১ তীমথিয় 5:5 - Chakma Bible

⁵ যে রাণী মিলেবোর্ কেঅ নেই তে গোজেন উগুরে আজা রাগেইনে দিন-রেত্ গোজেন ইধু তবনা আর কোজোলি গরানাত্ থায়।

১ তীমথিয় 5:5 Iomraidhean Croise

গীতসংহিতা 91:4

তার ডুয়োনিলোই তে তরে ঢাগি রাগেব, তার ডুয়োগানির তলে তুই আশ্রয় পেবে; তার বিশ্বেজ্‌ছান তর্ ঢাল আর কিয়্যে রোক্ষ্যেগুরিয়্যে ঢাল অবঅ।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 3:26

সিয়োনর গেট্‌টুন্ বিলেপ আর আবিলেচ্ গুরিবাক্; সিয়োনানে বেক্কানি আড়েইনে মাদিত্ বজিবো।

যিশাইয় 49:21

সেক্কে তুই মনে মনে কবে, ‘ইগুনোরে কন্না মত্তে জর্ম দিয়্যে? মুই পুয়ো-ছাগুনোরে আরেইনে ভাজ ধোক্ক্যেন ওইয়োং; মরে যেন দূর গুরি দিয়্যে ওইয়্যে, মুই যেন ধেই ধেই বেড়াঙর্। সালে কন্না ইগুনোরে পালেয়্যে? মাত্তর্ ইগুনে? ইগুনে কুত্তুন এচ্চোন্?’ ”

যিশাইয় 50:10

তমা ভিদিরে যে লগেপ্রভুরে ভোক্তি গুরিনে দরায়, যে তার চাগর কধালোই বাধ্য অয়, কনঅ পহর্ নেই বিলিনে যে আন্ধারত্ যায়, তে লগেপ্রভু উগুরে বিশ্বেজ্ গোরোক্ আর তা গোজেন উগুরে নির্ভর গোরোক্।

যিশাইয় 54:1

লগেপ্রভু কোইয়্যেদে, ও ভায্ মিলেবো, যিবের কনদিন্অ পুয়ো ন-অয়, তুই হুজিয়ে গান গাহ্; তুই, যিবের্ কনদিন্অ পুয়ো ফুদেবার পেটপিড়ে ন-অয়, তুই জদবদে গান গাহ্, হুজিয়ে রঅ ছাড়্; কিত্তে যিবের্ নেগ্ আঘে তাত্তুন্ যিবের কনজন নেই তার পুয়ো-ছা বোউত্ অবাক্।

আবিলেচ্ 1:13

তে উগুরেত্তুন্ মঅ আড়্‌গড়াগুনো ভিদিরে আগুন পাদেয়্যে। মঅ টেঙানিত্তে তে জাল বিজেয়্যে আর মরে পিজেদি ফিরদে বাধ্য গোজ্যে। তে মরে মানুচ্ নেইয়্যে গোজ্যে, গদাদিন্নো বল্‌‌‌পোজ্যে গুরি রাগেয়্যে।

লূকে লেখ্যে গম্ হবর্ 18:1

শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?

প্রেরিত্‌ 26:7

আমা বারবো গুট্টির্ মানুচ্চুনে দিনে-রেদে মন্-পরাণ্ দিইনে গোজেনর্ সেবা গুরিনে সেই এগেমান্ দেগিবার্ আজায় আঘন্।

প্রেরিত্‌ 6:1

সে অক্তত্ শিচ্চ্যগুন বাড়দন্। সেক্কে শিচ্চ্যগুনো ভিদিরে যে যিহূদীগুনে গ্রীক ভাষায় কধা কদাক্ তারা ইব্রীয় ভাষায় কধা কোইয়্যে যিহূদীগুনোরে ইয়েন কোইনে দুচ্‌ দিয়্যে ধুরিলাক্, পত্তিদিন হানা দিবার সময়োত্ তারার্ রানী মিলেগুনে কিচ্চু ন-পান্।

প্রেরিত্‌ 9:39

সেক্কে পিতরে তারা সমারে গেলঅ। তে সিধু লুমোনার্ পরেদি সে উগুরে গুদিবোত্ তারে নেযা অলঅ। বেক্‌ রানি মিলেগুনে সেক্কে পিতর চেরোকিত্ত্যেদি থিয়্যেইনে কানা ধুরিলাক্ আর দর্কা বাঁজি থাগদে যে সিলুমুন আর অন্য কাবর্-চুগোড়ানি বানেয়্যে সিয়েনি পিতররে দেগেলাক্।

প্রেরিত্‌ 9:41

সেক্কে পিতরে তা আঢ্‌তানি ধুরিনে তারে উদিনে থিয়্যেবাত্তে বল্ দিলো। যেরেদি তে গোজেন মানুচ্চুনোরে আর রানি মিলেগুনোরে ডাগিনে তারারে দেগেল যে, দর্কা বাঁজি উঠ্যে।

রোমীয় 1:12

সিয়েনর্ ভেদ্‌তান্, আমি বেক্কুনে যেন একজন আরেক্ জনর্ বিশ্বেজত্তুন্ উচ্চোমি পেই।

রোমীয় 1:5

তার্ মাধ্যমে তা নাঙানত্তে আমি দোয়্যে আর প্রচারক-পদ পেইয়্যেই, যেন বেক্‌ জাদঅ ভিদিরেত্তুন্ মান্‌জ্যে বিশ্বেজ্ গুরিনে গোজেনর্ বাধ্য ওই পারন্।

১ করিন্হীয় 7:32

মুই চাং যেন তুমি চিন্তে ভাবনাত্তুন্ মুক্ত থেই পারঅ। গাবুজ্যে মানুচ্‌ প্রভুর্ পৌইদ্যেনে চিন্তে গরে; তে চিন্তে গরে কেধোক্ক্যেন গুরিনে তে প্রভুরে হুজী গুরিবো।

১ করিন্হীয় 7:34

এধোক্ক্যেন গুরিনে দ্বি কিত্তেদি তারে টানে। যে মিলেবোর্ নেগ্ নেই তে আর গাবুজ্যে মিলেবো প্রভুর্ পৌইদ্যেনে চিন্তে গরে যাতে তে কিয়্যেদি আর মনেদি প্রভুর্ ওই পারে। মাত্তর্ বৌ যেইয়্যে মিলেবো সংসার পৌইদ্যেনে ভাবে; তে চিন্তে গরে কেধোক্ক্যেন গুরিনে তে নেক্কোরে হুজি গুরিবো।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

১ তীমথিয় 2:1

পত্তমে মুই কঙর্, বেক্কুনোত্যে গোজেন ইধু যেন মিনতি, তবনা, কোজোলী আর ভালেদি জানা অয়।

১ তীমথিয় 5:16

খ্রীষ্ট বিশ্বেজি কনঅ মিলের্ ঘরত কয়েক্কো রানি মিলে থেলে সেই মিলেবো তারারে দেগাশুনো গোরোক্। এ রানি মিলেবোর্ ভারান্ মন্ডলী উগুরে চাপি দেনা উচিত নয়, যেনে যে রানিমিলেগুনোর কেঅ নেই মন্ডলী তারারে দেগাশুনো গুরি পারে।

১ তীমথিয় 5:3

যে রানী মিলেগুনোর্ কেঅ নেই তারারে যত্তন্ গুরিনে দেগাশুনো গরঅ।

২ তীমথিয় 1:3

মর্ পূরোণি মানুচ্চুনে যেবাবোত্যে গুরি গোজেনর্ সেবা গুরিদাক্ সেবাবোত্যে গুরি মুইয়ো গমেডালে গোজেনরে সেবা গুরি থাং; আর তত্যে দিনরেত্ আমিঝে তবনা গুরিবার্ অক্তত্ মুই তারে ভালেদি জানেই থাং।

১ পিতর 3:5

পুরোণি কালর্ যে গোজেন-ভক্ত মিলেগুনে গোজেন উগুরে আজা রাগেদাক্ তারা নিজোর্ নিজোর্ নেগ অধীনোত্ থেইনে এবাবোত্যে গুরি নিজোরে সাজেদাক্;

রূত 2:12

ইয়েনত্যেই লগেপ্রভু যেনে তরে বর্‌ দে। ইস্রায়েলীয়গুনোর গোজেন্‌ লগেপ্রভু, যিবের্‌ ছাবাত্‌ তলে তুই ঝিরেবাত্তে এচ্ছোস্‌, তে যেনে তরে তর্‌ পাওনাগান পুরোপুরিই দে।”