১ তীমথিয় 5:13 - Chakma Bible

¹³ ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

১ তীমথিয় 5:13 Iomraidhean Croise

গম্ উপদেজ্ 11:13

যে পররে সজ্জায় তে গুমুড়ো কধানি কোই দে, মাত্তর্ বিশ্বেজি মান্‌জ্যে কধানি গুমুড়োত রাগান্।

গম্ উপদেজ্ 20:19

যে ইংসে-নিন্দে গুরিনে বেড়ায় তে গুমর কধানি ফগদাং গুরি দে; সেনত্তে যে বেশ্ কধা কয় তা সমারে ন-মিজেয়ো।

গম্ উপদেজ্ 31:27

তা পরিবারর চেরোকিত্তেন্দি তে খিয়েল্ রাগায়; তে কাম গুরিনে খায়।

গম্ উপদেজ্ 7:11

তে ভান্ন্যেই পধেদি যেইয়্যে মিলে, রঅ ছাড়ি ছাড়ি কধা কয়, তা টেঙানি কনদিন্অ ঘরত্ ন-থায়;

লেবীয় 19:16

কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

লূকে লেখ্যে গম্ হবর্ 10:7

সেই ঘরানত্ থেয়ো আর তারা যিয়েন্ দুয়োন্ সিয়েনই হেয়ো, কিয়া যে কাম্ গরে তে বেতন্ পেবার্ যগাজ্যে। এক্কান্ ঘর্ ফেলেইনে অন্য ঘরত্ ন-যেয়ো।

প্রেরিত্‌ 20:20

তমার যাতে এজাল্ অয় এমন কনঅ কিজু মুই তমা ইধু ন-কোইনে জুরো গুরি ন-থাং, বরং বারেদি খুলোমেলাগুরি আর তমা ঘরে ঘরে শিক্ষ্যে দুয়োং আর প্রচার গোজ্জ্যং।

প্রেরিত্‌ 20:30

এমন্‌ কি, তমা নিজো ভিদিরেত্তুন্ মানুচ্চুনে উদিনে গোজেনর্ সত্যগানরে মিজে বানেবার্ চেষ্টা গুরিবাক্ যেন বিশ্বেজিগুনোরে নিজো দলত্ টানি পারন্।

১ তীমথিয় 5:12

ইয়েন্দোই তারা তারার্ আগ এগেমান্ ভাঙন্ বিলিনে নিজো উগুরে সাজা ডাগি আনন্।

তীত 1:11

এ মানুচ্চুনোর মুয়োনি নাঢি দেনা দরকার, কিয়া অন্যেয় লাভত্যে তারা এন্‌ শিক্ষ্যে দুয়োন যিয়েনি তারার্ দেনা উজিত নয়; আর এবাবোত্যে গুরি তারা কয়েক্কো ঘোর্‌‌‌‌‌বোরে ভস্ত গুরি ফেলেয়োন।

যাকোব 3:10

আমা একই মুয়োদি বাঈনী গরানা আর অভিশাব্ নিগিলি এজে। মর্ ভেইয়ুন্, এবাবোত্যে অনা উচিত্ নয়।

১ পিতর 4:15

তমা ভিদিরে কেঅ খুনী, চুর্, অন্যেয় গুরিয়্যে ওইনে বা অন্যেয় গুরিনে অন্য পৌইদ্যেনে আঢ্ দিইনে দুঘোত্ ন-পোড়োক্।

৩ যোহন 1:10

সেনত্যে তে যিয়েনি গরের্ মুই এযানার্ পরেদি সিয়েনি বেক্কুনোরে জানেম। তে আমা বিরুদ্ধে ইংসে গুরিনে বোউত্ মিজে কধা কোইয়্যে। সিয়েনিলোইও সুগি ন-ওইনে তে নিজেয়ো ভেইয়ুনোরে মানি ন-লয় আর যিগুনে তারারে মানি লবাত্যে চাদন্ তারারেয়ো মানা গরের্ আহ্ মন্ডলীত্তুন্ নিগিলেই দের্।