১ তীমথিয় 5:15 - Chakma Bible

¹⁵ এ ভিদিরে দঅ কয়েক্কো রানি মিলে ফিরি যেইনে শদানর্ পধেদি চলদন্।

১ তীমথিয় 5:15 Iomraidhean Croise

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

১ তীমথিয় 1:20

সেই মানুচ্চুনো ভিদিরে আঘন্ হুমিনায় আর আলেক্‌সান্দর। সেনত্যে মুই শদানর্ আঢত্ তারারে ইরি দুয়োং, যেন তারা এ শিক্ষ্যেগান পান, গোজেনরে অগমান্ গুরিবাত্যে নেই।

২ তীমথিয় 1:15

তুই হবর্ পাজ্ এশিয়া রেজ্যত্ বেক্কুনে মরে ফেলে যেয়োন। তারাত্তুন্ আঘন্ ফুগিল্ল আর হর্মগিনি।

২ তীমথিয় 2:18

ইগুনে গোজেনর্ সত্যত্তুন্ দূরোত্ সুরি যেইয়োন। ইগুনে কন্, বিশ্বেজিগুনোর্ মরণত্তুন্ জেদা ওই উদোনা আগে ওই যেইয়্যে। ইগুনে কারঅ কারঅ বিশ্বেজরে বর্‌বাত্ গুরি ফেলেয়োন।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

২ পিতর 2:2

ভালোকজনে তারারে দেগিনে কামানি বেঙেবাক্। তারাত্যে মানুচ্চুনে সত্য পধ্‌থানরে বদনাঙ্ গুরিবাক্।

২ পিতর 3:16

তার বেক্‌ চিধিগানিত্ তে ইয়েনি পৌইদ্যেনে এই একই কধা লিগি থায়। সিয়েনি ভিদিরে খালিক্ কদক্কানি বেপার আঘে যিয়েনি বুঝোনা আগাত্ত্যা। সেনত্যে যিগুনে শিচ্চ্য অবার শিক্ষ্যে ন-পান আর যিগুনো মনানি চুলুবুলু তারা অন্য বোইয়ো ধোক্ক্যেন ইয়েনির্ অত্তগানি ঘুরেই কোইনে নিজোর্ ভস্ত অনাগান ডাগি আনন্।

১ যোহন 2:19

খ্রীষ্টর্ এ শত্রুগুন আমা ভিদিরেত্তুন্ নিগিলি যেয়োন। মাত্তর্ তারা আমা মানুচ্‌ ন-এলাক্। যুনি তারা আমার্ অদাক্ সালে আমা সমারে থেদাক্, মাত্তর্ তারা নিগিলি যেইয়োন বিলিনে বুঝো যার্, তারা কেঅই আমার নয়।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।