১ তীমথিয় 5:17 - Chakma Bible

¹⁷ মন্ডলীর যে আজল্ নেতাগুনে গমেডালে মন্ডলীর পরিচালনা গরন্, বিশেষ গুরি যিগুনে গোজেনর্ কধা প্রচার আর শিক্ষ্যে দান গুরিবাত্যে কাম গরন্, তারার্ পাওনা দ্বিগুন অনা উচিত।

১ তীমথিয় 5:17 Iomraidhean Croise

২ রাজাবলী 2:9

পার্ ওই এইনে এলিয় ইলীশায়রে কলঅ, “মরে কঅ, তঅ কায়-কুরেত্তুন মরে তুলি নেযেবার্‌ আগেন্দি মুই তত্তে কি গুরিম?” জোবত্‌ ইলীশায় কলঅ, “তঅ আত্মাগানর দ্বিগুন আত্মা যেনে মুই পাং।”

যিশাইয় 40:2

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 17:18

মর্ অত্যেচারিগুনোরে লাজত্ ফেলা ওক্, মাত্তর্ তুই মরে লাজত্তুন্ রোক্ষ্যে গর্। তারা ভাঙি পোড়োক, মাত্তর্ তুই মরে ভাঙি পড়ানাত্তুন্ রোক্ষ্যে গর্। তুই তারা উগুরে দজার্ দিন আনি দে; দ্বিগুন ভস্ত দিইনে তারারে ভস্ত গর্।

সখরিয় 9:12

ও আজাগুরি থেইয়্যে বন্দীগুন, তুমি তমা ঘরত্ ফিরি যঅ; এইচ্চ্যে মুই এগেম্ গরঙর্, মুই তমারে দ্বিগুণ আশিদ্‌বাদ গুরিম।

গণাণা 18:31

তুমি আর তমার পরিবারর মানুচ্চুনে যে কনঅ জাগাত্‌ সিয়েনি খেই পারিবাক্ কিত্যে সিয়েনিই অবঅ মিলন-তাম্বুলোত্‌ তমার কাম্‌ গোজ্যে বেতন।

মথি লেখ্যে গম্ হবর্ 24:25

শুনো, মুই আগেদি তমারে ইয়েনি বেক্কানি কোই রাগেলুং।

লূকে লেখ্যে গম্ হবর্ 10:7

সেই ঘরানত্ থেয়ো আর তারা যিয়েন্ দুয়োন্ সিয়েনই হেয়ো, কিয়া যে কাম্ গরে তে বেতন্ পেবার্ যগাজ্যে। এক্কান্ ঘর্ ফেলেইনে অন্য ঘরত্ ন-যেয়ো।

লূকে লেখ্যে গম্ হবর্ 12:42

জোবত্ প্রভু যীশু কলঅ, সেই বিশ্বেজি আর বুদ্ধিবলা চাগর্‌‌‌বো কন্না, যিবেরে তা গিরোজ্‌‌‌সো তার্ অন্য চাগরুনোরে ঠিগ্ সময়োত্ হানা ভাগ্ গুরি দিবার ভারান্ দিবো?

যোহন 4:38

মুই তমারে এমন্‌ শোজ্য কাবিবাত্যে দিপাধেলুং যিয়েনত্যে তুমি কাম্ ন-গরঅ। অন্যগুনে কাম্ গোজ্যন্ আর তুমি সে কামর্ ফসল কাপ্প্য।”

প্রেরিত্‌ 11:30

তারা বার্ণবা আর শৌল আঢত্ যিহূদিয়া মন্ডলীগুনোর বুড়ো নেতাগুনো ইধু সেই সাহায্যগানি পাধেই দিলাক্।

প্রেরিত্‌ 20:35

মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্‌পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্‌বাদ আঘে।

প্রেরিত্‌ 28:10

তারা নানান্ বাবোত্যেগুরি আমারে সর্মান দেগেলাক্ আর যেরেদি জাহাজ্‌চান ছাড়িবার্ অক্তত্ আমা দরকারী বেক্‌ পযাপিরানি জাহাজত্ তুলি দিলাক্।

রোমীয় 12:8

যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।

রোমীয় 15:27

এ টেঙাগুন্ তারা হুজি ওইনে তুল্ল্যন। ইয়েন বাদেয়ো এই মন্ডলীগুন যিরূশালেম মানুচ্চুনো ইধু নাম্ ফুদেয়্যে, কিয়া যিহূদীগুনে যেক্কে তারার্ আত্মিক আশির্বাদর্ ভাগ্ অযিহূদীগুনোরে দুয়োন সেক্কে অযিহূদীগুনোর‌্‌‌অ উচিত্ সাংসারিগ পৌইদ্যেনে যিহূদীগুনোরে সাহায্য গরানা।

রোমীয় 16:12

ত্রুফেণা আর ত্রুফোষারে ভালেদি জানেয়ো। এ মিলেগুনে প্রভুত্যে কাম্ গরন্। পরাণর্ পর্ষিসরেয়ো ভালেদি জানেয়ো। এ মিলেবোয়ো প্রভুত্যে বোউত্ কাম্ গোজ্জ্যে।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

১ করিন্হীয় 16:16

সেনত্যে এবাবোত্যে মানুচ্চুনোর্ অধীনতা স্বীগের্ গুরিবাত্যে মুই তমারে কোজোলী গরঙর্। আর অন্য যিগুনে এ কামত্ মিজেইনে দরমর গুরি কাম্ গরন তারার্‌অ অধীনতা স্বীগের্ গরঅ।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

২ করিন্হীয় 6:1

গোজেন সমারে কাম গুরিয়্যে ইজেবে আমি তমারে এ কোজোলিগান্ গুরির্, তুমি যেক্কে গোজেনর্ দোয়্যে পেইয়ো সেক্কে সিয়েন বিফল্ অবাত্তে ন-দুয়ো।

গালাতীয় 6:6

যিবেরে গোজেনর্ কধা শিক্ষ্যে দিয়্যে অয় তে যেন তা মাষ্টরবোরে তার্ বেক্‌ গম জিনিস্‌চানির্ ভাগ্ দে।

দ্বি’লম্বর বিররণ 18:8

তা বাপ্পোর্‌ ফেলে যেইয়্যে পযাপিরানি বিঝিনে টেঙা পেলেয়ো সিদুগোর্ লেবীয়গুনো সমারে তে সং সং ভাগর অধিকারী অবঅ।

ফিলিপীয় 2:29

ইয়েনত্যে প্রভুর মানুচ্ ইজেবে জদবদে হুজিয়ে রাজিয়ে তুমি তারে মানি লঅ, আর এবাবোত্যে মানুচ্চুনোরে তুমি সর্মান গরঅ।

ফিলিপীয় 4:3

আর মর্ আজল্ সমাজ্জ্যে, মুই তরেয়ো কোজোলি গরঙর্-তুই এই মিলেগুনোরে সাহায্য গর্। তারা খ্রীষ্টর্ পৌইদ্যেনে গম হবরত্যে মঅ লগে আর ক্লীমেন্ত আর মর্ অন্য সমাজ্জ্যেগুনো সমারে দুঘ্ গোজ্জ্যন্। ইগুনোর্ নাঙানি জিংকানি-বোইবোত্ লেগা আঘে।

১ তীমথিয় 3:5

যিবে তার্ নিজো ঘর পৌইদ্যেনে পরিচালনা গুরি ন-জানে তে কেধোক্ক্যেন গুরিনে গোজেন মন্ডলীর দেগাশুনো গুরিবো?

১ তীমথিয় 4:10

ইয়েনত্যে আমি মনে পরাণে কাম্ গুরির্ আর আওজ্ গুরিনে কাম্ গুরির্, কিয়া জেদা গোজেন উগুরে আমি আজা রাগেয়্যেই। তেয়ই বেক্‌ মানুচ্চুনোর্ উদ্ধোর্ গুরিয়্যে, বিশেষ গুরিনে তারারে যিগুনে তারে বিশ্বেজ্ গরন্।

১ তীমথিয় 4:14

মন্ডলী নেতাগুনে যেক্কে তঅ উগুরে তারার্ আঢ্‌তানি রাগেয়োন সেক্কে ভাববাদী ইজেবে কধা কনার্ মাধ্যমে যে বিশেষ্ দান তরে দিয়্যে ওইয়্যে সেই দানান্ তুই অবহেলা ন-গুরিচ্।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

১ তীমথিয় 4:6

যুনি তুই এ বেপারানি ভেইয়ুনোরে বুঝেই দুয়োচ্ সালে খ্রীষ্টীয় ধর্ম-বিশ্বেজর্ যে সত্যগান আর ভুল-নেইয়্যে শিক্ষ্যেগান তুই মানি চলর্, সিয়েন্দোই কাবিল্ ওইনে খ্রীষ্ট যীশুর এক্কো যগাজ্জ্যে সেবাগুরিয়্যে অবে।

১ তীমথিয় 5:19

দুই বা তিনজন সাক্ষীর্ সাক্ষ্য বাদে মন্ডলীর কনঅ আজল্ নেতার বিরুদ্ধে কনঅ দুষোর্ কধালোই কান ন-দুয়ো।

১ তীমথিয় 5:3

যে রানী মিলেগুনোর্ কেঅ নেই তারারে যত্তন্ গুরিনে দেগাশুনো গরঅ।

২ তীমথিয় 2:6

যে চাষাবলাবো কাম্ গরে তাত্তুনই পত্তমে খেদর্ ভাগ্ পানা উচিত।

২ তীমথিয় 4:2

গোজেনর্ কধানি ফগদাং গরঅ; সময়োত্ ওক্‌ বা অসময়ত্ ওক্‌, আমিযে ফগদাঙত্যে যুক্কোল্ থাগঅ; ভারী ধৈজ্জ্য ধুরি শিক্ষ্যে দিইনে মানুচ্চুনোরে দুষ্ দেগেই দে, তারারে উজিয়ার্ গরঅ আর উপদেচ্‌ দুয়ো।

ইব্রীয় 13:17

তমা নেতাগুনোর্ কধানি মানি চোল্ল্য আর তারার্ বাধ্য ওইয়ো, কিয়া যিগুনে গোজেন ইধু ইজেব দিবাক্ সেবাবোত্যে মানুচ্‌ ইজেবে দঅ তারা তমারে দেগাশুনো গরন্। তারার্ বাধ্য ওইয়ো যেনে তারা তারার্ কামানি হুজি গুরিনে গুরি পারন, দুঘ্ পেইনে নয়। যুনি দুঘ্ পেইনে গরা পরে সালে সিয়েনত্যে তমার কনঅ লাভ্ ন-অবঅ।

ইব্রীয় 13:24

তমার বেক্‌ নেতাগুনোরে আর গোজেন মানুচ্চুনোরে আমার ভালেদি জানেইয়ো। ইটালী দেজর্ গোজেনর্ মানুচ্চুনে তমারে ভালেদি জানাদন্।

ইব্রীয় 13:7

যিগুনে তমা ইধু গোজেনর্ কধা কদাক্ তমার্ সেই নেতাগুনোর্ কধা ইদোত্ রাগেয়ো। তারার্ জিংকানির থুমোর্ কধাগান গমেডালে চিন্তে গোজ্জ্য আর তারা ধোক্ক্যেন গুরি তুমিয়ো বিশ্বেজ্ গোজ্জ্য।