপাং গুরি ফগদাং ন-গরং?

১ শমূয়েল 9:6

মাত্তর্‌ সেই চাগরবো তারে কলঅ, “চাহ্, এই শঅরত্‌ গোজেনর এক্কো মানুচ্‌ থায়। তারে বেক্কুনে সর্মান গরন্‌ আর তে যিয়েনি কয় সিয়েনি হামাক্কায় ঘদে। আদিচ্‌, আমি ইক্কিনে সিদু যেই। তে অয়ত কোই দি পারিবো কন্‌ পদেন্দি আমাত্তুন্‌ যাহ্ পুরিবো।”