১ তীমথিয় 5:23 - Chakma Bible

²³ তর্ প্রায় অসুগ্ অয় বিলিনে অজম্ অবাত্যে এক্কেনা এক্কেনা গুরি আংগুর-রচ খেচ্; বানা পানি ন-খেচ্।

১ তীমথিয় 5:23 Iomraidhean Croise

গীতসংহিতা 104:15

আংগুর-রস যিয়েনে মান্‌জ্যর মনানিরে হুজি গরে, তেল যিয়েন তার মুয়োনরে জোল্‌জোল্যে গরে, আর রুটি যিয়েনে তা মনানত্ বল্ আনে।

যিহিষ্কেল 44:21

কনঅ ধর্মগুরু আংগুর-রস হেইনে ভিদিরে উদোনত্ ন-সোমেবাক্।

প্রেরিত্‌ 18:5

সীল আর তীমথিয় ম্যাসিডোনিয়াত্তুন্ এলে পরেদি পৌলে বানা গোজেনর্ কধা ফগদাং গুরিনে তার বেক্‌ সময়ান্ কাদা ধল্ল। তে যিহূদীগুনো ইধু সাক্ষ্য দিদো, যীশুই মশীহ।

ইফিষীয় 5:18

মাত্তল্ ন-ওইয়ো, সিয়েনে খাচ্চ্যত্ বর্‌‌‍বাদ অয়। তাত্তুন্ বরং পবিত্র আত্মার্ অধীনোত্ থাগঅ,

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 3:8

সেধোক্ক্যেন গুরি পরিচালক্‌কুনেয়ো যেন সর্মান পেবার্ যগাজ্জ্যে আর এক কধার্ মানুচ্‌ অন্। তারা যেন মাত্তল্ ন-অন্, আর অন্যায় লাভ ইন্দি যেন তারার্ মনান্ ন-থায়।

১ তীমথিয় 4:4

গোজেনর্ বানেয়্যে পত্তি জিনিচ্‌ গম, সেনত্যে কনঅ জিনিচ্ ভান্ন্যেই মনে গুরিনে বাদ দেনা উচিত নয়; মাত্তর্ সিয়েন যেন ভালেদি জানেইনে মানি লুয়ো অয়,

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

তীত 2:3

সেবাবোত্যেগুরি বুড়ো মিলেগুনোরে কবে, তারার্ চাল্‌চলনত যেন গোজেন উগুরে ভোক্তি থায় আর তারা যেন গম শিক্ষ্যে দুয়োন। পররে নিন্দে গরানা বা মাত্তল্ অনা তারার্ উচিত নয়।