১ তীমথিয় 5:14 - Chakma Bible

¹⁴ সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

১ তীমথিয় 5:14 Iomraidhean Croise

পত্থম 18:6

অব্রাহামে সেক্কে তাম্বুলো ভিদিরে যেইনে সারারে কলঅ, “যাদিমাদি আদার কেজি গম্‌ মোয়দ্যে মুলিনে কিজু পিদে বানেই দে।”

পত্থম 18:9

তারা অব্রাহামরে পুযোর্‌ গুরিলাক্‌, “তঅ মোক্কো সারা কুদু?” তে কলঅ, “তাম্বুলো ভিদিরে আঘে।”

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

গম্ উপদেজ্ 14:1

বুদ্ধিবলা মিলে তা সংসারর্ ভালেদি গরে, মাত্তর্ যে মিলেবোর মনান্ বাজে তে নিজে তা সংসারান্ ভাঙে।

যিরমিয় 29:6

বৌ লোইনে পুয়ো-ছার্ জর্ম দুয়ো; তমা পুয়ো-ঝিগুনোরে মেলা গুরি দুয়ো যেনে তারার্‌‍অ পুয়ো-ছা অয়। সিয়েনত্ তমা মানুচ্চুন বাড়েবা, ন-কোমেবা।

দানিয়েল 6:4

সেনত্যে সেই রাজ-পরিচালক্‌কুনে আর সেই শাজন্‌গুরিয়্যেগুনে সরকার কাম পৌইদ্যেনে দানিয়েলর দুষ ধুরিবার চেট্ট্যা গরা ধুরিলাক, মাত্তর্ ন-পারিলাক্। সে ভিদিরে তারা কনঅ দুষ তোগেই ন-পেলাক্, কিত্যে তে বিশ্বেজি এলঅ, কনঅ দুষ বা অবহেলা তা ভিদিরে ন-এলঅ।

রোমীয় 14:13

ইয়েনত্তে আমি যেন একজন আরেক্ জনরে দুষ্ ন-ধুরিই, বরং এমন্‌ কনঅ কাম্ ন-গুরিবোং বিলিনে ঠিগ্ গুরিই, যিয়েন দেগিনে কনঅ ভেই মনত্ যাগুলুক্ পায় বা পাপত্ পড়িই পারে।

২ করিন্হীয় 11:12

যিগুনে তারার্ দেমাগ বেপার্‌লোই নিজোরে আমার সং সং বিলিনে দেগেবাত্যে চান্ তারা যেন সে জু-বো ন-পান্ সেনত্যে মুই যিয়েন গরঙর্ সিয়েন গরানাত্ থেম্।

১ তীমথিয় 2:8

মুই চাং যেন বেক্‌ জাগানিত্ মরদ্‌তুনে রাগ বা কোজ্জ্যের্ মনভাব ন-রাগেইনে সাব্ মনে দ্বিয়েন আঢ্ তুলিনে তবনা গরন্।

১ তীমথিয় 4:3

ইগুনে মান্‌জ্যরে মোক্ ন-লবার উগুম দুুয়োন আর কনঅ কনঅ হানা খাদে মানা গরন্। মাত্তর্ বিশ্বেজিগুনে, যিগুনে গোজেনর্ সত্যগানরে জান্ন্যন্, তারা যেন ভালেদি জানেইনে খান সেনত্যে দঅ গোজেনে এই বেক্ হানাগানি সৃট্টি গোজ্যে।

১ তীমথিয় 5:11

গাবুজ্জ্যে রানি মিলেগুনোর্ নাঙানি রানিমিলে লিষ্টিত্ ন-লেখ্য, কিয়া যেক্কে তারার্ বো যেবার মন থেলে খ্রীষ্ট উগুরে তারার্ ভোক্তি কুমি এজে সেক্কে তারা নেগ্ লবাত্যে চান্।

১ তীমথিয় 6:1

যে চাগরুনোর্ জদবদে কাম্ গরা পড়ে তারা বেক্কুনে তারার্ গিরোজ্‌চুনোত্তুন্ সর্মান পেবার যগাজ্জ্যে বিলি মনে গোরোক্, যেন কেঅ গোজেন নাঙর্ আর আমা শিক্ষ্যেনির্ নিন্দে গুরি ন-পারন্।

তীত 2:5

নিজোরে দোঙেই রাগান, পবিত্র থান্, সংসার ইন্দি খিয়েল্ গরন, দোয়্যেলু অন্ আর নেগ অধীনোত্ থান্, যেনে কেঅ গোজেনর্ কধা অসর্মান গুরি ন-পারন্।

তীত 2:8

কেঅ যেনে তঅ দুষ্‌চান ধুরি ন-পারন্ সেবাবোত্যে সত্য শিক্ষ্যে দিস্, যেন তমার বিপক্ষ মানুচ্চুনে লাজান্, কিয়া আমা পৌইদ্যেনে ভান্ন্যেই কধা কবার্ দঅ কিচ্চু ন-থেবঅ।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।