১ তীমথিয় 5:18 - Chakma Bible

¹⁸ পবিত্র বোইবোত্ আঘে, “শোজ্জ্য মাড়িবার সময়োত্ বলদ মুয়োত্ মোগোনি খাজা ন-বান্ন্য।” আরঅ লেগা আঘে, “যে কাম্ গরে তে বেতন পেবার্ যোগ্য।”

১ তীমথিয় 5:18 Iomraidhean Croise

লেবীয় 19:13

কনঅ মান্‌জ্য উগুরে অন্যেয় গুরি সুবিধা আদায়্‌ গরানা বা জোর্‌ গুরি তার জিনিস্‌চান্‌ নেযানা ন-চলিবো। কামগুরিয়েগুনোর দিনোর্‌ পাওনা দিনেই দিয়া পুরিবো; সিগুন্‌ বেন্যেমাদান্ সং আক্‌সো রাগানা ন-চলিবো।

মথি লেখ্যে গম্ হবর্ 10:10

পদত্তে কনঅ বাবোত্যে থৈল্যে, দ্বিবে সিলুম, জদা বা লুদিক্অ ন-নেযেয়ো, কিয়া যে কাম্ গরে তে হানা-উরোনা পেবার্ যোগ্য।

লূকে লেখ্যে গম্ হবর্ 10:7

সেই ঘরানত্ থেয়ো আর তারা যিয়েন্ দুয়োন্ সিয়েনই হেয়ো, কিয়া যে কাম্ গরে তে বেতন্ পেবার্ যগাজ্যে। এক্কান্ ঘর্ ফেলেইনে অন্য ঘরত্ ন-যেয়ো।

রোমীয় 10:11

পবিত্র বোইবো কয়, “যে কেঅ তা উগুরে বিশ্বেজ্ গরে তে আজা-নেইয়্যে ন-অবঅ।”

রোমীয় 11:2

গোজেনে তার্ যে মানুচ্চুনোরে আগেত্তুন্ ধুরি বেঈ লোইয়্যে তারারে এলাফেলা ন-গরে। ভাববাদী এলিয় পৌইদ্যেনে পবিত্র বোইবো কি কয় সিয়েন্ কি তুমি কোই ন-পারঅ? তে ইস্রায়েলীয়গুনো বিরুদ্ধে গোজেন ইধু কোইয়্যেদে,

রোমীয় 4:3

পবিত্র বোইবোত্ লেগা আঘে, “অব্রাহামে গোজেনর্ কধা বিশ্বেজ্ গুরিলো আর সেনত্তে গোজেনে তারে নিদ্দুজি বিলি মানি ললঅ।”

রোমীয় 9:17

পবিত্র বোইবোত্ গোজেনে ফরৌণরে এ কধাগান্ কোইয়্যে, “মুই তরে রাজা বানেয়োং যেন তঅ উগুরে মর্ বেবহারর্ মাধ্যমে মঅ খেমতাগান্ দেগেই পারং আর গোদা পিত্‌থিমীয়ানত্ মঅ নাঙান্ ফগদাং অয়।”

১ করিন্হীয় 9:14

ঠিগ্ সেবাবোত্যেগুরি প্রভু উগুম্ দিয়্যে, যিগুনে গম্ হবর্ প্রচার্ গরন তারা যেন সিয়েনত্তুন্ হানা-উরোনা পান্।

গালাতীয় 3:8

পবিত্র বোইবোত্ আগে লেগা ওইয়্যেদে, বিশ্বেজত্যে গোজেনে অযিহূদীগুনোরে নিদ্দুজি বিলিনে মানি লবঅ। অব্রাহাম ইধু এ কধাগান কোইনে আগেদি গম্ হবরান জানা ওইয়্যে, “তর্ মাধ্যমে বেক্‌ জাদ্‌তুনে বর্ পেবাক্।”

দ্বি’লম্বর বিররণ 25:4

শোজ্য মাড়িবার সলাবোত্‌ বলদর মুয়োনত্‌ মোগোনী খাজা ন-বান্য।

যাকোব 4:5

তুমি কি মনে গরঅ যে, পবিত্র বোইবো মিজে মিজে এ কধাগান কয় যে, পবিত্র আত্মা, যিয়েনরে গোজেনে আমা মন ভিদিরে দিয়্যে, তে আমাত্তুন্ ভোক্তি পেবাত্যে আওজ্ গুরিনে বাজ্জেই আঘে?