১ তীমথিয় 6:10 - Chakma Bible

¹⁰ নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

১ তীমথিয় 6:10 Iomraidhean Croise

পত্থম 29:14

লাবনে তারে কলঅ, “ঘেচ্চেকগুরি আমা কিয়্যেনিত্‌ একই লো আঘে।” ইয়েন পরেদি যাকোবে লাবন ঘরত্‌ এক মাস্‌ কাদেল।

পত্থম 29:26

লাবনে কলঅ, “দাঙর্‌ ঝিবো আগেদি চিগোন্‌ ঝিবোরে বৌ দেনা আমা দেজছানর সুদোম্‌ নেই।

পত্থম 34:27

যে শঅরত্‌ তারা বোন্নোর্‌ ইজ্জোত্‌তান বর্‌বাত্ গুরি দিয়্যে ওইয়্যে যাকোবর্ অন্য পুয়োগুনে সিদু সোমেইনে মরাগুন দেগিলাক্‌ আর শঅরান্‌ লুদেলাক্‌।

পত্থম 38:16

সেনত্তে তে পদ কুরে তামর মুজুঙোত্ যেইনে কলঅ, “আয়, তঅ লগে মরে ঘুম্‌ যেবাত্তে দে।” নিজো পূদবোবোরে তে চিনি ন-পারিলো। তামরে কলঅ, “ইয়েনত্তে তুই মরে কি দিবে?”

১ রাজাবলী 2:40

সেক্কে শিমিয়ি তা গাধাবো উগুরে উদিনে তার্‌ চাগরুনোরে তোগেবাত্তে গাতত্‌ আখীশোর ইদু গেলঅ আর সিয়োত্তুন্‌ তারারে ফিরেই আনিলো।

২ রাজাবলী 5:27

সেনত্তে নামানর্‌ ফারাঙিগান্‌ তর্‌ আর তর্‌ বংশধরুনোর্‌ ভিদিরে জিংকানিবর্‌ লাগি থেবঅ।” সেক্কে গেহসি ইলীশায়র মুজুঙেত্তুন্‌ আদি গেলঅ আর তা কিয়্যেগান্‌ ফারাঙিয়্যে দুব্‌ ওই গেলঅ।

গীতসংহিতা 32:10

পাজি মানুচ্চোর বোউত্ দুখ্‌পা পড়ে, মাত্তর্ যে লগেপ্রভু উগুরে বিশ্বেজ্ গরে লগেপ্রভুর গভীন্ কোচ্‌পানায় তারে ঘিরি রাগায়।

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গম্ উপদেজ্ 1:19

ভান্ন্যেই পধেদি কনঅ কিজু পেবাত্তে যিগুনে যান তারার বেক্কুনোর দজা এবাবোত্যে অয়; তারা যিয়েনি পান সিয়েনিলোই তারা জিংকানিগানি শেজ্ গুরি দুয়োন।

গম্ উপদেজ্ 1:31

সেনত্তে তারার নিজোর কামর ফল পেবাক্, নিজো সল্লা গোজ্যে ফল্লোই পেট ভরা পুরিবো।

গম্ উপদেজ্ 15:27

লুভি মান্‌জ্যে তা পরিবারত্ দুঘ্ তাঙায়, মাত্তর্ যে মান্‌জ্যে ঘুষ্ ঘিনায় তে দোল্ জিংকানি পেবঅ।

উপদেশক 2:19

সে মানুচ্চো জ্ঞানী না বুদ্ধিবলা অবঅ সিয়েন্ কন্না হবর্ পায়? তো তে মর্ বেক্ কামর্ ফলুন্ ভোগ্ গুরিবো, যিয়েনত্তে মুই বেলান তলেদি কাম্ গোজ্যং আর কাবিদ্যেংগিরি দেগেয়োং। ইয়েন্‌অ বাহ্‌জে।

যিশাইয় 1:23

তর্ শাজন্‌গুরিয়্যেগুন্ উল্লোমী আর চুরুনোর্ সমাজ্যে; তারা বেক্কুনে ঘুষ্ আর বক্‌শিজ্ পেবাত্তে চান্। তারা মা-বাপ নেইয়্যেগুনোর্ তপ্পে ন-থান্ আর রানিমিলেগুনোর্ মগদ্দমাগানি তারা ইদু জাগা ন-পায়।

যিশাইয় 56:11

তারা এমন কুগুরো ধোক্ক্যেন যিগুনোর পেট্ পরা বেশ্; তারার কনদিন্অ ঈল্ ন-অয়। তারা বুদ্ধি নেইয়্যে গরক্; তারা বেক্কুনে যার্ যার্ পধেদি ফিজ্যন্ আর নিজোর লাভর্ চেট্ট্যা গত্তন্। ‌

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

যিহিষ্কেল 16:33

বেক্ বেশ্যেগুনে বক্‌শিজ্ পান, মাত্তর্ তুই তর্ বেক লাঙেগুনোরে বক্‌‌শিজ্ দি থাচ্। তঅ লগে সিনেলী গুরিবাত্তে যেনে তারা বেক্ জাগানিত্তুন্ তইধু এজন্ সেনত্তে তুই তারারে ঘুষ্ দি থাচ্।

যিহিষ্কেল 22:12

তঅ ভিদিরে লো ঝোরেবাত্তে মান্‌জ্যে ঘুষ হান্; ইয়েন বাদেয়ো তারা বেশ্ লন্ আর জুলুম গুরিনে পাড়াল্যেগুনোত্তুন্ ভাড়েই হান্। তুই মরে ভুলি যেইয়োচ্। মুই প্রভু লগেপ্রভু এ কধাগান কঙর্।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

মথি লেখ্যে গম্ হবর্ 13:22

কাদা ঝুবো ভিদিরে পোজ্যে বীজিগুনো মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনোন্, মাত্তর্ সংসারর্ চিন্তে-ভাবনা আর ধন-সোম্বোত্তির্ মেয়্যেলোই সেই কধাগানরে চাপি রাগায়। সেনত্তে সেক্কে কনঅ ফল ন-অয়।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 6:19

এ পিত্‌থিমীত্ তুমি নিজোত্তে ধন-সম্পদ ন-থুবেয়ো। ইধু জাঙারে ধরে আর পুগে বর্‍বাত্ লাগান আর চুরে বেড়্ কাবিনে চুর্ গরন।‍ ‍

মার্ক 4:19

মাত্তর্ সংসারর্ চিন্তে-ভাবনা, ধন-সোম্বোত্তির্ মেয়্যে আর অন্য জিনিজোর্ লুভ্ এইনে সেই কধানিরে চাপি রাগায়;

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

দ্বি’লম্বর বিররণ 23:18

মরদ্‌ ওক্‌ বা মিলে ওক্‌ যে বেশ্যের জীংকানি কাদায় তার্‌ আয়র্‌ টেঙাগুন্‌ মান্যা চিড়েবাত্তে তমার গোজেন লগেপ্রভুর ঘরত্‌ আনানা ন-চলিবো, কিত্যে এবাবোত্যে মরদ্‌ আর মিলেরে লগেপ্রভু ঘিনাই।

কলসীয় 3:5

সেনত্যে তমা পাপ-খাচ্চ্যদ ভিদিরে যিয়েনি আঘে সিয়েনি ভস্ত গুরি ফেলঅ। সিয়েনত্ আঘেদে নানান্ বাবোত্যে সিনেলী, অসিজি, কুবাসনা, ভান্ন্যেই আওজ্ আর লুভ্ যিয়েনরে এক বাবোত্যে মূত্তি পূজোয়ো কুয়ো অয়।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 6:21

কনঅ কনঅ মানুচ্‌ এবাবোত্যে জ্ঞানর্ দাবি গুরিনে খ্রীষ্টীয় ধর্ম-বিশ্বেজত্তুন্ দূরোত্ সুরি যেইয়োন। গোজেনে তমারে দোয়্যে গোরোক্।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

২ তীমথিয় 3:2

মান্‌জ্যে বানা নিজোরে কোচ্‌পেবাক্, টেঙার্ লুভি অবাক্, বাড়্ গুরিবাক্, বেক্কুনোরে থেঝেরা মারিবাক্, বেক্কুনোরে বদ্‌নাঙ্ গুরিবাক্, আর মা-বাবর্ অবাধ্য অবাক্। তারা অকৃতজ্ঞ আর ভোক্তি নেইয়্যে অবাক্,

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

যাকোব 5:19

মর্ ভেইয়ুন্, তমা ভিদিরে যুনি কেঅ সত্যত্তুন্ দূরোত্ সুরি যায় আর তমাত্তুন্ কেঅ তারে ফিরেই আনঅ,

যিহোশূয় 7:21

মুই লুদেয়্যে মাল ভিদিরে শিনিয়র দেজর দোল্‌ এক্কান কাবড়্‌, প্রায় আড়ি কেজি রূবো আর ছয়শ গ্রাম ওজনর্ এক্কান সনার কট্টা দেগিনে লুভ্‌ সামেলেই ন-পারিনে সিয়েন নেযেয়োং। সিয়েনি মঅ‌ তাম্বুলান ভিদিরে মাদিত্‌ তলে লুগেয়্যে আঘে আর বেক্কানির তলেদি আগেদে রূবোনি।”

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।

ফগদাং পেইয়্যে 18:13

দারচিনি, এলাচ, আগর্‌বাট্টি, আতর আর তুম্বাজ্ রস; আংগুর-রস, জলপাইয়র্ তেল, মোয়দ্যে আর গম; গরু আর ভেড়া, ঘোড়া আর গাড়ী আর কিন্যে চাগর্।